Нийслэлийн 4180 айл өрхийн цахилгаан хангамж сайжрав | News.MN - Мэдээллийн эх сурвалж

Нийслэлийн 4180 айл өрхийн цахилгаан хангамж сайжрав

Хуучирсан мэдээ: 2015.11.18-нд нийтлэгдсэн

Нийслэлийн 4180 айл өрхийн цахилгаан хангамж сайжрав

Нийслэлийн 2015-2016 оны өвөлжилтийн бэлтгэлийг хангах ажлын хүрээнд Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал болон холбогдох албаны хүмүүс “Улаанбаатар цахилгаан түгээх төв” ХК-ийн Зүүн түгээх төв, “Амгалан” дулааны станц, Улаанбаатар дэд станцын ажилтай танилцлаа. Энэ үеэр инженер хангамжийн байгууллагууд өвөлжилтийн бэлтгэл ажлаа танилцуулж, нүүрсний нөөц, хөдөлмөрийн аюулгүй байдлыг хэрхэн хангаснаа үзүүлэв.

“Амгалан” дулааны станцын удирдлагууд “Станц ашиглалтанд орсноор 6, 12, 13 дугаар хорооллын дулаан хангамж эрс сайжирч, хотын агаарын бохирдол буурч байгаа юм. Хамгийн холын хэрэглэгч хүртэл 25 км шугамаар дулаан эрчим хүчийг дамжуулж халаалтаа бүрэн авч чадахгүй байгаа хүндрэлтэй цэгүүдийг дулаанаар хангасан. Мөн хотын баруунаас зүүн тийш хүртэлх хэрэглэгчдэд дулааныг жигд хүргэж горим тохируулга хийхэд хүндрэл учирдаг байсан. Энэ бэрхшээлийг шийдэж байгаад таатай байна” гэлээ.  

Харин “Улаанбаатар цахилгаан түгээх төв” ХК-ийн Зүүн түгээх төв 2015 онд Хужирбуланд Хороо, Хадат фидерүүдийг залгаж айл өрхийн ачааллыг хөнгөлснөөр Баянзүрх дүүргийн 28 дугаар хорооны 1150 айл өрхийн цахилгаан хангамж эрс сайжирсан. Мөн хөрөнгө оруулалтын ажлаар Дамбадаржаа, Шарга морьт, Билгүүний энгэр буюу Сүхбаатар дүүргийн 18 дугаар хорооны 2230 айл өрхийг цахилгаан хангамжийн найдвартай эх үүсвэртэй болгов. Майхан толгой, Санзай, Тасганы усан сан орчмын 800 гаруй айл өрхийн хүчдэлийн уналтыг сайжруулах ажил хийж нийт 4180 айл өрхийг гэрэл гэгээтэй дулаан өвөлжих боломжоор хангасан байна.

ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

soko 2015-11-18 124.158.90.51

utaagui ulaanbaatar hotolvoriig demjij bna. harin togoor haldag ail orh bugd bish ymaa gehed haldag shaltai ail orh nileed baigaa iimd togiig heden tsagaar taslaj bolohgui shuu togoor halaaj amidardag ail orh olon baigaa uund hogshin nastai humuus nyalah huuhed geed asuudal ih bgaa. baiguullaga ni

zochin 2015-11-18 124.158.90.51

utaagui ulaanbaatar hotolvoriig demjij ger baishingaa shalnaasaa halaadag tohooromj tavisan bolovch tognii huchdel muu bna ydahdaa 220 b att irdeg bolgoj ogno uu

amraa 2015-11-18 124.158.90.51

ail bolgon togtmol 220 batt irdeg baival zugeer bna da .hariutsah baiguullaga ni arga hemjee avch ogno uu.bas ue ue togiig urt hugaatsaagaar taslah ni togoor halaadag ail orhod mash hundeer tusna gedgiig anhaarna uu

zochin 2015-11-18 124.158.90.51

tognii hyzgaaralt hiihdee odriin tsagaar buyu 12-15 tsagiin hoorond hiij baival ard irgediin sanaand buren niitstei bolno. bayrllaa

elvegee 2015-11-18 124.158.90.51

emeeltiin shand hurganii tog 220 batt daa hurehgui 180-aas 190-iin hoorond irdeg huchin chadal muu bna ene talaar zohih baiguulaga ni anhaarch uzej ogno uu hurganii ard irged ..

dorj 2015-11-18 124.158.90.51

tognii huchdel mash muu unen.arga hemjee avch ogno uu