Улаанбаатарын 145 оргилуураас 50 нь зун ажилладаг | News.MN

Улаанбаатарын 145 оргилуураас 50 нь зун ажилладаг

Улаанбаатарын 145 оргилуураас 50 нь зун ажилладаг

Улаанбаатарын 145 оргилуураас 50 нь зун ажилладаг

Урин дулааны улирал эхэлж, иргэд зуны халуунд усан оргилуурын дэргэд чөлөөт цагаа өнгөрүүлж, амрахыг хүсдэг. Гэвч Улаанбаатар хотыг усан оргилуургүй хот гэж хэлэхэд хилсдэхгүй биз. Өнгөрсөн хугацаанд нийслэлд нийт 145 усан оргилуур байгуулсан ч жилийн жилд 50 орчим нийтийн усан оргилуур л ажилладаг гэдгийг албаныхан учирлаж байна.

Энэ өдрүүдэд Төв талбайн цэцэрлэгийг олон нийтийн цэцэрлэгт хүрээлэн болгож тохижуулахаар Хотын захирагч С.Амарсайхан шийдвэрлэсэн. Уг шийдвэрийн хүрээнд зураг төслийн уралдаан зарлаж, түрүүлсэн бүтээлээр нь хамгийн том усан оргилууртай цэцэрлэгт хүрээлэн байгуулахаар болсон нь иргэдийн эсэргүүцэлтэй тулаад байгаа билээ. Ингээд Улаанбаатар хотын усан оргилуурууд яагаад ажиллахгүй байгаа талаар өдрийн сурвалжлага бэлтгэлээ.

“УСАН ОРГИЛУУР НЭРТЭЙ ХОГИЙН САВ ХИЙМЭЭРГҮЙ БАЙНА”

 

Бид Төв талбайн зүүн талын цэцэрлэгт байрладаг усан оргилуур орчимд очлоо. Усан оргилуур ажиллахгүй байгаа бөгөөд тойрсон сандал дээр ганц нэг хүн суусан харагдана. Усан оргилуур орчимд хог хаягдал харьцангуй бага байсан ч эвгүй муухай үнэр үнэртэнэ. Хогийн сав орчимд энд тэндгүй тамхины иш, шүлс хаяжээ. Тохижилт үйлчилгээний ажилчид ногоон байгууламжийг усалж байв.

Уг цэцэрлэг дундуур явж байсан Чингэлтэй дүүргийн иргэн Д.Сүхбаатар “Төв талбайн цэцэрлэг дээр зуны гуравхан сар ажиллах усан оргилуур барихын тулд ургаж байгаа модыг нь шилжүүлэх шаардлагагүй гэж бодож байна. Тэр талбайд өмнө нь их хэмжээний мөнгө зарцуулж, мод тарьчихаад, одоо нураана гэдэг утгагүй. Юм хийх гээд байгаа бол гэр хороололдоо бүтээн байгуулалт хийх хэрэгтэй.

Тэнд ямар ч хөгжил алга. Одоо баригдсан усан оргилууруудаас ажиллаж байгаа нь тун цөөн. Жишээлбэл, талбайн зүүн талын цэцэрлэг дундах усан оргилуур тамхины ишээр дүүрчихсэн байна лээ. Усан оргилуур нэртэй хогийн сав хийхийг дэмжихгүй байна” гэв.

Цааш “Централ таур”-ын урд талбайд очлоо. Тэнд найзтайгаа сууж байсан С.Урангоо “Сүүлийн үеийн усан оргилуурын ус нь бохир болсон юм шиг санагддаг. Уг нь хүмүүс усан оргилуур тогтмол ажиллаад байвал дуртай л байх биз. Гэтэл зуны гурван сардаа бүрэн бүтэн хугацаандаа ажилладаг усан оргилуур гэж байхгүй болж. Тиймээс нэмж усан оргилуур хийх гэж байгаа бол байгуулсан шиг л тогтмол ажиллагаатай, цэвэрхэн байлгамаар байна. Ард кино театрын автобусны буудал дээрх усан оргилуур гэхэд ерөөсөө ажилладаггүй” гэдгийг хэлж байв.

