Баар, фитнес, соёл урлагийн газрын хөл хориог сунгалаа | News.MN

Баар, фитнес, соёл урлагийн газрын хөл хориог сунгалаа

Баар, фитнес, соёл урлагийн газрын хөл хориог сунгалаа

Баар, фитнес, соёл урлагийн газрын хөл хориог сунгалаа

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр /2020.03.30/ мэдээлэл хийлээ. Тэрбээр стандартад нийцсэн фитнес, саун, соёл урлагийн газарт 2-3 хүн цуглаж болох юм гэж тооцоолж, мэргэжлийн байгууллагуудтайгаа зөвлөлдөж, нээхээр төлөвлөж байсан боловч шинэ коронавирусийн тархалтын хоёр дахь үе шат Европоос Ази руу орж ирж байгаа тул бид өмнө нь гаргасан хөл хорионы шийдвэрээ дөрөвдүгээр сарын 30 хүртэл үргэлжлүүлнэ гэлээ.

Тухайлбал, олон нийт цуглах боломжтой фитнес, спорт зал, сургалтын төв, саун, амралт, баар, цэнгээний газар, сүм хийд, соёл урлагийн газрын үйл ажиллагаанд тавьсан хөл хориогоо дөрөвдүгээр сарын 30 хүртэл сунгаж байгаа аж.

АРИУТГАЛ, ХАЛДВАРГҮЙЖҮҮЛЭЛТИЙГ ЖИЛ БҮР ХИЙНЭ

Нийслэлийн Засаг дарга С.Амарсайхан: Ариутгал халдваргүйжүүлэлтийн ажлыг стандартад нийцсэн бодисоор хийж байна. Энэ долоо хоногт 2 дахь шатны ариутгал халдваргүйжүүлэлтийг хийнэ. Улаанбаатар хотод байгаа бүхий л техник тоног төхөөрөмжийг ашиглаж байна. Иргэд аж ахуй нэгжүүд ойр орчмын газартаа өөрсдөө ариутгал халдваргүйжүүлэлтээ хийх хэрэгтэй байна. Бүх зүйлийг хотоос хийх боломжгүй. Өмнө нь энэ мэтчилэн ариутгал халдваргүйжүүлэлтийн ажлыг  Улаанбаатар хотод хийж байгаагүй. Иймээс цаашид жил бүр тэр тусмаа хаврын цагт ариутгал халдваргүйжүүлэлтийг өргөн хүрээнд хийнэ.

Коронавирусийн халдварын тархалт эрчимтэй тархаж байгаа энэ үед Монгол Улсад тус вирус нь дотооддоо гараагүй гээд назгайрч болохгүй, эрүүл мэндийн байгууллагын гаргаж буй зөвлөгөөг хатуу чанд мөрдөх ёстой. Улаанбаатар:

  • Давхардсан тоогоор 3450 баар, цэнгээний газар
  • 2044 цахим тоглоомын газар
  • 240 амралт, сувиллын газар
  • 360 үзвэр үйлчилгээний газар
  • 365 биеийн тамир, спортын газар
  • 299 жолооны курс
  • 102 тоглоомын талбай гэх мэтчилэн 15 мянга 454 байгууллагад мэдэгдэл хүргүүлж, ариутгал халдваргүйжүүлэлтийг хийсэн.

ГЭР ОРОНГҮЙ ИРГЭДИЙГ НИЙГМИЙН ХАМГААЛЛЫН ТУСГАЙ ТӨВД БАЙРЛУУЛЖ, COVID-19-ИЙН ХАЛДВАРААС СЭРГИЙЛЖ БАЙНА

Коронавирусийн халдвараас урьдчилан сэргийлэх үүднээс гэр оронгүй, гадуур амьдардаг иргэдийг эрсдэлээс хамгаалах үүднээс 282 иргэний хамруулж 144 иргэнийг гэр оронд нь буцаасан, үлдсэн иргэдийг нийгмийн хамгааллын тусгай төвд байрлуулж , зөвлөмж зөвлөгөө өгөх, завсар зайгаар нь хөдөлмөр эрхлүүлж байна.

ТҮҮХИЙ НҮҮРС ХЭРЭГЛЭЖ БУЙ ААН, БАЙГУУЛЛАГЫН ЗУУХЫГ СОЛИНО

Сайжруулсан шахмал түлшийг хэрэглэхтэй холбоотой эрсдэл үүсэхгүй байх үүднээс холбогдох албан хаагчид өндөржүүлсэн бэлэн байдалд 2019 оны аравдугаар сарын 1-ээс 2020 оны дөрөвдүгээр сарын 1 хүртэл ажиллана. Энэ хугацаа дөрөвдүгээр сарын 1-ээр дуусгавар болж байгаа учраас хугацаа нь сунгахгүй байхаар шийдвэрлэлээ. Ингэхдээ бид иргэдээ угаарын хийн хордлогоос урьдчилан сэргийлэх тал дээр арга хэмжээ авч хэрэгжүүлж байна. Жишээлбэл, энэ сард угаар мэдрэгч 60 мянган ширхгийг тараах ажлыг хийж байна. Нийтдээ, өнөөдрийг хүртэл 210 мянган ширхэг угаарын хийг мэдрэгчийг худалдан авч, иргэддээ нийлүүлэх ажлыг өнгөрсөн нэгдүгээр сараас эхлэн хийсэн. Харамсалтай нь коронавирусийн дэгдэлтээс шалтгаалан БНХАУ-д үйлдвэрийн үйл ажиллагаа зогссон тул утаа мэдрэгчийг нийлүүлэх ажил хойшилсон. Одоо 65 мянган ширхэг угаарын хийн мэдрэгч шинээр нийлүүлэгдэн орж ирнэ. Ингэснээр Улаанбаатар хотын нийт айл өрхүүд угаарын хийн мэдрэгчтэй болно. Үүнээс гадна, айл өрх, иргэдийн өөрсдийн үүрэг, хариуцлага бий. Хотын зүгээс хийх ёстой ажлаа хийж, ажиллаж ирсэн. Одоо иргэдээс ихээхэн шалтгаална. Угаарын хийн хордлогоос урьдчилан сэргийлэх зорилгоор төлөвлөгөөт ажлыг жил бүр хавар, намар хийнэ.

