БНХАУ-ын Төрийн зөвлөл дөрөвдүгээр сарын 4-ний өдрийг шинэ коронавирусийн цар тахлын улмаас нас барсан хүмүүс болон ард иргэдийнхээ амь насыг аврахын тулд өөрсдийн амь насыг золиослон ажилласан эмч, эмнэлгийн ажилчдын дурсгалыг хүндэтгэх үүднээс гашуудлын өдөр болгох шийдвэр гаргаснаа өчигдөр /2020.04.03/ зарласан юм.

Энэхүү шийдвэрийн дагуу өнөөдөр /2020.04.04/  орон нутгийн цагаар 10.00 цагаас бүх төрийн далбааг хагас бөхийлгөн, улс орон даяар гурван минут дуугаа хураан гашуудаж байна. Гашуудлын үйл ажиллагаанд Хятадын дарга Ши Жиньпин, Ерөнхий сайд Ли Көцянь тэргүүтэй  эрх баригчид болон Коммунист намын удирдлагууд оролцжээ.

Шинэ төрлийн коронавирус буюу “Сovid-19” өвчнөөр дэлхий даяар нэг сая гаруй хүн халдвар авч, 59 мянга гару хүн нас бараад байгаа билээ. Үүнээс халдвар анх гарсан Хятад улсад 2019 оны арванхоёрдугаар сараас хойш 81 мянга гаруй хүн халдвар авч, 3300 гаруй хүн нас баржээ.

Security personnel wearing face masks stand to pay tribute as China holds national mourning for those who died of the coronavirus disease (COVID-19), on the Qingming tomb-sweeping festival, in Beijing, China, April 4, 2020. REUTERS/Thomas Peter TPX IMAGES OF THE DAY

Эх сурвалж: XINHUA, GLOBAL TIMES