Зөрчил гаргасан иргэний нэрийг олон нийтэд зарлана | News.MN

Зөрчил гаргасан иргэний нэрийг олон нийтэд зарлана

Зөрчил гаргасан иргэний нэрийг олон нийтэд зарлана

Зөрчил гаргасан иргэний нэрийг олон нийтэд зарлана

ЦЕГ-ын Нийтийн хэв журам хамгаалах олон нийтийн аюулгүй байдлыг хангах газрын дарга, цагдаагийн хурандаа П.Эрдэнэбаттай цаг үеийн асуудлаар ярилцлаа.


-Өндөржүүлсэн бэлэн байдалд шилжсэн энэ цаг үед цагдаагийн байгууллагаас ямар ажил хийж байна вэ. Өнөөдрийн байдлаар нийслэл, орон нутгийн хэмжээнд тусгаарлах байранд нийт хэчнээн иргэд байгаа вэ?

-Цагдаагийн байгууллагаас холбогдох мэргэжлийн байгууллагуудтай хамтраад коронавирусийн цар тахлаас урьдчилан сэргийлэх чиглэлээр Засгийн газар болон Улсын онцгой комиссын шийдвэрийг хангах чиглэлээр хяналт тавин ажиллаж байна. Өнөөдрийн байдлаар төв орон нутгийн хэмжээнд 26 обьектэд тусгаарлагдсан иргэдийн аюулгүй байдлыг хангах хяналт тавих чиг үүргийг хэрэгжүүлж байна.

Монгол Улсын Шадар сайд, Улсын онцгой комиссоос баталсан коронавирусийн халдварын үед иргэнийг тусгаарлах, ажиглах түр журмын дагуу үйл ажиллагаа явагдана. Нийтдээ төв орон нутгийн хэмжээнд 26 цэгт 2174 хүн хяналтад байна. Нийслэлд 15 обьект байна. Үүнд ХӨСҮТ, Цэргийн төв эмнэлэг, сувиллын газар, зочид буудал багтсан.

-Тусгаарлалтаас гарсан иргэд 14 хоног гэртээ мөн тусгаарлагдах ёстой. Үүнд цагдаагийн байгууллага хэрхэн хяналт тавьж байна вэ?

-Иргэдийг тусгаарлах хугацаа 21 хоног. Өөрөөр хэлбэл, 21 хоногийн хугацаа дуусаад тусгаарлах байрнаас гарсан иргэд 14 хоногийн хугацаанд гэрээр тусгаарлагдана. Өнөөдрийн байдлаар гэртээ тусгаарлагдсан 616 хүн хяналтад байна. Эдгээр иргэдэд оршин суугаа газрынх нь Засаг дарга, өрхийн эмнэлгийн эмч, холбогдох хүмүүстэй хамтран хяналт тавьж байна.

Тухайн иргэн гэртээ өөрийгөө тусгаарлахдаа эрүүл мэндийн байгууллагаас олгосон хяналтын хуудсын дагуу биеийн халууныг өдөрт гурван удаа хэмжиж өрхийн эмнэлэг, сум хорооны өрхийн өмчид байнга утсаар мэдэгдэх ёстой.

Уг мэдээллийг тухайн иргэнтэй утсаар холбогдож авч байна. Мөн байр орон сууц болон оршин суугаа газрын орон сууц өмчлөгчдийн холбоо СӨХ-тэй хамтраад камераар давхар хянаж байна. Ерөнхийдөө тусгаарлагдах байрнаас гарсан иргэдээс баталгаа авч 14 хоног тусгаарлах зөвлөмжийг өгч байна. Тиймээс дээрх иргэд ямар нэгэн байдлаар гадагшаа гарахгүй, зочин урихгүй, өөрийн аюулгүй байдал болоод бусдын аюулгүй байдлыг хангах шаардлагатай. Ингэхдээ цагдаагийн байгууллага, баг хорооны хүмүүстэй тогтмол холбоотой байж биеийн байдлаа мэдээлж ажиллана.

