COVID-19 УБТЗ-ын тээврийн алдагдлыг улам нэмэгдүүлж байна | News.MN

COVID-19 УБТЗ-ын тээврийн алдагдлыг улам нэмэгдүүлж байна

COVID-19 УБТЗ-ын тээврийн алдагдлыг улам нэмэгдүүлж байна

COVID-19 УБТЗ-ын тээврийн алдагдлыг улам нэмэгдүүлж байна

Коронавирусийн халдварын улмаас УБТЗ-ын зорчигч тээврийн орлого 1.7 тэрбум төгрөгөөр тасалдсан талаар өмнө нь бид мэдээлсэн. Энэ удаад УБТЗ-ын ачаа тээвэрлэлтэд нь үүссэн нөхцөл байдлыг  сурвалжиллаа.

УБТЗ жил бүр 40-50 тэрбум төгрөгийн алдагдалтай ажиллаж ирсэн. COVID-19 халдварын эрсдэлийг бууруулах зорилгоор төмөр замын зорчигч болон тээврийн урсгал саарсан нь тус нийгэмлэгийн эдийн засгийн дарамтыг улам нэмэгдүүлж байна.

УБТЗ энэ онд 28.3 сая тонн ачаа тээвэрлэх төлөвлөгөөтэй байсан ч оны эхний хоёр, гуравдугаар сард дамжин өнгөрөх ачаа, тээвэр 6-18  хувиар буурсан нь 6 тэрбум  төгрөгөөр орлого нь тасрахад хүрчээ.

Ялангуяа БНХАУ-аас дамжин өнгөрөх чингэлгийн транзит 102 галт тэрэгний аялал цуцлагдсан нь УБТЗ-ын дамжин өнгөрөх тээврийг бууралтад ийн нөлөөлсөн байна. Түүнчлэн импортын тээвэр найман хувиар орон нутгийн тээвэрлэлт 10 орчим хувиар буурсан үзүүлэлттэй байгаа юм. Уг алдагдлаа нөхөхийн тулд УБТЗ дотоодоос экспортод гарах уул уурхайн бүтээгдэхүүнийг +25 хувиар нэмэгдүүлсэн ч нөхцөл байдал хүнд хэвээр байна. Өндөр тарифтай ачаа тээврийн хэмжээ буурсны зэрэгцээ халдвар өвчнөөс урьдчилан сэргийлэх ажилд төлөвлөгдөөгүй зардал, УОК-оос өгсөн үүрэг даалгаврыг биелүүлэхэд нэмэлт зардал гаргаж байгаа зэргээс шалтгаалаад УБТЗ 16,3 тэрбум төгрөгийн орлогын алдагдалтай  ажиллаж буйг албанынхан онцоллоо.

Энэ талаар “УБТЗ” нийгэмлэгийн Тээвэр зохицуулалтын албаны дарга Ц.Лувсангаас тодруулахад тэрбээр "УБТЗ транзит тээврээс олж буй орлогоороо бусад алдагдлаа нөхөж ирсэн. Орон нутгийн нүүрс тээврээс жилд 10 гаруй тэрбум төгрөгийн, зорчигч тээврээс жилд 25-30 тэрбум төгрөгийн, нефть, нефтийн бүтээгдэхүүний тээврээс 2-5 тэрбум төгрөгийн алдагдал хүлээж ирсэн. Энэ бүх алдагдлыг транзит тээврээс олж буй орлогоороо нөхдөг. COVID-19 халдвараас шалтгаалж транзит тээврийн орлого буурснаар алдагдлаа нөхөхөд хүндрэл үүсч байна. Цаашид тээвэрлэлтийг нэмэгдүүлэх чиглэлд ачаа илгээгч, зуучлалын байгууллагууд, хөрш төмөр замуудтай идэвхтэй хамтран ажиллаж богино хугацаанд тээвэрлэлтийг сэргээж хэвийн ажиллуулахад холбогдох ажлуудыг авч ажиллаж байна.

Гуравдугаар сарын дундаас хойш транзит тээврийн урсгал сэргэж эхэллээ. Ялангуяа БНХАУ-ын зүгээс хоногийн галт тэрэгийн солилцоо 5-6 галт тэрэг, урдаас ирэх ачааны хэмжээ нэмэгдэж байна. Хоногт манайхыг чиглэсэн болон дамжин өнгөрөх чингэлгийн 400 орчим транзит тээвэрийн мэдээллийг Хятадын талаас өгч байна. ОХУ-ын зүгээс ч гэсэн хоногийн 5-6 галт тэрэг солилцох нэмэгдэх хандлага ажиглагдаж байгаа. Хаврын тариалалттай холбоотой тээврүүдэд онцгой анхаарал хандуулан цаг хугацаанд нь тээвэрлэх арга хэмжээг бид авч байна. Ялангуяа өргөн хэрэглээний бараа бүтээгдэхүүний тээвэрлэлт саатахгүй” гэлээ.

УБТЗ хөрш төмөр замуудаас тээвэрлэгдэн ирж байгаа вагон чингэлгүүдийг нэгбүрчлэн ариутгал халдваргүйтгэл хийх ажлыг холбогдох мэргэжлийн байгууллагатай хамтран хоёр хилийн өртөөн дээр МХЕГ-аас өгсөн чиглэлийн дагуу зохион байгуулж ажиллаж байна.

Энэ мэдээнд өгөх таны сэтгэгдэл?
6
ХахаХаха
5
ЗөвЗөв
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Hund surtal 2020-03-27 202.126.88.68

Huviin vagontoi kompaniudaa havchaad yavuulahgui Orosiin hyamd tranzitiig demjeed baidag yaj hogjihov dee

Avatar

Зочин 2020-03-27 103.212.117.214

гох дэгээ

Avatar

/*-*/ 2020-03-27 49.0.212.165

Гохь чон

Avatar

Зочин 2020-03-27 139.5.219.92

Удахгүй бүх юм хэвэндээ орох байлгүй дээ , манайхаан

Avatar

жакунин 2020-03-27 192.82.74.9

4 жилийн өмнө америкийн Мянганы сорилын корпораци 200 сая долларын дэмжлэг төмөр замд үзүүлэх гэхэд оросын шургаасаар татгалзсан. Үнэгүй бяслаг хавханд байдаг ч гэх шиг. Америк хавх ядаж бяслагтай байдаг бол орос хавх хов хоосон бөгөөд чанга пүрштэй байдаг юм.

Avatar

kkk 2020-03-27 202.55.191.130

Tal talaas ni ideed baihaar aldagdaltai bailgui yahav bolitsgoo

Avatar

ыы 2020-03-27 202.72.245.122

Улсад татвар төлдөггүй учир дажгүй даваад гарах байхо

Avatar

Зочин 2020-03-27 192.82.65.168

Doorh zochin Delxii dayar haldvart uvchin garsaniig oilgoogui bololtoi.

Avatar

zochin 2020-03-27 66.181.182.226

irgenii agaariin teevriin aldagdal ch utgaa aldlaa daa, hyatadaar tranzit hiilgeed irgedee doloo honog bur togtmol avch baih heregtei shuu dee, gadaad dotoodoor ni, haldvartai haldvarguigeer ni yalgaj bolohgui hun bur undsen huulid zaasan undsen erhtei, gemt hereg uildej yal shiitguuleegui l bol chuluutei zorchin yavah erhtei

NewsMN Гар утасны хувилбар Татах
NEWS.mn

Мэдээллийн эх сурвалж