Японд ирэх долдугаар сарын 24-нд товлосон зуны ХХХII Олимпийн наадмыг коронавирусийн халдварт өвчний цар тахлаас болж 2021 оныг хүртэл нэг жилээр хойшлуулсан. Үүнээс шалтгаалан ирэх 2022 онд Бээжинд болох өвлийн Олимпийн наадам алдагдал хүлээж магадгүй хэмээн зохион байгуулагчид болгоомжилж байна. Учир нь хоёр Олимпийн наадам болох хугацаа ойртсоноор спонсорын орлого, хэвлэл мэдээллийн шууд дамжуулалт, олон улсын анхаарлыг татах байдал нь буурна гэж тооцжээ.

“Covid-19” өвчний цар тахлаас шалтгаалан спортын тэмцээн, уралдааны спонсорын хөрөнгө оруулалтууд эрс буурсан. Энэ нь ирэх 2022 оны өвлийн Олимпийн наадмын өмнөх маркетингэд ч нөлөөлнө гэж Хятадын Олимпийн хорооны ерөнхий нарийн бичгийн дарга Вэй Зихун мэдэгджээ.

Үүний зэрэгцээ Олон улсын Олимпийн хорооны ерөнхийлөгч Томас Бах хэлэхдээ Токио-2021 зуны, Бээжин-2022 өвлийн, Дакар-2022 залуучуудын Олимпийн наадмууд ойролцоо болох болсноор зохион байгуулалтад сорилт болохыг мэдэгдсэн юм.

Эх сурвалж: China Daily