Колумбын нийслэл Богота хотын хамгийн том “”Ла Модело” шоронгийн хоригдлууд коронавирусийн аюулаас болгоомжилж бослого гаргасан тухай тус улсын Хууль зүйн сайд ням гаригт /2020.03.22/ мэдэгджээ. Эмх замбараагүй байдлын үеэр 23 хүн амь үрэгдсэн байна. Түүнчлэн тус улсын хэд хэдэн шоронд хоригдлуудыг хэт олноор хорьж, ариун цэвэр, эрүүл мэндийн шаардлага хангахгүй байгааг эсэргүүцсэн хөдөлгөөн өрнөсөн гэнэ.

Колумбад 81 мянган хоригдлын багтаамжай 132 хорих анги байдаг ба ням гаригт тэдгээрийн 13-т нь зохион байгуулалттай бослого хөдөлгөөн гарсан байна. Одоогоор эдгээр хорих ангиудын ачаалал хэтэрч 121 мянган хоригдол хоригдож байгаа учир эрүүл ахуй, ариун цэврийн шаардлага хангахаа байжээ.

Тус улсад коронавирусийн 231 тохиолдол бүртгэгдсэн байгаа ба хорих ангиуд халдвар тархах магадлал хамгийн өндөрт тооцогдож байгаа юм. Тиймээс АНУ тэргүүтэй улс орнууд олон мянган хоригдлуудаа суллах шийдвэр гаргаад байна.

Эх сурвалж: BBC