“ЗУНЫ ГУРВАН САРД 50 ОРЧИМ УСАН ОРГИЛУУР АЖИЛЛАДАГ”

 

Улаанбаатар хотод хувийн, нийтийн, айлын, хотхоны гээд нийлээд 145 усан оргилуур бүртгэлтэй байдаг аж. Тодруулбал, Хан-Уул дүүрэгт 15, Баянгол дүүрэгт 26, Сонгинохайрхан дүүрэгт 28, Баянзүрх дүүрэгт 34, Сүхбаатар дүүрэгт 22, Чингэлтэй дүүрэг 10, Багахангай дүүрэгт 11, Багануурт гурав, Налайх дүүрэгт гурван усан оргилуур бүртгэлтэй.

Эдгээрээс жилийн жилд 50 орчим нийтийн зориулалттай усан оргилуур зуны гурван сар ажилладаг гэдэг тайлбарыг нийслэлийн Захирагчийн албанаас өгч байв.

Сүүлийн жилүүдэд огт ажиллахгүй байгаа Ард кино театрын автобусны буудал болон Арслантай гүүрний усан хөшиг гэх мэт томоохон усан оргилуурууд өндөр зардлаар засвар хийх шаардлагатай байгаа учраас ажиллахгүй байгаа гэнэ.

Бүртгэлтэй усан  оргилууруудаас ганцхан “Централ таур”-ын урдах усан оргилуурыг нийслэлийн Захирагчийн алба гэрээгээр хариуцдаг бөгөөд бусад оргилуурыг дүүрэг нь хариуцдаг гэдгийг мэргэжилтэн хэлсэн юм.

“НИЙТ 8300 МОД, БУТНААС 189 МОДЫГ ШИЛЖҮҮЛЖ СУУЛГАНА”

Олны эсэргүүцэлтэй тулгараад буй Хонхтой цэцэрлэгт хүрээлэн нийт 1.6 га талбайг хамардаг. Тохижилтын хүрээнд 185 метрийн урттай 14 метрийн өргөнтэй, 570 тонн усны багтаамжтай, хөгжмийн аялгуутай усан оргилуур, дугуйн талбайтай, задгай театртай, хоёр нийтийн бие засах газар байгуулахаар 3.2 тэрбум төсөвлөсөн гэдгийг албаныхан танилцуулсан. Усан оргилуур нь 330 ширхэг гэрэлтүүлэгтэй гэнэ.

Уг бүтээн байгуулалтын ажлын явцын талаар нийслэлийн Хот тохижилтын газрын дарга Б.Бямбадоржоос тодрууллаа. Тэрбээр “Энэ ажлыг нийслэлийн харьяа байгууллага болох Хот тохижилтын газраас хариуцаад хийж байна. Хувийн байгууллага ажил хийж байсан бол бас хардах сан. Цэцэрлэгт нийт 8300 гаруй бут, сөөг, мод байгаагаас шилжүүлэн суулгаж байгаа мод нь гурван хувьд ч хүрэхгүй. Шугам сүлжээний ажил хийх талбайд 189 модыг урд талбайд нь шилжүүлэн суулгаж байна. Бидэнд сонгууль улс төр ерөөсөө хамаагүй. Тиймээс бидний ажлыг битгий улстөржүүлж, саад болооч ээ.

Хамгийн гол нь энд орчин үеийн шийдэлтэй дэд бүтцийг татсан жорлонг барина. Усан оргилуурыг эхний ээлжинд усаар дүүргэхийн тулд зөөврийн усаар дүүргэнэ. Цаашдаа төвлөрсөн шугамаасаа тэжээгдээд оргилно гэж хэлснийг дахин зөөврийн устай байх юм шиг мушгин гуйвуулж байна. Аль ч усан оргилын анхны дүүргэлтийг хийхийн тулд мэргэжлийн байгууллагууд төвлөрсөн шугамын усаар дүүргэдэггүй. Автомат усалгааны системийг нийт 14 арлыг тойруулан суулгана. Усан оргилуур тавдугаар араас эхлэн есдүгээр сарын сүүлч хүртэл ажиллана. Задгай театр нь өвөлдөө коток болно” гэлээ.

“ТӨВ ТАЛБАЙД БАЙРЛАХ ХӨШӨӨ ДУРСГАЛЫГ ХӨНДӨХГҮЙ”

Төв талбайн цэцэрлэгт байрлах АСЕМ-ын хөшөө, Авто замын тэг цэгийн хөшөө, Энх тайвны хонх, Төрийн дууллын хөшөөг огт хөндөхгүй гэдгийг ажилчид хэлж байв.