Үүнээс гадна “тусгаарлах 14 хоног” гэсэн стикерийг өгч байгаа. Үүнийг зайлшгүй буюу дэглэм журам зөрчсөн хүмүүсийн гэрийн хаалган дээр нааж байгаа. Нэг талдаа хүний эрхийн асуудал боловч нөгөө талдаа бусдын эрхийг нэг хүний эрхээр хязгаарлаж болохгүй.

Тусгаарлах байранд байгаа иргэдийн зүгээс багагүй зөрчил гаргах болсон. Жишээ нь, архи согтууруулах ундаа хэрэглэсэн, эмч мэргэжилтнүүдтэй зүй зохисгүй аашилсан гэх асуудал яригдаж байна?

-Нэг үеэ бодвол тусгаарлах байранд байгаа иргэдийн зөрчил харьцангуй буурсан. Харин гэрээр тусгаарлагдах ёстой иргэд архидан согтуурах асуудал гаргах боллоо. Цагдаагийн байгууллгаас дээрх иргэдэд зөрчлийн хэрэг нээн хариуцлага тооцоод явна. Тусгаарлах байрнаас гарсан иргэдтэй бид өөртэй нь холбогдож хяналт тавиад явж байгаа ч зөрчил дутагдал гаргах вий гэсэн үүднээс цагдаагийн байгууллагын мэдээллийн санг давхар хянаж байна. Жишээ нь, эрүүлжүүлэгдсэн болон зөрчил гаргасан бүх мэдээлэл манай санд бүртгэгддэг учраас тэр мэдээллийг өдөр тутам шүүж байна.

-Тусгаарлалтад буй иргэн зөрчил гаргасан тохиолдолд ямар арга хэмжээ тооцох вэ. Одоогийн байдлаар дэглэм зөрчсөн нийт хэчнээн иргэнд хариуцлага тооцсон бэ?

-Нарийн тоо баримт одоогоор байхгүй байна. Ерөнхийдөө тусгаарлах байранд дэглэм журам зөрчсөн тохиолдолд бид нэвтрэх боломжгүй учраас ажиглалтын хугацаа дуусаад гараад ирсэн тохиолдолд зөрчлийн хэрэг нээн, тухайн иргэнээс өөрөөс нь мэдүүлэг тайлбар авч хуулийн дагуу хариуцлага оногдуулаад явж байна.

Дэглэм журам зөрчсөн тохиолдолд Зөрчлийн тухай хуулийн 5.13-т заасны дагуу торгоно. Зөрчлийн хуульд зааснаар иргэнийг 150 нэгж буюу 150 мянган төгрөгөөр торгох зохицуулалттай.

Цаашлаад эрүүгийн хуульд тусгай зохицуулалт бий. Энэ нь өөрийгөө халдварт өвчтэйг мэдсээр байж бусдад тараасан бол эрүүгийн хариуцлага хүлээдэг. Одоогоор дээрх асуудал байхгүй. Зөвхөн дэглэм журам, Гамшгийн тухай хууль зөрчсөн иргэдэд арга хэмжээ авч байна.

-Монгол Улс гадаадаас иргэдээ тусгай үүргийн онгоцоор авчирч байгаа.  Энэ хэрээр тусгаарлагдах иргэдийн тоо улам нэмэгдэж байна. Тиймээс тусгаарлагдаж буй хүмүүс болон ар гэрийнхэн нь юуг анхаарах ёстой вэ?

-Монгол Улсын Засгийн газар, Улсын онцгой комисоос гадаад оронд зорчсон иргэдээ тусгай чартер нислэгээр авч байна. Эрсдэлээс урьдчилан сэргийлэхийн тулд бид тэднийг дүрэм журмын дагуу тусгаарлаж байна. Тусгаарлагдах хугацаанд иргэд байгаа орчин нөхцөлдөө дэг журамтай байх нь ухамсрын асуудал. Дэлхийн хэмжээнд өвчний тархалт ямар байгаа билээ. Тэгэхээр бусдыг эрсдэлд оруулахгүйн тулд дэглэм журмыг чанд мөрдөх ёстой. Иргэд хүлээцтэй хандаж, эмч мэргэжлийн байгууллагын шаардлагыг биелүүлэх, асуумжаа үнэн зөв бодитой өгөх хэрэгтэй. Ингэснээр бусдад аюул учруулахаас сэргийлнэ.

