“Зарим чиглэлийн автобус тавхан зорчигчтой явж байна” | News.MN

“Зарим чиглэлийн автобус тавхан зорчигчтой явж байна”

“Зарим чиглэлийн автобус тавхан зорчигчтой явж байна”

“Зарим чиглэлийн автобус тавхан зорчигчтой явж байна”

Хөл хорио тогтоосонтой холбоотойгоор нийтийн тээврээр зорчигчдын тоо 70-100 мянгаар буурчээ. Ингэснээр нийтийн тээврийн ачаалал эрс багассан гэдгийг албаныхан хэлж байна. Ингээд нийслэлийн Нийтийн тээврийн үйлчилгээний газрын Тээврийн төлөвлөлт, технологийн хэлтсийн дарга С.Цэцэгмаагаас зарим зүйлийг тодрууллаа.


-Өндөржүүлсэн бэлэн байдлын үед нийтийн тээврийн хэчнээн автобус иргэдэд үйлчилж байна вэ?

-Өнөөдрийн байдлаар нийтийн тээврийн үйлчилгээнд 740 автобус үйлчилж байна. Нийслэлийн Онцгой комиссын шийдвэрийн дагуу төрийн албан хаагчид, үйлдвэрлэл үйлчилгээний ажилчдад саад учруулахгүй байхаар зохицуулж, зохион байгуулах чиглэл өгсөн. Гэхдээ нийтийн тээврийн үйлчилгээ ердийн цагийн хуваариараа явж байгаа. Тодруулбал, ажлын өдрүүдэд өглөөний 06.30 цагаас оройн 23.00 цаг хүртэл үйлчилнэ гэсэн үг. Харин амралтын өдрүүдэд өглөөний 08.00 цагаас оройн 22.30 минут хүртэл иргэдэд үйлчилж байна.

Хамгийн гол нь автобусны  тоо цөөрөхөөр хүлээлтийн хугацаа 15-20 минут болж нэмэгдсэн. Мэдээж өмнө нь 10 автобус явж байсан чиглэлд найман автобус үйлчилбэл хэдэн минутаар удаан хүлээх нь ойлгомжтой. Зарим чиглэлд 10 минутын зайтай хүлээлгэх ч тохиолдол байгаа.

-ХӨСҮТ-ээс нийтийн тээврийн хэрэгслээр үйлчлүүлэхдээ хоёр метрийн зайнд зогсох зөвлөмжийг өгч буй. Зорчигчдын тоо буурсантай холбоотойгоор хамгийн багадаа нэг автобусанд хэдэн зорчигч үйлчлүүлж байгаа бол?

-Бид нийтийн тээврээр зорчигчдын судалгааг өглөө, оройдоо гаргаж байна. Өмнө нь нийтийн тээврээр нэг өдөрт 400 мянга гаруй зорчигч үйлчлүүлдэг байсан бол одоо 250-300 мянган зорчигч үйлчлүүлж байна. Нэг автобусны нэг рейст зорчиж буй зорчигчдын тоог судалгаанаас харахад зарим үед тавхан зорчигчтой явж байна. Ид ачаалалтай ажил эхлэх, тарах цагаар гэхэд нэг автобусанд 20-25 зорчигч үйлчлүүлж байна. Бусад цагаар нийт зорчигчийн тоо эрс буурсан.

-Цаашдаа нийтийн тээврийн хэрэгслийн тоог нэмэх үү?

-Одоохондоо нийтийн тээврийн тоог нэмэгдүүлэх эсэхийг хэлж мэдэхгүй байна. Нийслэлийн Онцгой комиссоос гаргасан шийдвэрийн дагуу зохицуулалтаа хийнэ. Улсын онцгой комиссын хуралдаанаар  ирэх дөрөвдүгээр сарын 30-ныг хүртэл хөл хориог сунгасан. Тиймээс ирэх сарыг дуустал нийтийн тээврийн хэрэгслийн тоо нэмэгдэхгүй.

Долоо хоног тутам ариутгал, халдваргүйжүүлэлтийг хийж байгаа. Өдөр бүр автобусны  цэвэрлэгээг хийж байна. Мөн иргэдийг нийтийн тээврийн хэрэгслээр үйлчлүүлэхдээ масктай үйлчлүүлэхийг зөвлөж байна.

А.СҮРЭН

Энэ мэдээнд өгөх таны сэтгэгдэл?
9
ЗөвЗөв
2
ГайхмаарГайхмаар
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-26 202.21.108.10

Цэвэрлэгээ ариутгалыг 2 цаг дутам хийж байна гэсэн больчихжээ. Журам хэрэгжихгүй бна хотын даргаа.

Avatar

Хотын хүн 2020-03-26 192.82.70.178

Тийм шүү. Шадивлангийн ам их өгсүүр. Том оврын олон суудалтай автобус дээшээ өгсөх гэж их л хэцүү байх шиг харагддаг. Түүнд орвол том автобусаар Шадивлангийн амны эхэнд төв зам хүргээд дээш нь жижиг автобус 30 минутын зайтай явуулж байвал зүгээр юм шиг санагддаг. Харин яг цагтаа явдаг байх хэрэгтэй. 2 жижиг автобус байхад л дээд ам руу хүмүүсээ зөөгөөд, нөгөө 1 нь дээд амнаас доош төв зам хүргээд байхад болмоор юм шиг байдаг

Avatar

ЗОЧИН 2020-03-26 124.158.95.14

АЖИЛ ЭХЛЭХ, ТАРАХ ЦАГААР АВТОБУСНЫ ТООГОО НЭМЭЭД БУСАД ҮЕД ЦӨӨЛӨХ ЗОХИЦУУЛАЛТ ХИЙЖ БОЛДОГГҮЙ ЮМ УУ??? ЗААВАЛ 5-6 ХҮНТЭЙ АВТОБУС ЯВУУЛЖ БЕНЗИН ҮРЭХ ЯМАР ШААРДЛАГАТАЙ ЮМ БЭ?