Тус газрын Тохижилтын албаны дарга Ц.Ганчулуун “Тохижилтын хувьд орчин үеийн шийдэлтэй. Ургамалан хашлагатай. 85:45 харьцаатай усан оргилуур нь хөгжмийн аяаар оргилно. Задгай театртай. Улсын үндэсний баяр наадам, Олон улсын хүүхдийн баяр болохоор Төв талбайн дэргэдээ бие засах газар ачааллаа дийлдэггүй. Нэмэлтээр зөөврийн жорлон авч ирж тавьдаг ч бөөн оочер дугаар болдог. Нийтийн төвлөрсөн системд холбогдоогүй учраас зөөврийн устай байсан. Бас бохирын систем байхгүйгээс бохироо соруулж авдаг байсан юм.

Шинэ жорлон баригдсанаар хоёр газарт тус бүр 17 хүн үйлчлүүлэх боломжтой. Хүүхдээ хуурайлаад хувцас солиод гарах өрөө тасалгаатай, хөгжлийн бэрхшээлтэй  хүмүүс үйлчлүүлэх бүрэн төхөөрөмжтэй жорлон барина. Талбайн зүлэг модны дор хүнд хөнгөнөөр бие засчихдаг. Цаашдаа энэ зовлонгууд арилж, ашиглалт хамгаалалтыг нь манай газраас хариуцаад явах юм” гэдгийг хэллээ.

“Төв талбайн цэцэрлэгт маш олон төрөл зүйлийн 8000 гаруй бут, сөөг, мод бий. Бид нар 2014 онд “Улаанбаатар хотын нэгтгэл” нэртэй байхад энэ цэцэрлэгт ургамлан хашлагыг тарьж байсан юм. Би өөрөө ажлаа удирдаад, тариулж байсан. Тэрнээс өмнө үе үеэрээ ургаж байгаа мод олон байна. Жил бүр арчилгаа тордолгоог нь хийгээд явдаг. Энэ жилээс нийслэлийн төв цэг болсон цэцэрлэгийг тохижуулж, гадаадын жуулчдыг татах цэцэрлэгт хүрээлэн болгон сайжруулъя. Тэгээд бас өтөл болж үхэжсэн моднуудыг цөөлж, авч янзлах шаардлагатай байгаа.

Жишээлбэл, нэг өтөл модонд цэвэрлэгээний огтлол хийж хэлбэржүүлээд, залуу бут, сөөг, модоор нь сэлгэн тарихаар төлөвлөж байна. Мөн хүн гишгэж туучсан, баас, шээс болоод байдаг моднуудыг цэвэрлэж, залуу модоор нь нөхөн тарина. Бид өнөөдөр 8000 гаруй модны 10 хувь ч хүрэхгүй 189 модыг шилжүүлэн суулгана. Жижиг бут, сөөгийг төрөлжүүлэн ангилж, ургамалан хашлага хийнэ.Тэгэхгүй бол хайлаас, нохойн хошууг холиод тарьчихсан байх жишээтэй. Өндөр гацуур, нарс, шилмүүст зэрэг цөөн тооны том модныг шилжүүлнэ. Тун удахгүй моддын навч, нахиа нь дэлгэрэх үе нь болох гэж байна. Унтаа байдлаасаа сэргэлт явагдаж байна гэсэн үг. Тэр үе нь одоо юм. Бид унтаа үед нь л моднуудаа шилжүүлэхгүй бол нахиа найлзуур нь гарсан үед шилжүүлбэл ёстой үхэх аюултай.

Ер нь агротехнологийн горимыг маш сайн баримталж байх ёстой. Тэр хугацаанд ажлаа хийх шаардлагатай. Ургамал гэдэг чинь цаг хугацаагаараа ургаж, цэцэглэж, навч болдог. Хүмүүс  жилийн түүхтэй модны тухай яриад байгаа. Яг 70, 80 жилийн түүхтэй ургаж буй мод цөөн байна. Хайлаас, гацуур, шинэс зэрэг  өндөр цөөн мод л олон жил болж байна. Бусддыг нь өмнөх жилүүдэд шинэчлэгдэн таригдаж байсан моднууд. Энэ бол 1.6 га талбай. Энэ газраа ногоон байгууламж нэлээд цэвэрлэнэ. Өчигдөр Ботаникийн хүрээлэнгээс хөрсний бохирдол болон шороо, агаарын шинжилгээг аваад явсан.

