Хайртай хүн чинь таныг хуурахгүй гэдэгт өөрийгөө итгүүлэх хэрэггүй. Хэрэв та түүний үнэнч эсэхэд эргэлзэж байгаа бол доорх зөвлөгөө түүний зан авираас үнэнийг олж мэдэхэд чинь тус болно.

Тэр нэг л өөр болно
Нөхөр чинь гэнэт гадаад төрх, хувцсандаа анхаарч эхэлвэл  тэр нууц амрагтай болсон хэрэг.  Магадгүй  тэр л түүнд сахлаа ургуулж, үнэртэй ус  хэрэглэхэд хүргэсэн байж таарна. Хэрэв тэр жирийн ажлын өдөр ч  өөрөөр хувцаслаж байгаа бол хамт ажилладаг хэн нэгэнд сэтгэгдэл төрүүлэх гэж хичээж байгаа нь тэр.

Түүний хандлага өөрчлөгдөнө.
Хууралт хосуудын  дунд бугшиж байсан уур хилэн, зэвүүцлийг ил болгодог.  Хэн нэгнийг  араар нь тавихад  түүний  тухай тааламжгүй дурсамж  нөлөөлдөг бөгөөд  ингэснээр өөрийгөө зэмлэж буруутгах нь багасдаг байна.

Тэр хүйтэн хөндий болно
Түүний араар чинь тавьж  буйн анхны шинж тэмдэг.  Учир нь  ямар ч хүн хоёр хүнд  сэтгэлээ  зориулж чаддаггүй  бөгөөд  нэгийг нь хайрлахдаа нөгөөг нь хуурч байдаг.  Түүний хөндийрч  эхэлсэн нь  үзэн ядалтаа  нууж байгаа нь тэр. Хэрэв тэр  дуугаа хураасан  бол ямар нэг юм нууж байгаа нь эргэлзээгүй. 

Тэр гэмшиж байгаа мэт царайлна
Тэр  танд шалтгаангүй бэлэг авчирч өгч, гэр орны ажилд туслан  гэнэт халамжтай нэгэн болж хувирна.  Гэхдээ сайн нөхрүүдийг тэдэнтэй  андуурч болохгүй.  Зөвхөн гэм буруутэй нэгэн нь л ингэж ойлгомжгүй аашилдаг.

Нууцлаг байдал
Таныг өрөөнд орж ирмэгц  компьютерийн дэлгэцээ унтрааж, утсаар  ярихдаа сандарч тэвдэн хурдан тасалж,  дуудлага ирвэл гадаа гарч ярина.  Тэр таныг найзуудтайгаа уулзуулах, хамт явахаас дургүйцнэ.  Таны сэжиглэж буй энэ бүх нууцлаг байдал нь тэр  өөр хүнтэй болсныг харуулж байна.

Та түүнийг маш ховор хардаг болно
Нэг л мэдэхэд та  нөхөртэйгээ бараг тааралдахаа больсон бол  тэр маш завгүй ажилтай, эсвэл хэн нэгэнтэй  маш завгүй байгаа гэсэн үг.  Түүний  ээлжийн ажил,  бизнесийн томилолт, сургалт зэрэг тоо томшгүй тайлбарууд нь өөр бүсгүйтэй  холбоотой байдаг.   

Тэр  халдахын  аргагүй болно
Хайртай хүн чинь  яагаад ч юм халдашгүй мэт болсныг та анзаарсан уу?  Таны түүн рүү байнга залгадаг үеэр тэр утсаа салгадаг болно.  Эсвэл шөнө бизнесийн  яаралтай хуралтай болж, амралтын өдрүүдээр  томилолтонд явна. Түүн рүү залгах уу болих уу?  Хэрэв  энэ байдал  олон дахин давтагдвал  энэ бүхний цаана  өөр эмэгтэй байгаа нь гарцаагүй. 

Зөн совиндоо итгэ
Хэрэв эр нөхөр чинь нэг л өөр болоод, танаас  ямар нэг юм нуугаад, өөр хүнтэй уулзаад байгаа юм шиг санагдвал зөн совингоо дагах хэрэгтэй.  Эмэгтэй хүний зөн үргэлж үнэн байдаг.  Нөхрийнхөө уурлаж, баярлаж,  гуниглаж байгааг  эмэгтэй танаас өөр сайн мэдэх хүн байхгүй.  Ялангуяа тэр хажууд чинь хэвтэж байгаа ч  оюун санаа нь огт өөр газар байгаа үед ямар нэг юм болохгүй байгааг та өөрийн эрхгүй мэдэрнэ. 

Секс
Сексийн дур хүсэл нэмэгдэх, буурах аль аль нь хууралтын дохио аж.  Сексээс огт татгалзаж  байгаагүй хүн  таныг санаачлага гаргахад дургүйцвэл  өөр хэн нэгнээс хэрэгцээгээ хангаж байгаа гэсэн үг. 

Өөр бүсгүй гарч ирнэ
Ямар ч эмэгтэй эр хүнийг нууц амрагаа авчирч танилцуулна гэж төсөөлж чадахгүй.  Гэвч эрчүүд чадах л улс.  Зарим араар тавигчид нууж байхаар сайн илчил гэдэг тактикыг барьдаг. 

Тэр өөрийгөө өмөөрнө
“Чи яагаад ийм зүйл асууж байгаа юм бэ? “  “Миний хаана байсан нь чамд ямар хамаатай юм бэ? “ , “ Би найзындаа  тэмцээн үзэж байсан. Итгэхгүй байгаа бол утасдаад асуул даа”   Хэрэв ийм үгс танд танил сонсогдож байгаа бол,  эр нөхөр чинь  итгэл эвдэгч  байж мэдэх юм шүү. 

Бэлтгэсэн Н.Энх