АНУ иргэдээ маск зүүхийг зөвлөж эхэллээ | News.MN

АНУ иргэдээ маск зүүхийг зөвлөж эхэллээ

АНУ иргэдээ маск зүүхийг зөвлөж эхэллээ

АНУ иргэдээ маск зүүхийг зөвлөж эхэллээ

АНУ-ын эрүүл мэндийн салбарын өндөр албан тушаалтнууд ард иргэд гэрээсээ гарахдаа нүүрээ хаах хэрэгтэй эсэх дээр маргаантай хэвээр байна. Халдварт өвчний хяналт, сэргийллийн төвөөс энгийн даавуун маск ч өвчин тусах эрсдэлийг бууруулах үр дүнтэй хэмээн зөвлөсөн байна. Харин Ерөнхийлөгч Дональд Трамп маскны оронд ороолтоо ашигласан ч болно хэмээжээ.

Гэтэл засгийн газраас өгсөн албан ёсны заавар, чиглэлд маскыг зөвхөн эрүүл мэндийн салбарынхан, өвчтөн, өвчтөнг асарч буй хүн л зүүхэд хангалттай хэмээсээр буй. Одоогийн байдлаар АНУ-д N95 стандартын маскны хомсдол үүсээд байгаа учир эрүүл мэндийн салбарын ажилтнууд ч нэг маскаа олон удаа хэрэглэх, маскгүй болбол алчуур зүүх зэрэг арга хэрэглэж байгаа аж.

Дээр дурьдсанчлан АНУ-ын халдварт өвчний хяналт, сэргийллийн төв "Хэрвээ хүмүүс олон нийтийн газарт очих, дэлгүүр орох зэрэгтээ ядаж энгийн даавуун маск зүүж байсан бол өвчний тархалт буурах байсан" хэмээн мэдэгдсэн билээ. Тус зөвлөгөөг цагаан ордон авч хэлэлцэж эхэлсэн ч одоогоор албан ёсны заавар өөрчлөгдөөгүй хэвээр байна.

Хоёрдугаар сард ерөнхий мэс засалч Жером Адамс "Маск худалдаж авахаа больцгоо. Маск таныг Covid-19 тусахаас, нийгэмд тарахаас огт сэргийлэхгүй. Харин эмч нарт маск хэрэгтэй. Үгүй бол эмч нар, цаашлаад бүх нийт аюулд орно" хэмээн жиргэж байсан билээ. Тэр ч бүү хэл "Маск зүүснээр өвчин тусах магадлал харин ч илүү нэмэгдэнэ. Учир нь зарим маск хэрхэн зүүхийг мэддэггүй хүмүүс улам их нүүрэндээ хүрэхэд маск нөлөөлдөг" хэмээн ярьж байв. Харин энэ долоо хоногт тэрбээр шинж тэмдэггүйгээр халдвар тээх тохиолдол олон байгаа учир маск зүүх нь үр дүнтэй гэдгийг хүлээн зөвшөөрсөн ч эмнэлгийн ажилтнуудад маск үлдээх хэрэгтэй гэх байр сууриа хадгалсан байр сууриа илэрхийлжээ.

Мөн Энтони Фаучи маскны хэрэглээг нэмэгдүүлэх асуудлаар цагаан ордонд ярилцсан бөгөөд маскны нийлүүлэлт сэргэх үед зөвхөн эмнэлгийн ажилчид төдийгүй энгийн иргэдэд ч маск зүүхийг ихээр зөвлөнө хэмээн ярилцлага өгчээ. Мөн маск зүүсэн ч гараа тогтмол угаасаар байх хэрэгтэй гэдгийг мэргэжилтнүүд сануулж байна.

Харин Фаучигийн маскыг өргөнөөр хэрэглэх асуудлыг дагаад доорх гурван асуудлыг америкчууд дэвшүүлж байна.

  1. Маск халдвар авах эрсдэлийг үнэхээр бууруулах уу?
  2. Бүх нийтээр маск зүүж хэвших нь хангалттай үр дүнтэй юу?
  3. Хомсдолыг хэрхэх вэ?

Нэгдүгээрт, коронавирус халдвар авсан хүнийг ярих, ханиах, найтаах зэргээс үүдэн агаарт цацагдсан шүлсний жижиг дуслуудаар халдварладаг. Тиймээс эмнэлгийн ажилтнуудыг хамгийн өндөр эрсдэлтэй хэмээн үзээд, N95 стандартын маск, аргагүй бол мэс заслын маск зүүхийг тушаадаг. N95 стандартын маск нь агаарт буй тоосонцор, дуслуудыг 95 хувь шүүх чадвартай аж.