Зарим хүмүүс огт мэргэжлийн бус хүнтэй ярьж байгаа юм шиг ярьж бас болохгүй шүү дээ. Эрдэмтэн судлаач 26 хүн энэ ажлыг эсэргүүцэж байна гэсэн. Бид бүх модыг шилжүүлэн суулгана гэж яриагүй. Тэд онол талаасаа ярьж байна лээ. Би гэхэд 30 гаруй жил практик дээр ажиллаж ирсэн. Миний хувьд салбартаа 30 гаруй жил ажилласан Монгол Улсын зөвлөх инженер хүн. Тийм учраас би ч гэсэн ном сонин эргүүлэхээс илүүтэй өөрөө гардан тарьж, ургуулсан хүний хувьд цэцэрлэгийг эвдэхгүй, сүйтгэхгүй яг технологийн дагуу сайжруулж байгаа”  гэдгийг нийслэлийн Хот тохижилтын газрын Ногоон байгууламжийн албаны дарга Д.Батцэцэг тайлбарлалаа.

Гэрэл зургийг Г.БИЛГҮҮН

 

 

Энэ мэдээнд өгөх таны сэтгэгдэл?
7
ТэнэглэлТэнэглэл
3
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-04-09 64.119.16.131

Усан оргилуур гэдэг чинь манайх 6.7.8 сар гуравхан сар бусад үед хог н**ш дүүрсэн маш том талбай эзэлсэн хогны сав байх нь байна шүү.

Avatar

Зочин 2020-04-09 150.129.141.214

Тэмээ гэхээр ямаа, хүмүүсийн хэлээд байгаа юмыг ойлгодоггүй юм уу, маш том талбай эзэлсэн усан сангийн ашиглалт муутай цементэн байгууламжийн асуудлыг л шүүмжлээд баыгаа шүү дээ. Ногон байгууламжийг хумьж хийхгүй яаж тийм том байгууламж хийх юм. Мод бутны нөхөн сэргээлт байнга л хийгддэг ажил, нэг их хийдгүй болоод ингэж яриад байгаам уу.

Avatar

Зочин 2020-04-09 103.229.121.246

Цэцэрлэгт хүрээлэнгийн 2 том усан оргилуур сүүлийн 2 зун огт ажиллаагүй. Зүгээр л салхиар ирсэн хог хүлээн авдаг сав болсон.

Avatar

Зочин 2020-04-09 202.70.34.89

8900 модноос 190 мод л нүүлгэж шилжүүлнэ бусдыг нь байранд нь үлдээнэ гээд байгаа бол 3,2 тэрбус төгрөгөөр тэгээд юу хийх гэж байгаа юм бэ нээрээ л цемент авах юм байна л даа зардлын задаргаагаар нь гаргаад олон нийтэд танилцуул даа
700 хүн 2 сар тасралтгүй ажиллана ч гэх шиг зүгээр байгаарай тийм зүйл огт байхгүй л дээ.

Avatar

Зочин 2020-04-09 202.179.27.77

Усан оргилуур ер нь энд тэндгүй бий болгох хэрэгтэй.Тоосжилтын эсрэг бидний ганц хийж чадах юм одоогоор энэ байгаа юм.Гэхдээ ямар хийцийн,яаж хийх нь шүүмжлэл дагуулж бна.Иргэдийг хоцрогдсон,хөдөөний гэсэн сэтгэхүйгээр ялгаварлаж хямд чанаргүй,дараачийн тордолт байхгүй юм авчирч угсардаг жишиг их бна.Жишээ нь хүүхдийн паркийн тоглоом гэж хамгийн баталгаагүй хоцрогдсон юмаар одоог хүртэл иргэдийг хуурч бгаа.

Avatar

ИРГЭН 2020-04-09 202.21.127.168

Хэрэв төр нь төр шиг байгаад түүнд шургалсан хулгайч нараа шийтгэж чаддаг байсан бол би итгэх байсан. Гэтэл алхам тутамдаа хулгай хийж байгаа Амарсайхан мэтийн амьтанд итгэхгүй байнаа. Өнөөдөр УБ-ын захын хороолол Гетто болон хувирч байна. Тэнд хулгайлах юм бага учраас энэ нөхдүүд тоохгүй байна

Avatar

монгол хүн 2020-04-09 202.72.247.19

төрд шургалсан хэдэн дарга нар нь "Гадаадад зовж зүдэрч байгаа монголчуудаа авчирна" гэж худал яриад, үнэн хэрэгтээ гадаадад аялж амьдардаг ил далд эхнэр хүүхдээ зөөж, хорионоос арын хаалгаар авч яваад байгаа нь монголд корона тархах аюулыг дагуулж байна. ЭМЯ-ны сайд нь аргаа бараад мэдэгдэл хийлээ. УОК маш муу ажиллаж байна. Хэнийг ч хорионоос гаргах ёсгүй

