Funny Family: Монгол шиг сайхан эх орон хаана ч олдохгүй | News.MN

Funny Family: Монгол шиг сайхан эх орон хаана ч олдохгүй

Funny Family: Монгол шиг сайхан эх орон хаана ч олдохгүй

Funny Family: Монгол шиг сайхан эх орон хаана ч олдохгүй

БНСУ-д  Монгол Улсын 48 мянга орчим иргэн ажиллаж, амьдардаг. Тэдний төлөөлөл бол О.Одбаатарын гэр бүл юм.  Одбаатарын гэр бүлийг ийн онцлох   шалтгаан бий.  Уншигч та юуны тухай юм бол гэж бодож байж магадгүй ч хоёрдугаар сарын 26-ны өдөр  буюу шинийн гуравны өдөр эхнэр нь гитардаж, нөхөр нь дуулж, хүүхдүүд нь бүжиглэж буй хайр хүрэм бичлэгийг үзсэн нь лавтай.

БНХАУ-д дэгдсэн шинэ төрлийн "тахал" гэгдэж буй коронавирусийн сургаар монголчууд сандран, үймэлдэж  байсан тэр үед  О.Одбаатарын гэр бүлийн  хөгжилтэй бичлэг  хүмүүсийн дунд багахан ч болтугай тайвшрал өгч гэрэл асаасан гэхэд буруудахгүй болов уу.

Тэдний бичлэг коронавирусийн халдвар авчих вий гэж айж, стресстэж суусан олон хүмүүст энэ хүнд нөхцөл байдлыг бид  эв нэгдэлтэй, эерэг байдлаар даван туулж чадна гэдэг  урам зоригийг өгсөн юм. 

seoul 🇰🇷гадуур эвгүй байгаач гэртээ цоглог байцгаая🥰🥰🥰 Бид нар нь 6 хоног гэрээсээ гараагүй бнаа 👍👍👍энэ корона хурдан намжаасай😷😷😷

Posted by Khurelbaatar Undrakhbayar on Wednesday, February 26, 2020

О.Одбаатарын гэр бүлийнхэн бусад монгол хүмүүсийн адилаар амьдралаа дээшлүүлэхээр таван жилийн өмнө БНСУ-т иржээ. Гэхдээ өрхийн тэргүүн мөнгө олохоос илүүтэй  гэр бүлийнхээ  халуун дулаан уур амьсгалыг чухалчилж БНСУ-руу гэр бүлээрээ явах шийдвэр гаргасан аж.

Тэрбээр “Амьдралаа дээшлүүлж ахиу мөнгө олохын тулд БНСУ-ыг зорьж байгаа олон мянган хүмүүсийг буруутгах аргагүй.

Гэхдээ  үр хүүхдүүдийнхээ дэргэд өсч торних, эгдүүтэй ааш зан үйл хөдлөлийг нь хором бүр харж суух шиг жаргал байхгүй.

Би эхнэрийнхээ хамт  БНСУ-аас мөнгөтэй болоод харих ч хүүхдүүдийнхээ хамгийн хөөрхөн эгдүүтэй мөчүүдийг үзэхгүй өнгөрөөнө гэхээс айсан учраас хамт явах шийдвэр гаргасан ” хэмээн ярьсан юм.

О.Одбаатар эхнэртэйгээ Дорнодын театрт хамт ажиллаж байх үедээ танилцжээ. Дурлалт бүсгүйдээ дуу хүртэл зориулж дуулж өгч уяраан, алиа хошин зангаараа найрч эхнэрээ болгон авсан байна. Тэд ханилан суугаад 24 жилийг ардаа үдсэн бөгөөд өдгөө тэд дөрвөн хүүхэдтэй.