2020 оны аравдугаар сарын 1-ээс эхлэн аж ахуй нэгж, байгууллагуудын түүхий нүүрс хэрэглэж буй нам даралтын зуухыг нэг бол цахилгаан эсвэл гааз болон бусад хэлбэрт шилжүүлэх замаар Улаанбаатар хотын хэмжээнд ашиглагдаж буй 64-100 кВт-ын зуухнуудыг цэгцэлнэ. Ингэснээр 150-200 мянган тонн түүхий нүүрсний хэрэглээг багасгаж чадах бөгөөд  Улаанбаатар хотын агаарын бохирдлыг 80 хувиар бууруулна. Өнөөдрийн байдлаар түүхий нүүрс түлж буй, шүүлтүүр хэрэглэж буй, 3500 гаруй зуух байна.

 

 

А.АНИР

 

Энэ мэдээнд өгөх таны сэтгэгдэл?
9
ТэнэглэлТэнэглэл
8
ЗөвЗөв
3
ХарамсалтайХарамсалтай
2
ХахаХаха
2
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-30 66.181.161.102

tng psdanud yun svrte ymbde zuwhun gadaadaas l orj irj bga bzde

Avatar

zochin 2020-03-30 66.181.190.40

zaalaa neegeech dee

Avatar

Баатар 2020-03-30 202.126.88.209

Уг нь зөв л дөө. Гэхдээ ААН-үүд ажилчидаа халаад болохоо байлаа. Байгууллага болон танаас хамааралтай асуудал байхгүй ээ. Энэ карантины улмаас ийм шийдвэр гаргалаа. Өөр арга байсангүй. Карантины дууссаны дараа та хүсвэл ирээд ажиллаж болно шүү гээд л халаад хаячих юм. Одоо яах ёстой юм болдоо.

Avatar

Зочин 2020-03-30 103.26.195.192

Hurdan amar argaar moneytai bolson teriigee hamgaalah gej turd orson humuusiig l turd gargamaargyi baidag um bna.Huuhduud ergen toirniihon ajilchiddaa odor bur 30 ayria tanilstuulga hiitsgeei huviin hevshliinhen.Turd garanguutaa tatvaraa l nemj oroo bidneer tuluulne.

Avatar

Зочин 2020-03-30 202.55.188.40

Ажилгүй байсаар амьдрал хэцүүдлээ. Юугаа идэж амь зогоох юм? Гутлын шир идэлтэй биш дээ

Avatar

Зочин 2020-03-30 103.26.195.192

Cafe restauranuud bolohoor aylgyi umuu.Mongotei humuust hamaaralgyi juramtai bugdiig n haagasch

Avatar

Зочин 2020-03-30 202.126.88.43

Хөөе энэ улс чинь шорон болчлоо ш дээ, нэг мөсөн номер тавиад хянагч тавьчаач

Avatar

Зочин 2020-03-30 202.126.88.43

Нэг мөсөн шоронгын эрээн хувцас өмсгөөд номер тавиад тэгээл болоо ш дээ, бүгд ажилгүй юм чинь шууд л хуаран болгочооч

Avatar

зочин 2020-03-30 202.131.245.69

Хорооны Засаг дарга, хэсгийн ахлагч нар нутаг дэвсгэртээ байнгын эргүүл хийж байгаа төрийн албан хаагчидтай хамт хяналтаа эрс сайжруулмаар байна шүү. 3-р сарын 23-ны өдөр Баянгол дүүргийн 4-р хорооны 12-р байрны хажуу дахь дэлгүүрт 2 жижигхэн охин мөхөөлдөс идээд Жи -д байдаг дугуйлангаа тараад явж байна гэв. Огт тоохгүй байна лээ. худалдагч хөөгөөд дийлдэхгүй юм гэсэн.

Avatar

Зочин 2020-03-30 103.14.36.18

Архи зарахыг бүр хориглооч.

Avatar

б 2020-03-30 103.229.121.12

Фитнес бол хөлс, шүлсээр дамжуулж хамгийн их тараах боломжтой газруудын нэг гэж дүгнэсэн байна лээ. Хаах нь зөвөө. Гэртээ цонхоо онгойлгож байгаад гимнастикаа сайн хийцгээ.

Avatar

иргэн 2020-03-30 64.119.22.21

Дэлгүүрүүдэд архи зарах цагийн хуваарийг хязгаарлаач. Архи ууж дэмий тэнэгсэд бусдыг эрсдэлд оруулж байгааг анхаараач

Avatar

ddd 2020-03-30 49.0.144.72

Ard tumen elgeeree hevtleedee

Avatar

Зочин 2020-03-30 202.126.88.43

Корона вирус чинь халуунд тэсвэргүй гээд ийглээр гараад байна лээ, тэгэхээр хурдан дулаараасай

Avatar

Зочин 2020-03-30 202.55.191.130

Хаха. Тэгээд Африк болоод Европын халуун дулаан уур амьсгалтай газруудаад яаж тархаад байгаан бол?

Avatar

Зочин 2020-03-30 192.82.68.44

Чиийг ихтэй. Манайх зун ч гэсэн хуурай.

NewsMN Гар утасны хувилбар Татах
NEWS.mn

Мэдээллийн эх сурвалж