Нөөцийн мах худалдаанд гарсан ч махны үнэ буурсангүй | News.MN

Нөөцийн мах худалдаанд гарсан ч махны үнэ буурсангүй

Нөөцийн мах худалдаанд гарсан ч махны үнэ буурсангүй

Нөөцийн мах худалдаанд гарсан ч махны үнэ буурсангүй

Жил жилийн хавар махны үнэ тэнгэрт хадаж, мах “магнаг” болдог. Энэ жилийн хувьд харьцангүй тогтвортой байна. Нийслэлийн статистикийн газрын мэдээлснээр дөрөвдүгээр сар гарсаар үхрийн махны үнэ килограмм нь дунджаар 11-12 мянган төгрөгийн үнэтэй байна. Үхрийн цул махны үнэ 50 төгрөгөөр өсчээ. Харин хонины махны үнэ тогтвортой, килограмм нь дунджаар 7800 төгрөгийн үнэтэй байна.  Үхрийн мах “Хархорин” хүнсний захад хамгийн хямд буюу килограмм нь 9800 төгрөг, Харин “Меркури” хүнсний захад хамгийн өндөр, 14 мянган төгрөгийн үнэтэй зарагдаж байна.  Хонины мах тус захад хамгийн хямд буюу 7800 төгрөгөөр худалдааж буйг статистикийн мэдээнд онцолжээ.

Ингээх махны гол зах болох  “Хүчит шонхор”-ыг зорьж, үнэ ханшийг сурвалжиллаа. Тус захын үхрийн махны тасаг хүн багатай, худалдагчид нь “Шинэ мах хямдхан аваарай” гэж аль болох махаа борлуулахыг хичээж байгаа нь анзаарагдна. Тус захад үхрийн ястай, цул мах килограмм нь 10-12 мянган төгрөгийн үнэтэй байна. Хамгийн үнэтэй нь 12 мянган төгрөг, хямд нь арван мянган төгрөг аж.

Худалдаачдын хэлснээр махны үнэ тогтвортой, ямар өөрчлөлт ороогүй болохыг хэлж байлаа. Харин худалдан авалт буурсныг нөөцийн махны худалдаа болон коронавирусийн халдвараас болж хөл хорио тогтоосон, мөн  эдийн засгийн хямралтай холбон тайлбарлаж байв.

Лангуу бүрт үхрийн ястай болон цул мах харилцан адилгүй үнэтэй байгаа нь шинэ болон хуучнаараа ялгаатай гэнэ. Тухайлбал, үхрийн шинэ тарган цул болон ястай мах кг нь 12.200 төгрөгийн үнэтэй байгаа юм. Харин үхрийн цул болон ястай мах кг нь 10-11 мянган төгрөгийн үнээр худалдаалж буй нь намар, өвлийн хөлдүү хуучин мах гэнэ.

Худалдагчдын хэлснээр махны үнийг буулгах нь тэдний орлогод ч ашигтай, өсвөл махаа зарж чадахгүйд хүрдгээ хэлж байв.

НӨӨЦИЙН МАХ ЧАНАРТАЙ БОЛ ХУДАЛДАН АВАЛТ БУУРДАГ

 “Хүчит шонхор” захын худалдагч С.СЭРГЭЛЭН: 

Махны үнэ тогтвортой байгаа. Цагаан сараас хойш махны үнэ килограмм нь 11 мянган төгрөгийн үнээр худалдаалж байна. Харин махны ханш өндөр байна. Бид ченжүүдээс махаа нэг килограммыг нь 8500 төгрөгөөр авч 11 мянган төгрөгөөр борлуулдаг. Малчид ч бас махаа үнэтэй зардаг болчихож. Ченжүүд махны үнээ буулгахад дагаад махны үнэ ч бас буурна шүү дээ. Одоогоор хөл хөдөлгөөн багатай, худалдан авалт муу байгаа. Энэ нь коронавирусийн халдвараас урьдчилан сэргийлж хөл хорио тогтоосонтой холбоотой байх. Нөөцийн мах худалдаанд гарснаас болсон ч байж магадгүй. Гэхдээ нөөцийн мах худалдаанд гарлаа гээд махны үнэд өөрчлөлт орохгүй.