ТЭД Ч ХҮҮГЭЭ “ЦЭРГИЙН АЛБАА ХААНА, НУТАГ БУЦНА” ГЭХЭД НЬ УРИАЛГАНХАН ДЭМЖСЭН БАЙНА

Ууган хүү нь

Ууган хүү нь 21 настай.Удаах хүү нь 12 настай. Дунд охин нь долоон настай бол отгон охин нь арваннэгэн сартай. Том хүү нь БНСУ-д гэр бүлтэйгээ хамт амьдраад гурван жил болж байтал цэргийн зарлан ирсэн учраас Монгол руу буцжээ. Тэд ч хүүгээ “Цэргийн албаа хаана. Нутаг буцна” гэхэд нь уриалганхан дэмжсэн байна.

Энэ талаар  О.Одбаатар “Үнэнийг хэлэхэд тухайн үеийн нөхцөл байдлаас шалтгаалаад би  цэргийн албыг дүйцүүлж хаасан л даа. Тиймээс хүүгээ цэргийн алба хаамаар байна гэхэд нь бахархсан бас дэмжсэн. Сэтгэл байна гэдэг сайхан хэрэг. Хүү маань цэрэгт явснаар  эх оронч үзэл, хүмүүжлээр төлөвшиж, тэсвэр хатуужилтай болсон гэж ярьж байсан. Хүү маань одоо монголдоо амьдарч байгаа” гэлээ.

Ингээд түүнтэй онлайнаар ярилцсанаа хүргэе.

-Шинийн 3-ны өдөр таны цахим хуудаснаа байршуулсан  гэр бүлийн бичлэг олон хүмүүст хүрсэн шүү дээ. Тухайлбал, “Маш сайхан, эерэг хайран дүүрэн гэр бүл байна”,  “Үнэхээр халуун дулаан уур амьсгалтай гэр бүл юм.  Аз  жаргалтай маш гоё мэдрэмж авлаа”  “Сэтгэл сэргэчихлээ. Үзээд л баймаар бичлэг байна” гэхчлэн танай гэр бүлд аз жаргал хүссэн  комментуудаас харахад л олон хүмүүст таалагдсан нь мэдэгдэж байсан. Ер нь тэрхүү бичлэгийг яагаад хийх болов?

Цагаан сарын үеэр БНСУ-т 1000 гаруй хүн халдвар авсан нь тогтоогдож сургууль, цэцэрлэг  түр хаагдаж эхэлсэн. Би ч  гэсэн хаширлаад ажлаасаа чөлөө аваад гэртээ бүгээд зургаа хонож байлаа. Тухайн үед монголд байгаа хамаатнууд маань санаа нь зовоод өдөр бүр   “Та нар минь зүгээр үү” гэсэн чат бичээд байсан учраас өөрийн бичлэгээрээ цоглог сайн байгаа шүү гэдгийг харуулахыг зорьсон. Харин бусад хүмүүст гэр бүлийн хайрыг мэдрүүлэхийг хүссэн.  Миний бичлэгийг үзсэн өөр нэгэн аав гэртээ хариад гэрийнхэнтэйгээ цагийг хөгжилтэй, баяр хөөртэй  өнгөрөөж байвал миний бичлэгийн гол зорилго биелж байна гэсэн үг. Уг нь тэрхүү бичлэгийн эхний хувилбарыг  шинийн 2-нд хийсэн .

Тухайн үед эхнэртэйгээ дуулаад бичлэг хийж байсан чинь ард хүүхдүүд маань санаандгүй байдлаар орж таарсан л даа.  Тэрийг хараад яагаад хүүхдүүдтэйгээ хамт бичлэгт орж болохгүй гэж. Тийм биз дээ  гэх  бодол төрсөн учраас дахин  бичлэгээ  хийгээд шинийн 3-нд өөрийн цахим хуудаснаа байршуулсан.  Ийм олон хүнд хүрнэ гэж ерөөсөө бодоогүй.  Бичлэгээ тавихаас өмнө 1000 гаруй найзтай байсан чинь маргаашаас нь эхлээд найзын хүсэлтэд булуулсан. Бас зөндөө их чат ирсэн. Хүмүүсийн аз жаргал хүссэн, урам өгсөн үгс үнэхээр сайхан санагдсан шүү. Хоёрдугаар сарын 26-аас хойш хүмүүс теле концертоо ойр ойрхон үзүүлээч гэхээр нь  онгироод одоогийн байдлаар таван бичлэг хийсэн байна даа. /инээв/ Хүмүүсээс найзын хүсэлт их ирж байгаа учраас  “Funny Family” гэсэн пежи хуудас хүртэл нээсэн.

