Хөгжлийн бодлого төлөвлөлтийн тухай хуулийн төслийн анхны хэлэлцүүлгийг хийлээ | News.MN - Мэдээллийн эх сурвалж

Хөгжлийн бодлого төлөвлөлтийн тухай хуулийн төслийн анхны хэлэлцүүлгийг хийлээ

Хуучирсан мэдээ: 2015.11.17-нд нийтлэгдсэн

Хөгжлийн бодлого төлөвлөлтийн тухай хуулийн төслийн анхны хэлэлцүүлгийг хийлээ

Монгол Улсын Их Хурлын Эдийн засгийн болон Төрийн байгуулалтын байнгын хороо өнөөдөр /2015.11.17/ хамтран хуралдаж Хөгжлийн бодлого төлөвлөлтийн тухай болон холбогдох бусад хуулийн төслүүдийн анхны хэлэлцүүлгийг хийлээ.

Хуулийн төслийг анхны хэлэлцүүлэгт бэлтгэсэн талаарх танилцуулгыг Ажлын хэсгийн гишүүн, УИХ-ын гишүүн А.Бакей хийсэн юм.

Ажлын хэсгээс төслийн 9 дүгээр зүйлийн 9.6 дахь хэсгийг “Засгийн газар үйл ажиллагааныхаа хөтөлбөрийн хэрэгжилтийг Монгол Улсын Их Хурлын чуулганы хуралдааны дэгийн тухай хуулийн 46 дугаар зүйлийн 46.1 дэх хэсэгт заасан хугацаанд УИХ-д өргөн мэдүүлнэ”, төслийн 12 дугаар зүйлийн 12.10 дахь хэсгийг “Засгийн газар улсын эдийн засаг, нийгмийг хөгжүүлэх үндсэн чиглэлийн жилийн эцсийн хэрэгжилтийг Монгол Улсын Их Хурлын чуулганы хуралдааны дэгийн тухай хуулийн 46 дугаар зүйлийн 46.1 дэх хэсэгт заасан хугацаанд УИХ-д өргөн мэдүүлнэ”, төслийн 13 дугаар зүйлийн 13.3 дахь хэсгийг “Бүсчилсэн хөгжлийн бодлогыг Монгол Улсын хөгжлийн үзэл баримтлал, Бүсчилсэн хөгжлийн удирдлага, зохицуулалтын тухай, Хот байгуулалтын тухай хуультай уялдуулан боловсруулна” хэмээн өөрчлөн найруулах зэрэг саналууд гаргасан хэмээн УИХ-ын А.Бакей танилцуулгадаа дурдсан.

Хуулийн төсөлтэй холбогдуулан УИХ-ын гишүүн Ц.Нямдорж, С.Бямбацогт, Д.Ганхуяг, С.Одонтуяа, Су.Батболд нар асуулт асууж, байр сууриа илэрхийлсэн. Үүний дараа Ажлын хэсгээс танилцуулсан болон гишүүдээс гаргасан зарчмын зөрүүтэй саналын томьёоллуудаар санал хураалт явуулсан юм. УИХ-ын гишүүн А.Бакейн танилцуулсан дээрх саналуудыг хуралдаанд оролцсон гишүүдийн олонх дэмжсэн юм.

Ажлын хэсгээс, “Засаг даргын үйл ажиллагааны хөтөлбөрт Засаг даргын бүрэн эрхэд үл хамаарах асуудал болон хөрөнгийн эх үүсвэр тодорхойгүй, үндэслэлгүй зорилт, арга хэмжээг тусгахыг хориглоно”, “Монгол Улсын Ерөнхийлөгчийн, УИХ-ын болон орон нутгийн сонгуулийн үр дүн нь урт болон дунд хугацааны хөгжлийн бодлогын баримт бичигт нэмэлт, өөрчлөлт оруулах үндэслэл болохгүй” гэсэн заалтуудыг хуулийн төслөөс хасах санал оруулсныг гишүүдийн олонх дэмжсэнгүй.

Харин Хөгжлийн бодлого төлөвлөлтийн тухай хууль батлагдсантай холбогдуулж УИХ-ын тогтоолын төсөл боловсруулж батлуулах санал дэмжигдлээ. Хуулийн төслийг хамтарсан хуралдаанаар ийнхүү хэлэлцээд чуулганы нэгдсэн хуралдаанд танилцуулахаар тогтлоо.

ЭХ СУРВАЛЖ: УИХ-ЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-17 202.131.238.242

ийм хуультай болох хэрэгтэйв гэхдээ хэн хэрэгжүүлэх юм бол доо.

иргэн 2015-11-17 202.9.41.138

Ашгүй хуультай болж үүндээ бүсчилсэн хөгжлийн үзэл баримтлалаа шингээж хэрэгжүүлэхэд анхаарах нь гэж ойлголоо. Үнэндээ бүсчилсэн хөгжил гэдэг монголын өргөн уудам нутаг, түүний бүрэн бүтэн байдал, байгалийн баялагийг зүй зохистой ашиглахдаа билчээр, газар тариалан, уул уурхайн эдэлбэр газар ашиглалтын зүй зохистой харьцааг бодолцсон төрийн зохицуулалт шаардагдаж байгааг, хэт төвлөрөлтийг саармагжуулж нутаг дэвсгэрийн жигд хөгжлийг хангаж, нутгийн иргэлд уламжлагдан ирсэн унаган нутагтаай ая тухтай амьдрах боломжийг төрөөс зохицуулах гол механизм л гэж ойлгогдоод байдаг юм.

Bi 2015-11-17 59.153.114.234

Khugjliin bodlogo bolovsruulj uridakh zamaa gereltuuleed alich nam evsel zasgiin erkhend garsan ter tulivlugoogoo barij ajillakh kheregtei baina geed l olon jil barag l bukh tomchuud yarij ard tumnees onoo tsugluuldag bolood baigaa shuu dee odoo ch itgekhed berkh dee. Kheregjvel sain l sanj