“Хүчит шонхор” захын худалдагч Т.ДОЛГОРМАА: 

-Цагаан сараас хойш махны үнэ хэвийн байна. Шинэ тарган мах 12 мянган төгрөгөөр борлуулж байна. Нөөцийн мах худалдаанд гарсан ч махны үнэд нөлөөлөхгүй. Харин иргэд шинэ мах худалдан авахыг илүүд үзэж байх шиг байна. Гэхдээ махны худалдан авалт муу байна. Энэ нь хөл хорио тогтоосонтой холбоотойгоор эдийн засгийн хямрал үүссэнтэй л холбоотой.


“Хүчит шонхор” захын худалдагч Б.ЦЭНГЭЛ: 

-Махны үнэ өсөөгүй. Харин ч тогтвортой байгаа. Кг нь дунджаар 11 мянган төгрөгийн үнэтэй л байна. Махны худалдан авалт муу байгаа. Иргэд махны нэг, хоёр сарын нөөцөө бэлдсэн байж магадгүй. Дээр нь бар, ресторан аж ахуй нэгжүүдийн үйл ажиллагааг зогсоосон болохоор махны худалдан авалтад нөлөөлж байна. Мөн нөөцийн мах худалдаанд гарчихаар худалдан авалт мууддаг. Гэхдээ нөөцийн мах хэр чанартайгаас л шалтгаална. Нөөцийн мах амт чанар сайтай бол худалдан авалт нэг хэсэг мууддаг. Харин чанаргүй муу байхад иргэд шинэ мах худалдан авахыг л илүүд үздэг гэлээ.


“Хүчит шонхор” захын хонины мах худалдаалж буй тасгаар орж үнэ ханш сонирхвол хонины ястай мах килограмм нь 9500 төгрөгийн үнэтэй байна. Цул мах ч бас 8000-9500 төгрөгийн үнэтэй байна. Мөн л худалдан авалт буурсныг хэлж байв. Харин зарим худалдагчийн хэлснээр махны үнэ 500 төгрөгөөр өссөн хэмээсэн бол зарим нь 500-1000 төгрөгөөр буурсан гэнэ. Ерөнхийдөө махны үнэ бага зэргийн хэлбэлзэлтэй байлаа. Худалдан авалт мөн л тааруу, хөл хөдөлгөөн багатай байлаа.

Иргэдийн хувьд махны үнэ тогтвортой байгааг хэлж байлаа. Харин нөөцийн махнаас илүү шинэ мах худалдан авах сонирхолтой байгааг хэлж байсан юм.

Нийслэлчүүдийн хаврын махны хэрэгцээнд зориулж жил бүр нөөцийн мах худалдаанд гаргадаг. Нөөцийн махны борлуулалт өмнөх онуудад зөвхөн томоохон худалдааны төвүүд, цөөн дэлгүүрүүдээр хэрэглэгчдэд хүрдэг байсан бол энэ жилээс агентийн гэрээгээр нийт 279 жижиглэн худалдааны төвөөр гуравдугаар сарын 9-нөөс эхлэн худалдаанд гарсан юм. Ингэхдээ хороо бүрт 1-3 хүнсний дэлгүүр байхаар тооцож, НӨАТ, ПОС терминалийн төхөөрөмж ашиглалт, Бар кодын асуудлыг шийдвэрлэжээ. Ингэснээр зорилтот бүлгийн иргэд нөөцийн махыг хүндрэл бэрхшээлгүйгээр хямд үнээр дэргэдээсээ авах боломж бүрдэж байгаа юм. Үнийн хувьд үхрийн мах- 7700 төгрөг, хонины мах- 6700 төгрөг, ямааны мах- 6200 төгрөгөөр тус тус худалдаалагдаж буй.

