Энэтхэгийн 1,3 тэрбум иргэн хөл хорионы дэглэмд шилжлээ | News.MN

Энэтхэгийн 1,3 тэрбум иргэн хөл хорионы дэглэмд шилжлээ

Энэтхэгийн 1,3 тэрбум иргэн хөл хорионы дэглэмд шилжлээ

Энэтхэгийн 1,3 тэрбум иргэн хөл хорионы дэглэмд шилжлээ

Энэтхэгийн Ерөнхий сайд Нарендра Моди коронавирусийн тархалтыг зогсоохын тулд хөл хорионы дэглэмийг тэлж, улс орон даяар хорио цээр тогтоолоо. Уг хязгаарлалт өнөөдөр /2020.03.25/-өөс эхлэн хэрэгжих бөгөөд 21 хоногийн хугацаанд үргэлжилнэ. Ингэснээр дэлхий даяар нийт 2,6 тэрбум хүн буюу дэлхийн нийт хүн амын гуравны нэг нь хөл хорионд орж байна гэсэн үг юм.

“Хөгжингүй улс орнууд ч коронавирусийн өмнө өвдөг сөхөрч байна. Тиймээс ирэх 21 хоногт бид коронавирусийн халдварыг дарж авч чадахгүй бол Энэтхэг улс 21 жилийн өмнөх рүүгээ ухрах болно” хэмээн Нарендра Моди хэлжээ.

Тэрбээр мөн хөл хорионы дэглэм нь вирусийн тархалтыг зогсоох цорын ганц арга зам хэмээгээд ард иргэдийг элдэв худал цуу яриа, баталгаагүй мэдээлэл тараахгүй, эрх баригчдын зүгээс гаргаж буй дүрэм журмыг сайтар даган биелүүлэхийг уриалсан байна.

Тус улсад өнөөдрийн байдлаар 536 хүн халдвар авч, 10 хүн нас бараад байна. Хорио цээрийн шинэ дэглэмийн дагуу ард иргэдийг эмнэлэг, эмийн сан, хүнсний дэлгүүр зэрэг нэн шаардлагатай газрууд л биш бол өөр шалтгаанаар гэрээсээ гарахыг хориглож байгаа юм. Түүнчлэн бүх шатны боловсролын байгууллагуудыг хаах, эмнэлэг, эмийн сан, хүнсний дэлгүүрээс бусад бизнесүүдийн үйл ажиллагааг зогсоох аж. Үүнээс гадна олон улсын нислэгүүд, дотоодын төмөр замын сүлжээг зогсоосон байна. Мөн тус улсын Засгийн газраас эрүүл мэндийн үйлчилгээг сайжруулахын тулд хоёр тэрбум ам.долларын санхүүжилт гаргахаар болжээ.

Эх сурвалж: BBC

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2020-03-25 49.0.212.13

Хятадтай нэг их тэврэлдээд байхгүй л бол гайгүй л өнгөрөх юм байна

Avatar

Зочин 2020-03-25 202.179.31.75

1.3 тэрбум хүн амтай улс гэхэд бараг л гараагүй юм биш үү.

Avatar

Зочин 2020-03-25 176.63.23.107

Энэтхэг улс эм дом сайнтай улс. Элдэв хорхой шавж идэхгүй, нийтээрээ цагаан хоолтон шахуу улс гайгүй биз.

NewsMN Гар утасны хувилбар Татах
NEWS.mn

Мэдээллийн эх сурвалж