Хоёрдугаарт, мэргэжилтнүүд бүх нийтээр маск зүүх нь бодит үр дүн үзүүлэх эсэх дээр маргаантай хэвээр байна. Маш олон мэргэжилтнүүд өөрийгөө тусгаарлах болон гараа угаах нь хамаагүй илүү үр дүнтэйгээс гадна маск зүүвэл биед хуурмаг түгшүүр үүсдэг бөгөөд ихэнх хүн маскыг зөв зүүж чаддаггүй, нүүрэндээ улам их хүрдэг хэмээн үзэж байгаа аж. Мөн тэд бүх нийтээр маск зүүх нь үр дүнтэй гэх бодит нотолгоо байхгүй хэмээцгээж байна.

Харин нөгөө хэсэг эрдэмтэд нь бүх нийтээр маск зүүх нь үр дүнтэй хэмээж байна. Тэднийхээр маск зүүх нь шинж тэмдэг илрээгүй ч вирусийн халдвар авсан, түүнийгээ мэдэлгүй олны дунд амьдарч буй тээгчдээс сэргийлэхэд үр дүнтэй, вирус тээгчтэй шууд харьцах үед халдвар авах эрсдэлийг бууруулдгаас гадна маскыг хэрхэн зөв зүүхийг бүгдэд зааж өгөхөд боломжтой гэх байр суурьтай байгаа аж. "Амжилтад хүрэхийн тулд 100 хувь үр дүнтэй байх албагүй" хэмээн Фаучи хэлжээ.

Гуравдугаарт, маш олон хүмүүс хомсдол үүссэн энэ үед маскыг хамгийн хэрэгтэй хүмүүст нь үлдээх хэрэгтэй хэмээн санал нэгдэж байна. Харин Фаучи "Хэрвээ хүн бүр маск зүүдэг болчихвол маск хамгийн их хэрэгтэй байгаа эмч нарт ч цаашдаа маск тийм ч их хэрэглэгдэхээ болих болно. Гэхдээ танд хангалттай олон маск бий бол бусдыгаа бодох хэрэгтэй" хэмээн хэлжээ.

Энэ бүх асуудлын хариу болгож сүүлийн үед мэргэжилтнүүд ард иргэдийг заавал эмнэлгийн зориулалтын гэхийн оронд энгийн даавуун маск зүүж хэвшихийг зөвлөж эхэлсэн байна.

Эх сурвалж: BBC.COM

Энэ мэдээнд өгөх таны сэтгэгдэл?
9
ЗөвЗөв
9
ХахаХаха
4
ТэнэглэлТэнэглэл
1
ХөөрхөнХөөрхөн
1
ХарамсалтайХарамсалтай
1
БурууБуруу
0
ГайхмаарГайхмаар
Баярлалаа!

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-04-02 202.126.89.2

Daavuun mask uildverlehiig oyudliin gazruuddaa urialaad hoyor davhar daavuun mask hurdan zuulgeech.Buh irgeddeee mask zuulgeh ni shinj temdeggui haldvar teegchfees hamgaalna.Margaldsaar baigaad asuudliig hurdan shiidej chadahgui oron bn shu

Avatar

Зочин 2020-04-02 202.21.107.117

Зүүнэ үү байна уу падгүй заяа нь л мэдэх хэрэг

Avatar

Зочин 2020-04-02 202.126.89.44

Одоо л уу, ёстой оркууд вэ 😂

Avatar

ЗОЧИН 2020-04-02 202.9.46.63

Америкчүүд орсон борооны хойноос цув нөмөрчээ. их оройтсон бна.

Avatar

Иргэн 2020-04-02 202.126.89.23

Уушиганд очиж халдварладаг вирусыг зөвхөн амьсгалын замаар авна. Тиймээс амьсгалын замаас хамгаалчихвал болчих гээд бгн уг нь.

