Монгол Улсад коронавирусийн 12 дахь тохиолдол бүртгэгдээд байна. Эрүүл мэндийн яамнаас халдвараар өвчилсөн хоёр иргэн эдгэж, эмнэлгээс гарч байгаа талаар өчигдөр /2020.03.30/ мэдээлсэн. Хүнд өвчнөөс салж, эдгэрсэн иргэнтэй ХӨСҮТ-ийнхөн уулзаж, баярын цэцэг гардууллаа.

ХӨСҮТ-ийн захирал Д.НЯМХҮҮ "Коронавирусийн халдвар авч эдгэсэн Монголын хоёр иргэн эмнэлгээс гарч байгаад бид урам авч байна. Эмч, өвчтөн хоёр нэг сэтгэлтэй байж энэ өвчнийг ялан дийлнэ. Эрүүл мэндийн сайд Д.Сарангэрэлийн илгээсэн баярын цэцгийг дамжуулж байна. Танд эрүүл энхийг хүсье" гэв.

Б.ЦЭЦЭГ