Филиппиний Ерөнхийлөгч хөл хорио зөрчигчдийг буудахыг тушаав

Хуучирсан мэдээ: 2020.04.02-нд нийтлэгдсэн

Филиппиний Ерөнхийлөгч хөл хорио зөрчигчдийг буудахыг тушаав

Филиппиний Ерөнхийлөгч хөл хорио зөрчигчдийг буудахыг тушаав

Филиппин улсын Ерөнхийлөгч Родриго Дутерте өчигдөр /2020.04.01/ ард иргэддээ хандан мэдэгдэл хийх үеэрээ хөл хорио зөрчиж, байдлыг хүндрүүлж буй хүмүүсийг буудахыг хууль, хүчний байгууллагуудад зөвшөөрч байгаагаа мэдэгджээ.

Тэрбээр хорио цээрийн дэглэмийг хүн бүр чандлан сахих ёстойг анхааруулаад дэглэм сахиулахад саад болсон, эсэргүүцэл үзүүлсэн хэнийг ч болов шууд бууд хэмээн хэлсэн байна.

Хүчирхийллийг ил тод сурталчилдаг хэмээн хүний эрхийн байгууллагуудад байнга шүүмжлүүлдэг Дутерте “Асуудлыг хүндрүүлэхийн оронд тэднийг оршуулсан нь илүү амар гэж би бодож байна” гэж хэлжээ. Тус улсад өнөөдрийн байдлаар 2,311 хүн халдвар авч, 96 хүн нас бараад байгаа ба сүүлийн өдрүүдэд нийслэл Манила хотын захын дүүргүүдэд оршин суугчид хөл хорионы дэглэмийг эсэргүүцэж, эмх замбараагүй байдал үүсээд байгаа юм.

Филиппиний Ерөнхийлөгчийн хар тамхины эсрэг дайн зарласан мэдэгдлээс хойш тус улсад ард иргэдийн эсрэг хүчирхийлэл гаарч, хууль хүчнийхний гарт олон мянган иргэн амиа алдсан гэсэн тоо баримт байдаг. Родриго Дутерте 2016 онд Ерөнхийлөгчөөр сонгогдсоноосоо хойш хууль бус хар тамхины наймаатай тэмцэх бодлогыг идэвхтэй хэрэгжүүлсээр ирсэн бөгөөд хоёр жилийн хугацаанд буюу 2018 оны мэдээгээр хар тамхитай холбоотой хэргээр 5,000 орчим хүн цаазаар авхуулсан байна.

Эх сурвалж: AL JAZEERA, REUTERS

Энэ мэдээнд өгөх таны сэтгэгдэл?
31
ЗөвЗөв
4
ТэнэглэлТэнэглэл
2
ХахаХаха
2
ХарамсалтайХарамсалтай
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж