Товчоодод ажиллаж буй хүмүүст урамшууллын мөнгө олгож байна | News.MN

Товчоодод ажиллаж буй хүмүүст урамшууллын мөнгө олгож байна

Товчоодод ажиллаж буй хүмүүст урамшууллын мөнгө олгож байна

Товчоодод ажиллаж буй хүмүүст урамшууллын мөнгө олгож байна

Нийслэлийн Хүний хөгжил, нийгмийн бодлогын асуудал хариуцсан орлогч Ш.Анхмаа болон холбогдох албаны хүмүүс Чингэлтэй дүүргийн Гүнт дэх хяналтын цэг, “Оргил Налайх” шалган нэвтрүүлэх товчоодод ажиллалаа.


Чингэлтэй дүүргийн Гүнт дэх хяналтын цэгийн тухайд өдөрт зургаан албан хаагч хяналт шалгалт хийж байгаа юм. Уг товчоо Ар гүнт, Өвөр гүнтийн зуслан руу чиглэсэн хөдөлгөөн болон Төв, Орхон, Дархан-Уул аймгаас ирэх зорчигчдын урсгал ихтэй байдаг. Өдөрт дунджаар 000 гаруй тээврийн хэрэгсэл, 6000 гаруй зорчигч орж, гардаг байна.

 АМРАЛТЫН ӨДРҮҮДЭД ИРГЭДИЙН ОРОХ, ГАРАХ ХӨДӨЛГӨӨН ИХЭСДЭГ. ЯЛАНГУЯА ТЭРЭЛЖ РҮҮ ГАРАХ ХӨДӨЛГӨӨН ИХЭСДЭГ

Дээрх товчоонд ажилласны дараагаар “Оргил, Налайх” шалган нэвтрүүлэх товчоог зорилоо. Налайх дүүргийн ЗЦГ-ын ахлах ахлагч Б.Сүхбат “Өнөөдөр 17:00 цагийн байдлаар товчоогоор орсон 979, гарсан 1,351 тээврийн хэрэгсэл, орсон 3,164 зорчигч, гарсан 4,455 зорчигч байна. Амралтын өдрүүдэд иргэдийн орох, гарах хөдөлгөөн ихэсдэг. Ялангуяа Тэрэлж рүү гарах хөдөлгөөн ихсэх хандлагатай байдаг. Иргэдийн зүгээс урт дараалал үүсэх үед бухимдах тохиолдол гардаг. Бусдаар сэжигтэй тохиолдол болон ямар нэг зөрчил илрээгүй” гэлээ.

ЭРҮҮЛ МЭНДИЙН БАЙГУУЛЛАГААС НИЙТ 12 АЛБАН ХААГЧ АЖИЛЛАЖ БАЙНА

Харин Налайх дүүргийн Эрүүл мэндийн төвийн Стратеги төлөвлөлт, гадаад харилцаа хариуцсан орлогч дарга С.Манатбек хэлэхдээ “Өнөөдрийн байдлаар Эрүүл мэндийн байгууллагаас нийт 12 албан хаагч ажиллаж байна. Маск болон бээлийг өдөр бүр тарааж, хамгаалах хэрэгслээр хангаж байгаа бөгөөд өдрийн  гурван хоолтой” гэв.

ГЭНЭТИЙН ШАЛГАЛТААР ТОВЧООДЫН ҮЙЛ АЖИЛЛАГАА, ХЯНАЛТ ШАЛГАЛТ СУЛРАХ ХАНДЛАГА БАЙДАГ

Мэргэжлийн байгууллагын албан хаагчдын мэдээллийг сонсны дараагаар Нийслэлийн Хүний хөгжил, нийгмийн бодлогын асуудал хариуцсан орлогч Ш.Анхмаа “Ямарваа нэг эрсдэл гарч, өвчин халдварлалаа гэхэд юун түрүүнд эдгээр товчоодын албан хаагчид аюулт өртөх магадлалтай. Иймд албан хаагчдын хамгаалах хэрэгсэл, хувцас, маскны хангамж, хоолны чанар маш сайн байх ёстой. Энэ үүднээсээ товчоодын үйл ажиллагаанд хяналт тавьж, ямар асуудал үүсэж буйг сонсохоор ажиллаж байна.

Товчоодод ажиллаж буй албан хаагчдын хамгаалах хэрэгсэл, маск, хувцас, хоол болон урамшууллын зардлыг НЗДТГ, Олон улсын шилжилт хөдөлгөөний байгууллагаас гаргаж байгаа юм. Иймээс амин дэмтэй хоол хүнсээр хангах, урамшууллын мөнгийг нь олгох, халдвар хамгааллын дэглэмийг маш сайн сахиж ажиллах ёстой. 

Мөн хамгаалах хувцсыг угааж, ариутгах шаардлагатай. Хүн хүч хүрэлцэхгүй тохиолдолд нэмэлт хүч ажиллуулаад дараалал үүсгэхгүйгээр зэрэг зэрэг асуумж бөглүүлээд, хяналтаа тавиад явах хэрэгтэй. Гэнэтийн шалгалтаар товчоодын үйл ажиллагаа, хяналт шалгалт сулрах хандлага байдаг шүү. Ингэж болохгүй. Ямар ч тохиолдолд хяналтыг маш сайн тавьж, иргэдээс асуумж зөвлөмжийг авах хэрэгтэй” гэдгийг санууллаа. 

Дашрамд дурдахад, Улаанбаатарын шалган нэвтрүүлэх товчоодын урсгал хөдөлгөөний тандалт судалгаа өвчлөл гарсан тохиолдолд халдвар тээгчийн харилцсан хүмүүсийг хурдан хугацаанд олж тогтоох, эрүүл мэндийн тусламж үйлчилгээг цаг алдалгүй хүргэх зорилгоор НЗДТГ, НҮБ-ын Олон улсын шилжилт хөдөлгөөний байгууллагатай хамтран ажиллаж байгаа юм. Тэдний тавьж буй асуумж-аргачлалын үр дүнд цуглуулсан мэдээлэл машин, зорчигч тус бүрээр нэгтгэгдэн цахим хэлбэрт шилжиж, дата сан үүсгэгдэх аж.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

Энэ мэдээнд өгөх таны сэтгэгдэл?
6
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-29 80.108.110.73

Энэ сайт бичиг үсгийн алдаагаа хянаад мэдээгээ оруулаасай

Avatar

Зочин 2020-03-29 93.26.122.49

За одоо олон түмнээс өгсөн хагдивыг урамшуулал болгон цауаж эхлэх нь ьнр хандивыг зөвхөн эмчилгээний тоног төхөөрөмж багаж хэрэгслэлийг авч эмчилгээний чадвар , бэлэн байдалыг сайжируулхад зарцуулах ёстой шүү. Тэр урамшуулал , хувцас хэрэглэл хоол хүнс , цалиг хөлсийг төсвөөс өгч байгаа хөрөнгөөр хийх хэрэгтэй шүү.

Avatar

Хотын уугуул ЧД иргэн Бат 2020-03-29 202.179.25.41

Өвчинтэй тэмцэхэд тэргүүн шугаманд ажиллаж буй эмч, сувилагч, онцгой, цагдаа гээд бүх хүмүүст мөнгөн урамшуулал, илүү цаг, хортой нөхцөл гээд өгөх ёстой ёсгүй бүх мөнгийг нь сайн өгөөрэй гэж Засгийн газарт захиж хэлмээр байна.

Avatar

gggg 2020-03-29 64.119.23.23

Mash zov. Achaani khundiig uurch bui ta nartaigaa khamt!

NewsMN Гар утасны хувилбар Татах
NEWS.mn

Мэдээллийн эх сурвалж