Нөөцийн махны худалдан авалт хэр байгааг сонирхож Баянгол дүүргийн нутаг, гурав, дөрөвдүгээр хорооллын эцэст байрлах нөөцийн мах худалдаалж буй “Ихэр хайрхан” дэлгүүрээр орлоо. Өчигдөр оройны 19:00 цагийн орчимд нөөцийн мах аль хэдийнэ дууссан болохыг худалдагч Д.Пагмадулам хэлж байв. Түүний хэлснээр нөөцийн махны эрэлт анх худалдаанд гарахдаа маш сайн байсан, одоо бага зэрэг буурсан гэнэ. Харин өчигдөр махны борлуулалт сайн байжээ. Иргэдийн хувьд нөөцийн махны үнэ боломжийн, амт чанартай байгааг хэлж байгаа бол цөөн хэсэг нь шүүмжилж байгааг ч худалдагч хэлж байсан юм.

Б.ЦЭЦЭГ

Энэ мэдээнд өгөх таны сэтгэгдэл?
3
БурууБуруу
2
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-04-02 192.82.65.120

Нөөцийн мах чинь тэр чигээрээ яс байна лээ. Яаж хүн авахав дээ

Avatar

Зочин 2020-04-02 66.181.183.60

Улаан огцорвол таарна, алтан панаал , мөн МАХН гишүүн хэвээрээ юу, зүүн зүгийн координатор гэдэг тушаалтай байсан санагдана.

Avatar

Үнийн судлаач 2020-04-02 202.9.46.138

Нөөцийн мах гарснаар махны үнийг бууруулдаггүй, өсөлтийг нь сааруулж өгдөг. Энэ жилийн хувьд нөөцийн мах арай эрт гарсан нь үнийн өсөлтийг хязгаарлаж өгч байна. Өмнөх жилүүдэд 4 сарын 10 хавьд нийлүүлдэг байсан, бага зэрэг оройтвол үнийн өсөлтийг бууруулах нөлөөлөл нь буурдаг зүй тогтол ажиглагдаж байсан.

Avatar

Иргэн 2020-04-02 202.126.88.137

Улаан гэдэг сайд худлаа л яриад байдаг болжээ

Avatar

Бб 2020-04-02 209.89.142.82

Ноолуураар нь энэ малчиддаа зусардаж байгаа цагт УБ хотод махны үнэ хэзээ ч буурахгүй. Залхуу малнууд нь ноолуурын мөнгөөрөө амьдраад болгоод байна ш дээ

Avatar

Зочин 2020-04-02 74.96.170.8

Malchdad dandaa tetgemj ugood baival ted hezee ch mahaa zarahgui shuu dee.

Avatar

Зов 2020-04-02 103.26.193.131

Унэ хэзээ ч буухгуй. 60 сая малтай . Мал осоод байдаг, малчид нядалгаа хийн малын тоогоо 15 сая болгоно уу!!

Avatar

Зочин 2020-04-02 139.5.216.141

НӨӨЦИЙН х** УХНА БУХНЫ ЯС ГОЛДУУ МАХ Ч ХЭЦҮҮЮМ БИЛЭЭ.