Эхнэр нь гитардаад, нөхөр нь дуулаад, хүүхдүүд нь бүжиглээд л. Ингэхэд танайх урлагийн гэр бүл үү?

-Тийм ээ. Манайх урлагийн гэр бүл. Манай өвөө хөгжмийн зохиолч н.Жүгдэр гэдэг хүн байсан. Эмээ маань хөгжимчин хүн байсан. Харин манай аав бүжиг дэглээч, ээж маань жүжигчин. Ээж маань сүүлийн үед нэлээн хэдэн кинонд тоглосон. Миний төрсөн дүү Монголын  үндэсний урлагийн их театрт мэргэжлийн бүжигчнээр ажилладаг. Манай эхнэр бүжигчин мэргэжилтэй бас гитар сайн тоглодог. Удаах хүү  маань сургуулийн дугуйландаа лимбэ хөгжмөөр хичээллэдэг. Мөн гүйлтээр дүүрэг болон сургуулийнхаа аварга болсон. “Ааваа монгол хүн болохоороо ийм хурдан гүйдэг юм уу” гээд их асуудаг шүү.  Дунд охин шагшуур хөгжим сайн тоглоно. Одоо ер нь хүүхдүүд маань бичлэг хий, бичлэг хий гээд утсаар дүүрэн хэрэгтэй хэрэггүй бичлэгтэй л болсон  байна даа. /инээв/

 –Ингэхэд  таныхаар БНСУ-д ажиллаж амьдрахын давуу тал нь юу вэ?

-Монголоо ямар  муулалтай биш. Гэхдээ  БНСУ-д ажиллаж амьдрахын давуу тал нь гэвэл  амьдрах орчин болон  цалин хөлсний хүрэлцээ их сайн.  БНСУ олон мянган монгол хүний амьдралыг залгуулж яваа үр өгөөжтэй улс шүү дээ. Би том агуулахуудын тавиур угсардаг  компанид ажилладаг. Анх ирэхдээ л энэ газраа ажилд орсон. Мөн энд  гурван сарын хугацаагаар ажиллахаар ирсэн монголчуудаа компанидаа ажилд оруулдаг. Эдгээр хүмүүсийнхээ амьдралыг эргээд харахад их бага хэмжээгээр өөрчлөгддөг. Монголд очсон хүмүүс унаа тэрэг, орон сууц авах эсхүл гэрийнхэн рүүгээ мөнгө төгрөг явуулах гэхчлэн монголд ч  гэсэн бага гэлтгүй хөрөнгө оруулалт оруулж байгаа  гэж боддог юм. 

Мэдээж эх орноо санаж байгаа байх. Хэзээ монголдоо ирэх бодолтой байна  вэ?

-Одоогоор гэр бүлийн зөвлөгөөнөөр шийдвэр гараагүй л байна. /инээв/ Гэхдээ оны өмнөхөн ярихад 1-2 жилийн дараа эх орон руугаа буцдаг юм уу гэж хальт ярьсан шүү. Манай хүү одоо тавдугаар ангид суралцдаг. Нэгдүгээр ангиасаа энд сурсан болохоор тавдугаар ангиа төгсөхөөр нь БНСУ-т сурч байсныг батлах бичиг өгдөг юм байна. Харин охин маань цэцэрлэгт явдаг. Тэгэхээр хүүгээ тавдугаар ангийг нь төгсгөөд, охиноо нэгдүгээр ангид ороход нь монгол руугаа буцна гэж бодож байна.

Сүүлийн үед монгол залуучууд эх орноо хөгжилгүй, түгжрэлтэй, бухимдалтай гэж төвөгшөөх хандлага ажиглагдаад байна л даа. Та үүн дээр ямар бодолтой явдаг вэ?

-Хүмүүс “Монгол ядаргаатай, бухимдалтай” гэлцдэг. Яахав үнэн л дээ. Манайд асуудал их байгаа нь. Гэхдээ  Монголоо муулна гэдэг бол өөрийнхөө хувь заяаг муулсантай адилхан. Ийм сайхан эх орон өөр хаана ч олдохгүй. Залуучууд эх орноо муулаад байх юм бол хэн энэ улс орныг цааш нь авч явах юм бэ. Хүний нутагт ажиллаж амьдарч байгаа хүмүүс монголоо муулж байхыг би лав хараагүй.

Өнөөдрийн байдлаар таны амьдарч буй Сөүл  хотод  нөхцөл байдал ямар байна вэ? 

 Сургууль, цэцэрлэг гуравдугаар сарын 23-нд орох байсан ч дөрөвдүгээр сарын 3-ыг хүртэл хойшилсон. Гэхдээ сургууль, цэцэрлэгийн багш, захирлууд нь хоёр хоноод л хүүхдүүд гайгүй юу гээд утсаар ярьж шинэ мэдээлэл зөвлөгөө өгдөг. Ер нь байнгын холбоотой байдаг. Энд Солонгос, Монгол гэлтгүй бүгд аюулгүй байдлаа бодоод гэрээсээ гарахгүйгээр зохих хэмжээнд эрүүл мэндээ сахин хамгаалж байна. Гадуур хөл хөдөлгөөн эрс багассан байна лээ. Манай гэр бүлийнхэн ариун цэврээ сахиад гангатай арцаар утаад, халуун аарц уугаад, тараг бүрж идээд л дархлаагаа дэмжээд гэртээ байна. Мэдээж ариутгагч бодис, амны хаалт, бээлийг байнга хэрэглэж байгаа.

Ярилцлагынхаа төгсгөлд монголынхоо ард түмэнд хандаад юу гэж хэлмээр байна даа?

– Энэ цаг үед бидний цөөхөн монголчууд  коронавирусийн  тархалтыг  эрсдэл, хохирол багатай давж  гарах талаар  нийтээрээ бодож, сэтгэж, сонор сэрэмжтэй байх нь чухал болоод байна. Хамгийн гол нь  бид эв нэгдэлтэй байх хэрэгтэй. Элэг нэгтнээ өвчин чирээд эх орондоо ирлээ гэж харахаас илүүтэй  хүн гэдэг талаас нь хараад, энэрэнгүй уужим сэтгэлээр хандаарай гэж  монголчууддаа хэлмээр байна.

 

Энэ мэдээнд өгөх таны сэтгэгдэл?
104
ЗөвЗөв
6
ХарамсалтайХарамсалтай
5
ХөөрхөнХөөрхөн
2
ГайхмаарГайхмаар
1
ТэнэглэлТэнэглэл
1
БурууБуруу
0
ХахаХаха
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ganaa 2020-03-23 85.49.124.54

Ajil hiij chaddag, ovsgoo sambaatai ni gadagshaa gartsgaasan. Mongoldoo ochij ajillaj vzie gej neg bus odoo oroldson. Solongost ajillaj bsan hvmvvs ajild sain wm bilee. Ajillaj sursan hvmvvs bdag wm bilee. Mongold ajilladag hvmvvs ehnii heden udur gaigvi daráa ni uridchilgaa ene ter gej zavaaraad daráa ni he'd honog alga bolno. Vg daahgvi. Sonsoj bgaa vgvi ni vl medegddeg, shilee maajsan nuhdvvd bdag wm bilee. Ajil olgogchiin talaar yarih ch wm bish. Munguu uguhgvi, utsaa avahgvi,….

Avatar

Зочин 2020-03-23 139.5.216.73

нохой шиг амьдарч байгаа л юм байна

Avatar

Зочин 2020-03-23 58.140.158.133

Mongoliin ger buluud tiim muuhai huiten hundii uur amisgaltai boltsgooson ym bhdaa

Avatar

Зочин 2020-03-23 207.6.112.23

Huuhduud az jargaltai amidarch baival tegeed l boloo1. ain aav az jargaltai ger buld sain saikhniig husie!

Avatar

Zochin 2020-03-23 103.229.122.106

Hoid solongos ail bna gj halit harlaa.

Avatar

Zochin 2020-03-23 202.9.40.46

Manaihan solongosiin har ajliig hiigeed, end solongosuud boss hiigeed, hoorhii mongolchuud mini dee

Avatar

зочин 2020-03-23 103.57.94.213

гэр бүлээр нь гадаадад явуулж байвал монголчуудын амьдралын нэг зовлон хүүхдийн сэтгэл санаа бэтгэрэх гэр бүл салж сарихгүй хүүхэд ѳнчирч хоцрохгүй улс орон айл гэр бүлээс бүрддэг учир улс орон чинь хүчирхэг бна гэдгийг манай үхрүүд ойлгохгүй 30 жил болжээ.монголоо муулах бишээ.монголд бүх зүйл буруугаар явж буцахдаа шороо тээж явнаа гээд хэлчих зүрх сэтгэл алга уу?түүнээс биш эх орны минь газар байгаль агаар ус хаана ч байхгүй нандин эрдэнэ шүү гээд хэлж чадахгүй байна уу?залуу жаахан ухаан суу

Avatar

Зочин 2020-03-23 182.160.1.167

Гадаадад сайхаан, юм элбэг, хямдхан, интернэт нь хурдан, мөнгөтэй байхад чамд бөхөлзөөд л. Гэхдээ Монголдоо, гэртээ гурилтай хоолоо идээд Цагийн хүрд үзэж суух шиг сайхан байдаггүй.

Avatar

Зочин 2020-03-23 192.82.72.141

Ene ger buld az jargal husey.

Avatar

Мига 2020-03-23 202.126.88.37

Тгээд үхснээ Сод бгаам бэ хахаа

Avatar

1 2020-03-23 202.126.89.152

ХҮНИЙ СЭТГЭЛИЙГ ХУМСЫН ЧИНЭЭ ХҮНДЛЭЛГҮЙ ХАРЬЦДАГ АРААТАН АМЬТНААС ДООР СЭТГЭХҮЙ ҮНЭХЭЭР ӨРӨВДӨЛТЭЙ БАЙНАДАА ХӨӨРХИЙ ЧИНИЙ ӨМНӨӨС СЭТГЭЛ ӨВДЛӨӨ 202.126.88.37 СЭТГЭГДЭЛ БИЧЭГЧЭЭ

Avatar

zochin 2020-03-23 59.153.115.114

hilee haagaad oruulahgui baihaar chini irj avaach ee gehees uur yah um be, esvel zugeer l hilee neechihvel delhii toirood ch hamaagui eh orondoo uuriinhuu zardlaar irne shd, mongoldoo hiisen ajilgui hii selguutssen nuhud gadaadad baigaa arai umnu alhaj yavaa mongolchuuddaa durgui bdag um uu, zav l garval muu heleh um, yaag unendee tedniihee yavuulsan munguur l amidarch bgaa nuhud olon bgaa, zarim ni araas ni yavah geed chadaaguidee horsson nuhud bgaa, barisan ch aldahgui

Avatar

Otgonchimeg 2020-03-23 45.117.32.2

сайхан гэр бүлд эрүүл энх сайн сайхныг хүсэн ерөөе. Энэ гэр бүлийн бичлэгийг эхнээс нь л үзсэн. Санаж сэдсэн сайн үйлс бүхэн нь үргэлж бүтэж явах болтугай. Монголын минь бүх гэр бүл ийм л өөдрөг өнгөтэй байх болтугай

Avatar

Тийм юм бол яагаад тэнд 2020-03-23 122.201.21.8

Тийм юм бол яагаад тэнд явж байгаа юм. Мөнгө багатай ч гэсэн эх орондоо байж байхгүй. Энд тэнд оччихоод эх орноо санахаар ингэж улиглахаа болимоор юм

Avatar

Зочин 2020-03-23 12.14.148.163

Удахгүй тэд буцаж ирээд амьдрал сайн болж чам шиг юмнууд энэ байгаа нүхэндээ л үлдэнэ

