Трамп: Энэ хэвээрээ удвал депресс коронавирусээс илүү аймшигтай болно

Хуучирсан мэдээ: 2020.03.24-нд нийтлэгдсэн

Трамп: Энэ хэвээрээ удвал депресс коронавирусээс илүү аймшигтай болно

Трамп: Энэ хэвээрээ удвал депресс коронавирусээс илүү аймшигтай болно

Covid-19 өвчний тархалтыг тогтоон барихаар олон бизнесийг түр зогсоосон нь цаашдаа олон хүнд санхүүгийн болон сэтгэл санааны хямрал дагуулж, улмаар амиа хорлолт нэмэгдэх нь коронавирусээс ч илүү аюултай зүйл болж магадгүй хэмээн АНУ-ын Ерөнхийлөгч Дональд Трамп ярьжээ.

Тэрбээр "Хүмүүс маш их сэтгэл санааны хямрал, гутралд орж эхэлж байна. Эдгээр хүчин зүйлс нь яваандаа амиа хорлолтод хүргэдэг. Хэрвээ нийгэм аймшигтай эдийн засагтай бол аймшигтай их үхэлтэй байдаг. Тиймээс энэ байдлаараа удвал сэтгэл гутралаас үүдэлтэй амиа хорлолт коронавирусээс хавь илүү аюул дагуулах болно. Бид тэрхүү аюулаас сэргийлэх арга хэмжээ авч ажиллана" хэмээн өчигдөр/2020.03.23/ хэлсэн байна.

Тэрбээр ярианыхаа сүүлд "хүнд хэцүү үе дуусна, тун удахгүй дуусна. Энгийн өдрүүд эргэн ирнэ" хэмээжээ. Гэвч Трамп тэрхүү нийгмийн сэтгэл гутралын эсрэг үйл ажиллагаагаа хэзээ хэрэгжүүлж эхлэхээ дурьдаагүй ч 15 өдрийн хөл хорио дуусахад дахин долоо хоног байгааг онцолжээ. Түүний хэлснээр коронавирус бол гэнэтийн асуудал бөгөөд үүнээс үүдсэн санхүүгийн хямрал удаан үргэлжлэхгүй гэнэ. Тэрбээр хөл хорионд байгаа, санхүүгийн хямралд өртөж байгаа ард иргэдээ дэмжихээр хоёр их наяд ам.доллар төсөвлөсөн билээ.

Эх сурвалж: RT.COM

Энэ мэдээнд өгөх таны сэтгэгдэл?
9
ЗөвЗөв
4
ХахаХаха
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж