Урд хөрш рүү 12 мянгаар мах экспортолно | News.MN - Мэдээллийн эх сурвалж

Урд хөрш рүү 12 мянгаар мах экспортолно

Хуучирсан мэдээ: 2015.11.19-нд нийтлэгдсэн

Урд хөрш рүү 12 мянгаар мах экспортолно

УИХ-ын чуулганы нэгдсэн хуралдаан үргэлжилж байна. Тус хуралдаанаар Төрөөс хүнс, хөдөө аж ахуйн талаар баримтлах бодлого батлах тухай УИХ-ын тогтоолын төслийн анхны хэлэлцүүлгийг хийж буй юм. Хэлэлцэж байгаа асуудалтай холбогдуулж, махны экспортыг эрчимжүүлэх талаар ямар арга хэмжээ авч буй талаар гишүүд тодрууллаа. Хүнс, хөдөө аж ахуйн сайд Р.Бурмаа “Жилийн өмнө ОХУ руу хоёр үйлдвэр мах экспортлох эрхтэй байсан бол энэ жил 26 болж нэмэгдсэн.  Вьетнам руу хонь, ямааны мах экспортлох найман үйлдвэр, Хятад руу мах экспортлох 12 үйлдвэртэй болсон. Хятад руу дулааны аргаар боловсруулсан мах экспортод гаргахаар гэрчилгээгээ авсан. Баруун таван аймгаас мах экспортлохоор ярьсан байсан, урд хөрштэй. Гэвч Баян-Өлгий аймагт шүлхий өвчин гарснаас асуудал үүссэн. Өнгөрсөн аравдугаар сард Өвөр Монголын Хөх хотод Монгол, Хятадын экспо болж, 800-гаад сая ам.долларын мах экспортлох гэрээг Махны холбоо байгуулсан. Өвөр Монгол руу экспортлох махны үнэ нэг кг нь 12 мянган төгрөг байна” гэсэн хариулт өглөө. 

Мөн мах экспортлох компаниуд Чингис бонд, Үнэ тогтворжуулах хөтөлбөрийн хүрээнд  зээл авч, олон улсын стандарт хангасан мах, махан бүтээгдэхүүн экспортлох боломжтой үйлдвэртэй болжээ.

Чуулганы хуралдаан үргэлжилж байна.

Онцлоход, чуулганаар эл асуудлыг хэлэлцэхийн өмнө Эрчим хүч хэмнэлтийн тухай болон холбогдох бусад хуулийн төслүүдийн анхны хэлэлцүүлэг, Зөрчлийн тухай хуулийн төсөлтэй хамт хэлэлцүүлэн батлуулах холбогдох бусад хуульд нэмэлт өөрчлөлт оруулах тухай хуулийн төслүүдийн анхны хэлэлцүүлгийг хийж дуусган, эцсийн хэлэлцүүлэгт бэлтгүүлэхээр холбогдох байнгын хороонд шилжүүллээ.

Зөрчлийн тухай хуулийн төсөлтэй хамт өргөн мэдүүлсэн хуулийн төслүүдийг хэлэлцэх үед УИХ-ын Хууль зүйн байнгын хорооны дарга Д.Ганбат эзгүй, хөдөө явж байсанд УИХ-ын дарга “Чөлөө авахгүйгээр орон нутаг руу явахгүй шүү” гэдгийг бусад гишүүдэд санууллаа.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-19 202.9.41.54

Оросууд авахгүй бол Хятадууд авъя гэж байна.Ер нь ганц мах гэлтгүй бусад салбарт иймэрхүү боломжийг бид өөрсддөө нээх ёстой Хятадын асар том зах зээлийг өөрсдийнхөө хэмжээгд хангаж байвал манай хөгжилд нэмэртэй,ач тустай гэдэг нь сүүлийн жилүүдэд улам л харагдах боллоо.

Зочин 2015-11-19 43.242.242.224

Орос руу гаргаснаас Хятад руу гаргасан нь дээр юм биш үү? Олон жил Оросуудыг гуйлаа, мах авчаад мөнгийн өгөхгүй, эсвэл элдэв өвчний нэр хэлээд халгаахгүй. Тэгээд үнэ нь 2 доллар буюуу 4000 төгрөг л хүрдэг. Хятад руу 12,000 төгрөгөөр зарж чадвал сайн л байна. Тэр боловсруулах технологийн дагуу гаргах хэрэгтэй

Зочин 2015-11-19 124.158.78.108

наадах чинь онигоо шүү. Энийг сонсоод нөгөө махны ченчүүд нь махны үнийг өсгөчих вий дээ. Наан чинь зөндөө шат дамжлга бий. ШАТ ДАМЖЛАГА ГЭДЭГ НЬ ТӨРИЙН ХАРИУЦСАН БАЙГУУЛЛАГЫН АВИЛГА ШҮҮ ДЭЭ

Bataa 2015-11-19 202.9.41.59

Ugui tegeed haana avaad bgaan be

Зочин 2015-11-19 202.9.40.216

BURMAA ODOO BOLNOO SHOW XIICEER BAIGAD JOXON CUMTAI BOLCHIVOO DOO XAAN 12000 AVKH GEED BAIGAA YUM BAI ?????

Зочин 2015-11-19 182.160.38.3

Малынхаа билчээрийг нандигнан хамгаалах шаардлагатай.

зочин 2015-11-19 103.229.123.245

Хужаа нар ч тийм амархан хүмүүс биш дээ. 12000 төгрөг биш 1200 төгрөг байлгүй дээ. Ккк... Хульхин дээр чинь цэцэг ургуулчих вии дээ.

иргэн 2015-11-19 202.9.40.222

Ганбат Өршөөлийн хуулийн хэрэгжилтийг хангах гэж их ядарсан байхаа. Баахан телевизээр гарч санаа нь амраад сонгочиддоо хэлэх үгтэй, хийсэн ажилтай болж харагдсандаа сэтгэл ханаад хөдөөг зорьждээ.