Avatar

zochin 2020-03-23 150.129.141.168

MONGOLekh oron saikhan l daa…. gehdee ene shunaliin birduud ard tumniig orloggui , mash baga tsalin, hudlaa mundag gej huuregdej odon medal egch, humuusiig bolovsrol medelel medeelelguig ni dalimduulj Ekh Oron suitgej bna. Tiim bolohoor l humuus gadashaa yavj bna, Shatgaan ni erdeel ene

Avatar

иргзн 2020-03-23 202.179.24.240

гэтэл Гадны орнуудад байгаа манай зарим Монголчууд яаж байна ирж аваажээ энэ тэр Уянгын хайлалтай Бичлэг Сошиал орчинд тавиад л Үхлээ хатлаа гээд Сүйд болж байна, Ирсэн хойноо Тусгаарлах байр сав, Орчиноо Голоод хэл ам гаргана, Уг нь Өөрсөд өө Муухай Монгол гээд л явцгаасан Улс шүү дээ,

Avatar

Зочин 2020-03-23 12.14.148.163

Чам шиг юм хуцаад хэн ч тоохгүй

Avatar

Зочин 2020-03-23 207.6.112.23

Ooroo yavj chadahgui, yavya geed visa ch avch chaddaggui humuus ataarhal horsnoo gej. Eronhiidoo bol yu ch hiij chadahgui, hel us bolovsrolgui, hulgaich deremchid ni Mongold uldesgeesen. eronhiidoo bol chancegui humuus ni. Tiimees idej uuj baigaa lyuivarchidtaigaa ch temzeh chadalgui, zurh zoriggui. darluulaad baij baihdaa taarsan umnuud l zovhon Mongoldoo uldsen ni unen. Gadaadad surch bolovsrood irsnuuddee ataarhaad ajlaa aldchihna geed shahaad ajild avahgui, ooriinh ni tenegiig medchihne gee

Avatar

MT 2020-03-23 195.46.106.46

SAIN SAIHNIIG HUSIE

Avatar

Заяа 2020-03-23 66.181.161.122

Гэр.бүлд нь хамгийн сайн сайхныг хүсье. Зөв бодолтой сайхан гэр бүл бнаа

Avatar

Зочин 2020-03-23 122.201.22.212

Chink

Avatar

Зочин 2020-03-23 64.119.17.155

Аз жаргал хүсье. Сайн аав сайхан гэр бүл

Avatar

даваа туяа 2020-03-23 103.10.22.138

Одбаатар дүүгийнхээ гэр бүлийн бичлэгүүдийг байнга үздэг шүү.Хөөрхөн бас жаргалтай харагдацгаадаг шүү.Сайн сайханыг хүсье.Эрүүл энхийг хүсье

Avatar

Zochin 2020-03-23 103.229.122.106

Az jargal

Avatar

Гэрэл 2020-03-23 202.131.225.150

Ner ni hurtel Odbaatar yumdaa. Od zaluudaa bolon saihan ger buld ni eruul enkh sain saihniig husie.

Avatar

Тэнэглэл 2020-03-23 122.201.21.8

Хүн бүрт эх орон нь сайхан. Хүн бүрт ингэж санагдана.. Тэгэхэд ийм тэнэг юм бүү яриад бай.

Avatar

zochin 2020-03-23 122.201.23.84

Ухаалаг залуу байна. Гэр бүлд нь аз жаргал хүсье

Avatar

Зочин 2020-03-23 103.111.68.3

tiim ТИЙМ УЛСЫН ИХ ХУЛГАЙЧДЫН ОРОН. ҮР ХҮҮХДҮҮДИЙН ИРЭЭДҮЙГ ХУЛГАЙЛСАН ОРОН.

Avatar

Зочин 2020-03-23 202.126.88.183

Тэгээд л солиороод унах юм. Дэлхий даяар л сайхан гэр бүлүүд бий

NewsMN Гар утасны хувилбар Татах
NEWS.mn

Мэдээллийн эх сурвалж