-Тусгаарлах байрны хүрэлцээний асуудал ямар байна вэ?

-УОК-ын шуурхай штаб 24 цагаар ажиллаж байна. Бид байгаа нөхцөл байдлаа судалж нэмэлтээр иргэдийг байрлуулах боломжтой өөр газруудыг судалж, очиж танилцан тусгаарлах байрны шаардлага хангаж байгааг харгалзан үзэж байна. Мэргэжлийн байгууллагаас аль болох боломжоор нь байрыг гаргаж байгаа. Эхний ээлжид Токио, Сөүлийн нислэгээр ирж байгаа хүмүүсийг байршуулах байрны бэлтгэлийг хангасан. Одоо аюулгүй байдлыг хангаж ажил явагдаж байна.

-Эрүүл мэндийн яамнаас мэдээлснээр иргэд гэрээр тусгаарлагдах хугацаанд зарим хүмүүс харзны усанд орсон гэх зэрэг асуудал яригдсан. Үүнд цагдаагийн байгууллагаас ямар хяналт тавьж байна вэ. Явсан маршрут бүгдийг бүртгэдэг үү?

-Сэжигтэй гэх хүмүүсийг бид хяналтад байлгаж байгаа. Тухайн хүний хаагуур явсан, хэнтэй уулзсан гэх бүх маршрутыг тогтоогоод холбогдох арга хэмжээг авч байна.

-Иргэд тусгаарлах байранд мэс, иртэй зүйл авч орж болохгүй гэсэн дотоод журам бий. Өөр юу авч орохыг хориглож байгаа вэ?

-Тухайн иргэнд нэн шаардлагатай ариун цэврийн хэрэглэл, солих хувцас ойр зуурын хүнсний бүтээгдэхүүн оруулж авч байгаа. Тусгаарлах хугацааг 21 хоног болгож сунгасантай холбогдуулж зайлшгүй зүйлсээр гурван удаа ар гэрээс нь хангалт авахыг зөвшөөрсөн.

-Цахим хэрэгслээр худал мэдээлэл тараасан тохиолдол хэд хэдэн удаа гарсан. Энэ талаар цагдаагийн байгууллагаас ямар арга хэмжээ авсан бэ?

-Зөрчлийн хуулийн нэмэлт өөрчлөлтийн зохицуулалт 2020 хоёрдугаар сарын 24-ны өдрөөс хүчин төгөлдөр мөрдөгдөж эхэлсэн. Тэрнээс өмнөх асуудлыг Зөрчлийн хуулиар шийдвэрлэж байсан. Одоо Эрүүгийн хуулиар шийднэ. Нэг үеэ бодвол худал мэдээлэл тараах, иргэдийг төөрөгдүүлэх асуудал харьцангуй буурсан. Өнөөдрийн байдлаар эрүүгийн хэрэг үүсгэсэн 14 мэдээллийг шалгаж байна.

-Хөл хорио тогтоосон энэ үед тусгаарлалтын дэглэм зөрчсөн иргэдийг овог нэртэй нь зарлаж болдоггүй юм уу гэсэн саналыг иргэд ярьж байна. Үүнд тайлбар өгөхгүй юу?

-Мэргэжлийн байгууллагууд яг энэ асуудалд  нэг байр суурьтай байна.

Хэрэв удаа дараа зөрчил гаргаж, дэглэм зөрчсөн тохиолдолд тухайн иргэнийг нэр устай нь зарлана. Одоохондоо тийм хэмжээнд хүрсэн хүн байхгүй байна.

-Гадаад иргэдийн тусгаарлалтын талаар мэдээлэл өгөхгүй юу. Жишээ нь Турк иргэд тусгаарлагдахгүй хэмээн эсэрцгүүцэл үзүүлсэн гэсэн?

-Гадаадын иргэд аль ч улсаас ирсэн хамаа байхгүй Монгол Улсын нутаг дэвсгэрт байгаа учраас дэг журмыг мөрдөнө. Мэргэжлийн байгууллагууд гадаадын иргэдийг ирсэн даруйд нь тусгаарлаад явж байгаа. Гадаадын иргэнд өөр журам үйлчилнэ гэсэн ойлголт байхгүй.