Avatar

монгол хүн 2020-04-09 202.72.247.19

Улаанбаатар газар зүйн хувьд хүйтэн бүсэд оршдог. хүйтэн бүсэд усан оргилуур зохимжгүй, харин ногоон байгууламжыг олноор но байгуулах ёстой юм шүү. Амарсайхан гэдэг үхэр толгойт шуналтай чөтгөр сонгуулийн мөнгөө босгох зорилготой усан оргилуур барина гэж зүтгэх юм. Сэлэмчин Хүүх өнөөг хүртэл чимээгүй байхыг бодоход Амарсайханыг дэмжиж байна гэж ойлгогдож байна. Яаж ч бодсон цаг үеэ олоогүй , туйлын буруу шийдвэр. Төрд шургалсан хэдэн дарга нар нь корона тараачих гээд хэцүү байна.

Avatar

Зочин 2020-04-09 64.119.21.163

Mongol ulsiin Garamgai baatar Erdeniin Bat-Uuliin Arslantai guuren deer tavisan Hushigun usan orgiluur ajilladag uymuu? Hehe

Avatar

Зочин 2020-04-09 103.57.95.191

ter sheedeg gvvrni ajilladag yumuu..nuraagaachee..onigootoi..terni tsuuduud bgaamuu..hog hiij mungu idehee boliochee..huraldaa suudaggvi bj.;

Avatar

Зочин 2020-04-09 43.242.243.172

Усан оргил эзэнгүй хариуцдаг хүнгүй учир намар хоолойнуудыг хөлдөөдөг.түүний төлөө Монголчууд хариуцлага хүлээдэггүй учраас хэзээч ажиллахгүй бна.бас муу материалаар батлагдаагүй хийж мөнгөө хувааж идээд дуусдаг .үүнийг арилгах арга нь хэн хийлгэсэн түүнтэй тооцдог хууль хэрэгтэй

Avatar

Зочин 2020-04-09 182.160.34.0

Ubs gobdiiinhan mungu niilej idej bndaa

Avatar

Зочин 2020-04-09 103.14.39.2

Энэ луйварчин хулгайчуудаас яаж салах вэ. Мэдээжийн юман дээр мөнгө идэх гээд улайраад суучихна.Өдөр шөнөгүй ажиллаж хэдэн ажилтанаа цалинтай хэцүү үеийг яаж давья гээд стессдэд суухад биднээс авсан татварыг хамгийн хэрэггүй юм хийгээд сууж байх юм. 3,2 тэрбумыг цуглуулах гэж хэдэн ажилтан, хичнээн аж ахуйн нэгж хэдэн сар үйлээ үзэж байна. Бүгдийг нь гуйлгачин болгочихоод хог овоорсон цементэн ажилладаггүй хогийн савтай болох юм байна. Энийг чинь тооцож байгаад сонгуулиар чамайг заавал солино.

Avatar

Болд 2020-04-09 202.131.245.210

Erunhiilugch zarlig gargaad boliul Manaihan ter tusmaa Niisleliin hariya baiguullagiinhanii hiideg orchin uyeiin Usan orgiluur gej yu baidag yum ve Ed heden havtan zam taviad heden plita hazgar muriu naagaad gold n neg us gardag yum hiigeed 3.0 ter bum

Avatar

монгол хүү 2020-04-09 124.158.107.35

бусаднь өвөл ажилдагиймуу , усаноргилуур ийм олноор байдаггүй хотын өнгө үзэмж нэмэх цөөн чанартай хийгдэх байгууламж учир гоо үзэмж чухал байдаг танайд байгаан зүгээр л хогийн сав

Avatar

Зочин 2020-04-09 103.14.38.132

За даа. Төв талбай дээр хог таригчид, гар дээрээс худалдаа хийгдэгч олширох байх даа

Avatar

Зоргоороо 2020-04-09 103.212.116.112

Шүршүүр гээч. Ванны өрөөний шүршүүрээс өөрцгүй юм хийчээд тэрийгээ хэдэн тэр бум болсон гэж ярина. Яг үнэндээ тэгж хийх юм бол 100 айлаас 10 ширхэг шүршүүр худалдаж аваад хийвэл 100000 ч хүрэхгүй шүү хамаагүй хэмнэлттэй. Шүршүүр хийчээд ориглуур гэж андуурдаг нөхөдүүдээ

