Хойд Америкийн үндэсний сагсан бөмбөгийн холбоо буюу NBA 2020 оны Алдрын танхимын гишүүдээ зарлалаа. Энэ жилийн гишүүдээр 18 удаагийн NBA-ийн бүх одод, таван удаагийн NBA-ийн аварга Коби Брайант, 15 удаагийн NBA-ийн бүх одод, гурван удаагийн финалын "Үнэ Цэнэтэй Тоглогч" Тим Данкан, 15 удаагийн NBA-ийн бүх одод, есөн удаагийн NBA-ийн бүх хамгаалалтын нэгдүгээр багийн гишүүн Кевин Гарнетт, дөрвөн удаагийн үндэсний шилдэг дасгалжуулагч Эдди Саттон, хоёр удаагийн NBA-ийн аварга Руди Томяанович, 10 удаагийн WNBA-ийн бүх одод, дөрвөн удаагийн олимпийн аварга Тамика Катчинс, гурван удаагийн NCAA-ийн оны шилдэг дасгалжуулагч Ким Малки, таван удаагийн NCAA Division II-ийн оны шилдэг дасгалжуулагч Барбара Стевенс, FIBA-ийн удирдлага асан Патрик Бауманн нар тодорчээ.

Тэднийг алдаршуулах ёслол ирэх наймдугаар сарын 29-нд сагсан бөмбөгийн спорт үүссэн газар болох АНУ-ын Массачусетс мужийн Спрингфилд хотод зохион байгуулагдана.