Avatar

ИРГЭН 2020-04-02 202.179.24.107

ДИЗЕЛЬ ТҮЛШНИЙ ҮНЭ БУУХГҮЙ БОЛ МАХНЫ ҮНЭ БУУХГҮЙ ЭЭ

Avatar

Зочин 2020-04-02 180.149.93.98

МОНГОЛЧУУД НЭЭРЭЭ ИХ БАЯН ХҮМҮҮС ШҮҮ. ӨНДӨР ХӨГЖИЛТЭЙ БАЯН ОРНЫ ИРГЭДИЙН САРЫН ЦАЛИНГИЙН 15 ХУВЬТАЙ ТЭНЦЭХ ХЭМЖЭЭНИЙ ЦАЛИНТАЙ БАЙЖ, ТЭНДЭХИЙН ҮНЭЭР МАХ БОЛОН БУСАД ХҮНСЭЭ АВЧ ИДЭЭД Л. АНГЛИД БАЙДАГ ХҮН ӨВӨЛ МОНГОЛД ИРЭЭД ГАЙХАЖ БАЙНА ЛЭЭ ЗАРИМ ХҮНС АНГЛИАС ҮНЭТЭЙ БАЙНА ГЭЭД. АМЕРИКИЙН ЭЛЧИНГИЙХЭН ЗАРИМДАА ТОЛГОЙ СЭГСЭРДЭГ Ш ДЭЭ АМЕРИКААС ҮНЭТЭЙ БАЙНА ГЭЭД. МИНИЙ МЭДЭХИЙН МОНГОЛЫН ДЭЛГҮҮРИЙН ҮНЭ ГЕРМАНТАЙ АДИЛХАН, ЗАРИМ НЬ БҮҮР ҮНЭТЭЙ

Avatar

ТИЙМЭЭ 2020-04-02 202.179.24.107

БАЯН УЛС ГЭСЭН. СҮРЖИН, ЦАМААН ТУЙЛШРАМТГАЙ 3 НЬ ДЭНДЧИХСЭН ЮМ. ГАДААДАД ХӨНГӨН ӨВЧТӨЙ ХҮНЭЭ ГЭРЭЭР НЬ ЭМЧИЛЖ БАЙХАД МАНАЙД ЗҮГЭЭР АЖИГЛАЛТАНД БАЙГААНУУДАА ХҮРТЭЛ НЭГ ХҮНИЙГ НЭГ ӨРӨӨНД БАЙЛГАЖ ТАНСАГЛАЖ БАЙГАА БИЗ ДЭЭ

Avatar

Иргэн 2020-04-02 66.181.161.120

Махны үнэ яагаад иим өндөр байдгын учир нь юрөөсөө л ченжиин дамжлага . Энэ жилиин тухайдченжүүд хөдөө малчидаас үхриин махыг 4500-5000хооронд авч байсан тэгээд л хот орж ирээд хэрэглэгчид очихдоо 2дахин өсөж бөйна . Хөдөө малчин ах дүүтэй хүмүүс асуугаад үзвэл ченжүүд ямар үнээр авсаныг нь хэлээд өгнө. Малчинаас хэрэглэгчид очтолоо 4хүнээр дамжин зарагдаж байна шүү дээ . Тэгээд бас Махны ченжүүд гэж хулгайчууд шүү дээ . Одоо малыг буудаад л ачаад явчихдаг болсон

Avatar

Зочин 2020-04-02 180.149.93.98

Австрали, Латин Америкаас тээврийн зардал нь ороод 1.25 ам.долларын үнэтэй үхэр, хонины мах оруулж ирэх сэргэлэн компани байхгүй л юм байх даа. Оросууд бол 1.25 ам.доллараар оруулж ирдэг юм байна лээ.

Avatar

зочин 2020-04-02 64.119.26.242

австрали хонины мах амт нь жаахан тааруухан. мах бага хэрэглэдэг надад тийм санагдсан тул махсагуудын амнаас унах байх аа хямд гээд хачин юм идэлтэй биш дээ

Avatar

зочин 2020-04-02 66.181.187.142

Нөөцийн нэг өдрийн нийлүүлсэн мах хоёр хонож боролдог гэсэн.Мах чанаргүйдээ биш.Монголчууд цамаандаа л үнэтэй махруу хошуурдаг биз.Нөөцийн махыг авч үзээгүй ч харахад лав л зовлого биш тарган мах л харагдаж байсан.Социализмын үед 7-р сар хүртэл нөөцийн мах авч идээд болоод л байсан.Авахгүй бол болино л биз.зах дээр махны үнэ буурсангүй гэж гоншигнох хэрэг огт байхгүй.Үнэтэй мах авахгүй бол болино л биз.Очоод аваад байгаа бол түүнийг сурвалжилж явах шаардлага ч байхгүй