Avatar

Зочин 2020-04-02 202.9.47.27

ТЭНЭГ ХҮМҮҮС ТЭНЭГЭЭРЭЭ Л ЮМ БАЙНА МАСК ЗҮҮХИЙН АЧ ХОЛБОГДОЛЫГ ОЙЛГОХГҮЙ БЯЦХАН ТАРХИТАЙ НОВШНУУД

Avatar

Зочин 2020-04-02 202.179.24.188

путин трамп бас тэр италийн удирдагчид гэж нохойн бааснууд

Avatar

хэрвээ маск нь хомсдолд орсон бол оёод зүүцгээ амьдралд хайртай бол 2020-04-02 202.9.47.1

өөрсдийнх нь прогнозоор 100,000-240,000 хүн нас барсны дараа маск зүүх нь маш зөв байжээ гэж бодоцгоох юм байгааз

Avatar

oyun 2020-04-02 202.126.88.169

erh chuluu geed uheed baidag bol tuuniig yamar erh chuluu gedeg yum AMERIKT bol erh chuluu gedeg ug bdag bolohoos yas unendee jinhene erh chuluu bol 1960 onoos bii bolson shuu yun 200 gariu jil hudlaa gevel sudlaad uz dee zaluus mini erh chuluu gedeg chin ii erh chuluu miniiheer hayzgaarlagdana end oros moros er hamaagui

Avatar

Зочин 2020-04-02 202.21.107.121

Энэ Америк гэдэг улс эмнэлгийн эмчилгээг бизнес болтол хөгжүүлсэн орон шүү дээ. Ямар сайндаа л баруун зүүн хөлний эмч гэж тусдаа байх ав дээ. 5 цул эрхтэнг дотор нь бас салгаж эмчилдэггүй л байлтай. Мөнгө хөөсөн эрүүл мэндийн систем одоогийн үүсээд байгаа нөхцөлд хэцүүхэн л байхдаа. Маск зүүх зүүхгүй нь хүний эрх гээд хэлчихэж болдоггүй халдвартай бол та маск зүүж болно гэж балайраад цаг алдуул их юм.

Avatar

oyun 2020-04-02 202.126.88.169

amerik tegj bgaad durak ivanaas dor hognuud yumaa

Avatar

123 2020-04-02 203.98.76.9

Ямар олон хүний амь нас хохирсны дараа гаргаж байгаа оройтсон шийдвэр вэ? Азичууд амны хаалт зүүгээд энэ өвчний тархалт буурсан болох нь тодорхой байхад юунд нь ийм удаан боддог байна аа

Avatar

Зочин 2020-04-02 27.123.214.2

Америкууд мундаг байж маск зүүж доошоо ороод яахнуу. Та нар муухай харагдана даа яанаа

Avatar

Зочин 2020-04-02 182.160.35.30

Онигоо !

Avatar

ҮНЭНИЙГ ХҮЛЭЭН ЗӨВШӨӨРЧ СУР ЯНКУУДАА 2020-04-02 202.131.232.202

ТОЛГОЙ НЬ ЭРГЭСЭН ИХ ГҮРНИЙ МУНХАГ ЭМЧ НАРАА ГЭЖ. ХЭНД ОЙЛГОЖТОЙ БИЗДЭЭ ХАНИАХ НАЙТААХ ШҮЛСЭЭ ҮСЧҮҮЛЭН ЯРИХААС МАСК Л ХАМГААЛНА ШҮҮ ДЭЭ ЭНГИЙН ЮМЫГ АСУУДАЛ БОЛГОН ДЭВЭРГЭДЭГ АМЕРИК МАЯГИЙН ЗАН ГЭЖ ЭНЭ ДЭЭ ТЭРЭНДЭЭ ДЭЭР ДОРГҮЙ ТОЛГОЙ НЬ ЭРГЭЭД ХЭДЭН АРВАН МЯНГАН ХҮНИЙ АМЬ НАСЫГ АВСАНЫ ДАРАА Л ТЭР ЗӨВ БАЙЖ ДЭЭ. ГЭХ БАЙХ ДАА

Avatar

zochin 2020-04-02 192.82.65.103

Атерик бол эрх чөлөөний орон маанагаа, хэн ч үзэл бодлоо чөлөөтэй илэрхийлж болдог. Чам шиг орос тролл үүнийг энэ насандаа ойлгохгүй

Avatar

отгоо 2020-04-02 193.176.84.16

маск зүүсэн хүн ядахдаа ам хамраа оролдоод байдаггүй учир бас л хамгаалах ач холбогдолтой гэж үзэж байгаа юм байна

NewsMN Гар утасны хувилбар Татах
NEWS.mn

Мэдээллийн эх сурвалж