Сэлэнгэ аймгийн Мандал сум буюу Зүүнхараа хотод коронавирусийн халдвар авсан байж болзошгүй гэж сэжиглэгдэж буй нэг иргэн байгаа талаар өчигдөр /2020.04.01/мэдээлсэн билээ. Тодруулбал, Мандал сумын харьяат иргэн А өнгөрөгч гуравдугаар сарын 10-ны өдөр Истанбул-Улаанбаатар чиглэлийн нислэгээр эх орондоо иржээ.

Тухайн үед гадаадаас ирж буй иргэдийг тусгаарлах үйл явц эхлээгүй байсан тул 14 хоног Улаанбаатарт өөрийгөө тусгаарлах зөвлөмж өгөөд гаргасан  байна.  Өнгөрсөн хугацаанд түүнээс ямар нэгэн шинж тэмдэг илрээгүй ч өнгөрөгч долоо хоногоос бие нь тавгүйтэж эхэлсэн тул сумынхаа эмнэлэгт ханджээ.   Мандал сумын эмнэлэг иргэн А-д "уушигны хатгалгаа" гэсэн онош тавьжээ. Одоогоор түүнийг тусгаарлаад байгаа бөгөөд өчигдөр үдээс хойш Сэлэнгэ аймгийн нэгдсэн эмнэлгээс шуурхай баг ирж шинжилгээ хийсэн байна. Түүнийг коронавирусийн халдвар авсан байж болзошгүй гэж үзэж буй. Шинжилгээний хариу өнөөдөр /2020.04.02/ гарах юм. 

Э.БУРАМ