-Цагдаагийн байгууллагын ачааллал ямар байна вэ. Алба хаагчид цаг наргүй ажиллаж байгаа байх?

-Цагдаагийн байгууллага, алба хаагчид өндөржүүлсэн бэлэн байдалд, нэлээд ачаалалтай ажиллаж байна. Ялангуяа тусгаарлах байрны аюулгүй байдлыг цагдаагийн байгууллага хариуцсан. Энэ дээр ажиллаж байгаа алба хаагч, онцгой обьектууд болон Сэлэнгэ, Замын-Үүдэд ажиллаж байгаа алба хаагчид 14 хоногийн хугацаанд ээлж солихгүй ажиллаж байна. Яагаад гэхээр газар орны нөхцөл байдалд тааруулж тэгж ажиллахаас өөр арга байхгүй. Бид алба хаагчдаа халдвар хамгааллын хувцас бүх нөхцөлөөр хангаж байна. Мөн явуулын дост байршуулж ээлжээр тэнд нь амрааж байна.

-Хөл хорионы үеэр гэмт хэргийн гаралт буурсан ч ахуйн хүрээний архидалт нэмэгдлээ гэж ярьж байна?

-Хөл хорио тогтоосон хугацаанд зарим байгууллагын үйл ажиллагааг хумьсан. Үүнд баар цэнгээний газар, ПС тоглоом гэх мэт бий. Өндөржүүлсэн бэлэн байдалд шилжсэнээс хойш гэмт хэргийн гаралт буурсан. Хоёрдугаарт, цэнгээний газруудын үйл ажиллагааг зогсоосноор архидалт ахуйн хүрээнд шилжсэн. Өнөөдрийн байдлаар нийслэл хотын хэмжээнд 876 дуудлага мэдээлэл авсан байна. Улсын хэмжээнд 1135 бүртгэгдсэн байна.

Э.АРИУН

Энэ мэдээнд өгөх таны сэтгэгдэл?
32
ЗөвЗөв
3
ХөөрхөнХөөрхөн
3
БурууБуруу
2
ТэнэглэлТэнэглэл
1
ХарамсалтайХарамсалтай
0
ХахаХаха
0
ГайхмаарГайхмаар
Баярлалаа!

Холбоотой мэдээ

35 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-04-03 150.129.140.40

Нэр зүс царайг зарлах хэрэгтэй Хүний эрх шашин шүтэх эрх коронавирусын өмнө юуч биш гэдгийг дэлхийд баталсан шүү Дотоодын инээдэг дайсантай хайр найргүй хатуу дайны цагын хуулиар хандах хэрэгтэй

Avatar

ХААИС оюутан 2020-04-03 202.21.118.22

ХААИС-ийн дотуур байранд амьдардаг байсан ах хүү байна ш дээ

Avatar

Зочин 2020-04-03 202.72.245.198

Нийтийн зам талбайд зөрчил гаргагчийг видео бичлэг тараасан иргэнийг зөрчлийн хуулиар шийтгэдэгээ боль тэгэхэд л олон амьтан номхорно доо

Avatar

Дорнодын иргэн. 2020-04-03 122.201.22.143

УБ хотод дэг журам сайн мөрдөгдөж байх шиг байна. Хөдөө орон нутагт, аймгийн төвд ямарч хараа хяналт, мөрдөж байгаа юм алга. Хаа сайгүй согтуу залуус, гадаа хяналтгүй тоглох хүүхдүүд, хэд хэдээрээ хөлхөлдөж хүмүүс, маск зүүсэн нь тун цөөн. Ер нь бол бүгд амралт чөлөөт байдалдаа орсон мэт байна. Аюул тун ойрхон байхад иргэн хүний хувьд санаа их зовж байна. Аймгийн онцгой комиссоос ажиллаж байгаа зүйл мэдрэгдэхгүй байна.

Avatar

Зочин 2020-04-03 64.53.234.130

ner usaar ni baritsaalj durem juram morduulehed buruu zuil alga iim hundreltei ued daruulgatai baisan ni niited olziitei!

Avatar

Зочин 2020-04-03 122.201.22.213

Нэрээр нь бид нар мэдээд юу хийхэв, Хүчээр дайчлан гаргуулж авах хэрэгтэй.