Avatar

иргэн 2020-03-26 103.14.36.18

солонгос улсад 1 зорчигч байсан ч хот дотор болон хот хоорондын автобус байнга цагаараа явж байдаг.

Avatar

ddd 2020-03-26 49.0.144.72

Алх бүдүүн гүзээнүүдээ. 30 дөнгөж гаравуу гүй юу шалхайтал гүзээгээ унжуулсан залуучууд аахилж ядан пруис унаж, түгжирч, х****л хэлж, тамхиа цонхоор хаяж, стрессдэж, хүнтэй хэрэлдэн барин машин унах хэрэг байхгүй. сургууль цэцэрлэг амарсан үед алх малнуудаа алх

Avatar

Зочин 2020-03-26 103.229.120.240

Заримдаа хүлээж хүлээж байгаад харин ч олон хүнтэй явж байгаа. Оройн цагаар бол цөөн хүнтэй явж байна лээ. Таван зорчигчтой явж байгааг нь яаж илрүүлээд байгаа юм бэ. Олонх хүн буухдаа картаа дардаггүй.

Avatar

Зочин 2020-03-26 66.181.178.28

Автобус компаниуд том оврынхоос гадна микро шиг жижиг автобустай болмоор юм! Зорчигч цөөнтэй чиглэлд жижиг автобус явуулж болно шдээ! Жишээ нь: Шадивлангийн ам өөд том автобуснууд хоосон л давхиад байдаг, хайран зардал! Төрийн өмчтэй компани учраас хэмнэх тухай огт боддоггүй байх л даа!!!

Avatar

Зочин 2020-03-26 202.9.46.72

Автобусаа цөөлөөчээ.

Avatar

no 2020-03-26 103.80.211.50

Bitgii h***. Chinii mahsin teregtei chine tendee l baidag yum baigaa biz.

Avatar

Зочин 2020-03-26 180.149.93.98

БУУРСАН ГЭДЭГ ХУДЛАА ШҮҮ. БААХАН ХҮЛЭЭЛГЭЖ БАЙГААД ХАРИН Ч ИХ ХҮН СУУЖ БАЙНА

Avatar

A 2020-03-26 66.181.161.28

Baahan huleelgej bgaad buun ireed zogsoh gazargui shatahuun ursen balai uiuilchilgeeg zohitsuul avtobusaa 50 huvi tsuul

Avatar

Зочин 2020-03-26 119.40.100.170

za tsagiin huvaariaa l gargachih. suuh geheer olddogui shdee. oldohoooroo yavj ogohgui

Avatar

РАВДАН 2020-03-26 66.181.161.32

СУВОРОВ ЖАНЖИН АЛЬПИЙН НУРУУГ ДАВЖ БАЙЛАА ШОЙГУ ЖАНЖИН ИТАЛИД ЦЭРГЭЭ ОРУУЛЛАА.

Avatar

эмч 2020-03-26 192.82.71.140

эмнэлгээсээ хэзээ гараав чи эсвэл оргочоо юу

Avatar

Зочин 2020-03-26 182.160.38.175

havar bolood olon hunii ovchin sederch baina doo

Avatar

сүрэн 2020-03-26 202.70.44.82

юу духлаа яриад байна төв замаар явдаг автуус пиг хүнтэй явжийн

Avatar

зочин 2020-03-26 66.181.182.106

нийтийн тээвэр хүн цѳѳрч бгаан орон гэртээ настангууд залуус хүүхдүүд гадагшаа гарахгүй байгаатай холбоотой.ихэнхи айл ѳрхүүд ѳѳрийн машин тэрэгээр ажлаа амжуулж бгаа зэрэгээс зорчигч цѳѳрсѳн.зорчигч цѳѳрсѳн гээд нийтийн тээвэрийн үйлчилгээг хааж цѳѳрүүлж болохгүй ээ.их хотын хѳдѳлгѳѳн ѳдѳр тутам хүмүүсийн амьдрал ажил тѳрѳл байнга явагдаж бгаа шүү.амьдрал зогсоогүй шүү.зогсох ч үгүй.үргэлжилсээр бна

Avatar

зочин 2020-03-26 66.181.161.111

энэ ( kovid 19 ) хэдэн сар үргэлжлэх юум хэлж . мэдэхгүи нийтийн тээвэр үргэлж . тийм байдлаар үргэлж яаваад байх болвуу да.

Avatar

Зочин 2020-03-26 64.119.25.228

дэлхийн нуруу амарч байна даа

Avatar

Б 2020-03-26 66.181.188.77

ЗАСС БИТГИЙ ХУДЛАА ЦЭЦЭРХЭЭД БАЙ. ДЭЛХИЙ ҮРГЭЛЖ СӨНӨЖ БАЙДАГ ЮМ. ЖИЛ ТУТАМ ХИЧНЭЭН ТӨРӨЛ ЗҮЙЛ УСТАЖ, ШИНЭЭР ХИЧНЭЭН ЗҮЙЛ ШИНЭЭР ҮҮСЧ БАЙДАГЫГ БАЛХЖАВ ТА ХОЁР ТААШГҮЙ… ЧАМ ШИГ ИНГЭЭД ЦЭЦЭРХВЭЛ ЦЭЦЭРХЭНЭ ШД

NewsMN Гар утасны хувилбар Татах
NEWS.mn

Мэдээллийн эх сурвалж