Avatar

Зочин 2020-04-09 64.119.27.146

Хотынхоо төв цэгт та нар түгжирээд ч хамаагүй энд ирээ ирээд жорлонд ороо хүүхдээ хуурайлаа зүлгэн дээр хэвчих гэж хэлж байгаатай ижил санагдахгүй байна уу. Түгжирлийг бууруулна гэж зарлачихаад Хотын төвд усан оргилуур барина гэнэ шүү. Яармагт барьчихбал тэрний чинь дагаад түгжрэл буурна үйлчилгээ хөгжинө гадны жуулчид гэсэн харна бас Үндэсний түүхийн музей тэнд байгуулагдана нэг дор сайхан бишүү Музейн өмнө байгуулчих адилхан дулааны улиралд ажиллана

Avatar

зочин 2020-04-09 203.91.119.42

ер нь төр бүх зүйлийг хүнээс асуух ямар ч шаардлага байхгүй, иргэдийн амьжиргаанд шууд нөлөө үзүүлэх асуудлыг л хэлэлцүүлэх болохоос бусдыг нь шууд шийдвэрээ гаргаад хийх хэрэгтэй. Төр юуны тулд оршдог билээ гэдгийг бас бодох хэрэгтэй. Шуурхай, мэргэжлийн, тооцоо судалгаатай, шийдэмгий байх ёстой. Олон нийтийн санаа бодол үргэлж зөв байдаггүй тэд мэргэжлийн бус өнгөцхөн шийдвэрийг гаргах эрсдэлтэй байдаг. харин төрд мэргэжлийн хүмүүс ажиллаж шийдвэр гаргаж, хэрэгжүүлэх зарчим үйлчлэх ёстой.

Avatar

зочин 2020-04-09 203.91.119.42

сайхан тохижуулж засварлах нь зөв шүү ихэнх улс орны төв тайлбайн ойролцоо усан оргилуур үзэж харах зүйл их байдаг манайх гэхээр л тохижилтгүй байх албагүй, хүмүүс гэр хороололд юм хийх нь зөв гаад л байна тэр нь зөв лдөө гэхдээ ээлж дараатай тохижилтын ажлыг хийх хамгийн зөв бүтээн байгуулалтыг дэмжиж байна

Avatar

Г.Н 2020-04-09 43.228.130.186

ЖИЛД 12 САР БАЙДАГ ЮМ. МОД БУТ БОЛ 12 САРДАА БҮТЭН ХҮЧИЛТӨРӨГЧ ЯЛГАРУУЛДАГ ЮМ, УСАН ОРГИЛУУР 3 САР АШИГЛААД ҮЛДСЭН 9 САРД НЬ ХОГИЙН САВ БОЛДОГ ЮМ ЭНЭ ШИЙДВЭРИЙН ЯМАР МАЛ НЬ ГАРГАЖ ЯМАР УХАНА НЬ БАТАЛЖ ХЭРЭГЖҮҮЛЭХ ГЭДЭГ БАЙНА ЭРҮҮЛ САРУУЛ ТОЛГОЙТОЙ ХҮН БАЙНА УУ.

Avatar

Зочин 2020-04-09 103.229.121.42

Бүгдийг нь нураагаад усаа хэмнэе. 3хан сар ажиллах усан оргилуур хэрэггүй.

Avatar

Зочин 2020-04-09 103.212.116.225

Hujaagii t****g geed baidag asem-d zoriulj hiisen booronhii hoshoog avch hay aa

Avatar

irgen 2020-04-09 64.119.21.192

Negees busad usan orgiluuryg duureg hariutsdag gene! Ajililuulah jiliin tesviig ni batalj egdeg baih. Tesevgui bol ajilluulj chadahgui. Mengegui bol usan orgiluur gedeg MASHIN ajillahgui.

Avatar

бодлын хулгайч 2020-04-09 66.181.167.53

АСЕМ НЭРТЭЙ ЦАР ТАХЛЫН ВИРУСЫГ ЗӨГНӨСӨН ГЭЛТЭЙ ТЭР ЗҮЙЛИЙГ ЗАЙЛУУЛАХ ХЭРЭГТЭЙ. ХУУЧИН БАЙСАН ЭНХ ТАЙВАНЫ ХОНХЫГ ЭРГҮҮЛЭН АВЧИРАХ ХЭРЭГТЭЙ

NewsMN Гар утасны хувилбар Татах
NEWS.mn

Мэдээллийн эх сурвалж