Avatar

Иргэн 2020-04-03 103.212.117.191

За ёстой худлаа яриад байна.Бүх СӨХ камертай болсон юм уу.тэрэн шиг худлаа юм байхгүй шүү.

Avatar

Зочин 2020-04-03 122.201.22.116

Зөв

Avatar

Zochin 2020-04-03 103.26.194.241

Zarlah n zov

Avatar

Zochin 2020-04-03 103.26.194.241

Ner us,alban tushaaltain gargaj tavih heregtei,um l bol alban tushaal,tanil talaaraa dalailgadag uymnuudiig

Avatar

УБ Хотын иргэн 2020-04-03 202.126.88.187

Карантинд хугацаагаа дуусгаад эрүүл 14 хоног гэртээ сугаад гарсан ч гэсэн буудаад хороо гхд дэмжих хүн монголд их бна. Яанаа 19 зууны монголчууд яг хэвээрээ хувиа хичээсэн хахуульд автсан жоохоон ч гэсэн соёл боловсрол сурмаар юм

Avatar

зочин 2020-04-03 103.57.92.136

616 хүнийг гэрт нь хянаад шалгаад бгаа юму?мѳн ч сайхан худал ярихыг харж бна уу?бүх сѳх камертай гэрээсээ орох гарахыг хараад байдаг мундаг цагдаа юмаа хахахахахахахахах ингэж худалаа шаахаа боль

Avatar

иргэн 2020-04-03 64.119.18.234

зурагтайй нь ил гаргаж иргэдээ хавтихаас сэргийлэх нь зөв

Avatar

Зочин 2020-04-03 61.102.135.60

Дэлхийн бух л улс евчлелттэй тэмцэж бна. Юуны емне тер нь иргэдээ хамгаалах зорилгоор гадаадад байгаа хунээ яаралтай татаад авдаг. Манайх хэтэрхий удаан, болхи, ойлгомжгуй бна. Солонгосын 4-ны онгоц яагаад хун биш ачаа авах болсон бэ! Карго нь явж байхад сар гаруй хорьгдсон иргэдээ авмаар юм. тусгаарлагдсан хэдэн хунтэй байлдах биш УОК ундсэн ажлаа хийгээчээ!!!

Avatar

Зочин 2020-04-03 192.82.72.45

Сайн хийж байгаа хүмүүсээ татах ажил тийм ч амархан биш байхаа

Avatar

ТӨРИЙН ХУЛГАЙЧДЫГ ХЭЗЭЭ ЗАРЛАЖ БОЛОХ ЮМ УУ? 2020-04-03 77.111.245.180

УЛС ТӨРИЙН ЦАГДАА

Avatar

х** 2020-04-03 66.181.183.243

Тэгээд зарлаач дээ. Юу хүлээгээд байгаа юм.

Avatar

Зочин 2020-04-03 64.119.17.114

odoo dulaarch baina huduu neg tom hashaa bairad geruuded tusgaarlaj tsergeer manuulah heregtei

Avatar

Зөв тэгэлгүй яахав 2020-04-03 103.26.195.16

Одоо тэгэхээс яахав. Нийгмийг хорлох гээд байгаа хүмүүсийг зарлаж олонд сэрэмжлүүлэх хэрэгтэй.

Avatar

Зочин 2020-04-03 150.129.142.9

Хэ хэ зарим хүмүүст нь нэрээ зарлуулах гоё санагдаж болох олны танил болж өөрсдийгөө нийгэмд таниулж сенсаац дэгдээж харин ч өөрсдөдөө ашигтай эргүүлж онгирч магадгүй л байх хамгийн наад зах нь хүний эрх нэр төрд халдлаа гээд явж өгнө манай улс төрчид шиг

Avatar

Зочин 2020-04-03 103.229.122.226

Манайх маш зөв арга хэмжээ авч байгаагын үр дүнд энэ аюулт өвчнийг нийтэд тархаалгүй удаан хугацаанд барьж чадаж байна Харин хорио дуустал архи зарахыг хориглооч зөрчиг гаргагсдад тооцох хариуцлагыг чангатгаач гэж нилээд дээр үёэс л яригдаад байсан яагаад дэмжигдэдгүй юм бол оо Архи л залуучуудыг ходуулж монголыг баллана шүү