Avatar

зочин 2020-04-02 192.82.65.120

Нөөцийн мах чинь тэр чигээрээ яс байна лээ. Яаж хүн авахав дээ

Avatar

Зочин 2020-04-02 202.21.109.106

Мах энэнээс хямд байна гэж юу байхав дээ, долларын ханшаа бодвол хамгын хямд мөртлөө дээд зэргийн тансаг бараа бол монголын мах л байх шиг байна даа. 2 долларын үнэтэй бэлчээрийн тансаг хонины мах энэ дэлхий дээр монголоос өөр байхгүй шүү.

Avatar

Зочин 2020-04-02 202.55.188.33

Улааны ах дүүс тэгэж гайгүй юм хүмүүст хялайлгах хүмүүс биш. Ховдынхон шиг бас л ѳлѳн гарууд. Турсага ачиж ирээд шахахгүй бол их юм.

Avatar

харамсалтай 2020-04-02 103.229.122.1

нөөцийн махыг ШОНХОРт зарж л байна. ИЙМД махны үнэ буух боломж алга.

Avatar

Монголхүү 2020-04-02 103.229.123.83

Нөөццийн мах гэж дан ястай мах, дээр нь ариун цэврийн шаардлага хангахааргүй бохир юм байх юм. Дээд зэргийн ариун цэвэр, тэгээд цул, ястай гэх мэт ангилсан мах бэлтгэх хэрэгтэй байна.

Avatar

Зочин 2020-04-02 203.91.115.42

хавар хэзээ мах буурдаг байлаа. энэ сайт дандаа харлуулж мэдээлнэ.

Avatar

Зочин 2020-04-02 103.141.250.2

хаана зардаг юм бол.

Avatar

йыэа 2020-04-02 103.11.195.34

Үхрийн цул нь байхгүй. иргэдий гар дээр ястай хонины ууталсан мах л өгч банйа лээ. Үхрийн махыг нь яасын бүү мэд. Тэгээд тэр ууттай мах нь бохир, хир, шороо, үс, хялгастай. ясны үүрмэг их. жижгэлж хөөрдсөн яс. хяналтгүй байна. Тэр их бэлдсэн гээд байгаа үхрийн мах хэний гараар ороод хаана зарагдаад байгаа юм бүүү мэдээ эээээ

Avatar

ыйбха 2020-04-02 103.11.195.34

Нөөцийн махны дэлгүүрүүдэд үхрийн цул байхгүй байна лээ. Дандаа хонины ястай ууталсан бохир мах байна лээ Худлаа гэвэл сурвалжлаарай. Дэлгүүрийнх нь эзэд гуанз хоолны газруудад зараад иргэдийн гар дээр хүргэхгүй байна. Энэ байдлыг хянадаг газар Монголд алга

Avatar

Иргэн 2020-04-02 192.82.64.220

Улс махны үнэ хямд, гол хэрэглээ гээд ямар ч татвар авахгүй үнэ төлбөргүй бэлчээр хэрэглэж, бензиний үнэ буурч, цар тахал гарчаад байхад махны үнэ хэт өндөр байна. Малчдаа махны үнээ буулгаач ээ. Шунал ихдвэл шулам болно гэдэг шүү.

Avatar

Зочин 2020-04-02 202.21.100.210

Нөөцийн хонины махыг зөвхөн чанаж идэх боломжтой тухайн аж ахуйн нэгжүүд маш зальжин аргаар бүх ясыг жижиг маягаар зүсэж уудалсан байна. махны гарцад яс 50% дээш болохоор бараг шулсан мах авсан дээр юм байлаа

NewsMN Гар утасны хувилбар Татах
NEWS.mn

Мэдээллийн эх сурвалж