Avatar

Зочин 2020-04-03 72.196.192.250

Busdiin erhiig neg hvnii erheer “hyazgaarlaj” bolohgvi bish l dee, busdiin erhiig neg erheer “zucchini” bolohgvi shvv dee !!!
Tsagdaagiihan ta nar dendvv bolobsrolgvi bvdvvn toimoor yarihiimaa.
Buruu yariad zuv oilgono gedeg chini tun bvdvvleg hereg.

Avatar

Зочин 2020-04-03 103.229.121.121

амралтын газарт тусгаарлах буруу шүү!!!

Avatar

Я 2020-04-03 202.131.230.50

Албан тушаалтан, томчуудын нөлөөний хүмүүс зөрчил гаргаж байгаа болохоор нэрийг зарлахгүй байна гэж хүмүүс хардаж байна.

Avatar

Зочин 2020-04-03 103.80.211.87

Ингэж худлаа хэож байхаар яадийн бэ удаа дараа л зөрчил гаргасан улс байхад нэр усыг нь зарлахгүй гэж ЭМЯ нь мэдээлнэ, гэтэл цагдаа нар нь зарлана гэж худлаа хэлнэ битгий ингэж бай за

Avatar

Зочин 2020-04-03 202.55.188.35

Хорио дуустал архи зарахыг хориглооч ээ. Бусад орнууд ийм арга хэмжээ аль эрт авсан байхад манайх суралцмаар юм

Avatar

123456 2020-04-03 103.26.195.192

ES ochigdor baahan hun stugluulaad 2m zai avahgyi TV geer garchiisan ene zorchil mon uu bish uu.Ard tumen huuhduudee daguulaad gaduur ayvahiig horiglood hatuu anhaaruulaad 80 honoloo.Tomchuudiig n baigaliin shalgaral geed hayaj bolno huuhduudiig arai ingej bolohgyi bizdee

Avatar

Зо 2020-04-03 66.181.161.18

Жирийн иргэдэд л тэр хариуцлага гээч чинь оногдож нэр нь гарна. Харин албан тушаалтан, томчуудын нөлөөний хүний нэр тэр бүр гарна гэж ёстой байхгүй дээ мөрийцсэн ч болно

Avatar

Bold o 2020-04-03 223.38.29.143

Ter tusgai uuregiib ongotsoor irsen ulsuudiin ner bolgoj zarlaachee dandaa said darga nariin avgai huuhduud amrag sadanguudaa gadnaas Mongol ruu zoogood bn sh tee ..baliar amitad

Avatar

зочин 2020-04-03 64.119.25.78

Халдвар тараах гэж дураараа тэлчилж байга ТЭНЭГҮҮДийг БУУДНА" гэж хэлээгүйд БАЯРЛА.

Avatar

Зочин 2020-04-03 202.9.46.19

Зүгээр орхилдоо.Байгалийн шалгарал явагдаж байна шүү дээ.

Avatar

Зочин 2020-04-03 202.179.31.76

Пиздрийс минь улс төрийн цагдаа болхнээ

Avatar

Tusgaarlah bairnaas 2020-04-03 202.126.88.131

Tusgaarlah bairnii ariun tsever, uilchilgee, dulaan, hool undandaa anhaarch ajillaach. Hunii toloo geh zuil alga baina sh dee.

Avatar

Зөв ш үү дээ 2020-04-03 202.179.25.114

Бас халдвар авсан хүмүүсийн нэрийг зарлах хэрэгтэй. Тэгэхгүй бол элдэв цуурхал, гүтгэлэг хэрээс хэтэрлээ. Зарим нь шүүхэд хандаж эхэлж байна.

Avatar

зочин 2020-04-03 192.82.69.80

нэрийг нь зарлах нь маш зөв арга юм журам биелүүлдэггүй хүмүүст тохирсон арга юм..ядаж хажуугийн айлууд нь сэрэмжтэй байна

NewsMN Гар утасны хувилбар Татах
NEWS.mn

Мэдээллийн эх сурвалж