Японы мэргэжлийн сүмо бөхийн хаврын башёгийн 14 дэхь өдрийн барилдаан өчигдөр/2020.03.21/ Осака хотын "Эдион арена Осака" ордонд болж өндөрлөлөө. Үзэгчгүй, хаалттай ордонд болж буй барилдаанд 14 өдрийн дараах байдлаар хоёр унаатай, 12 даваатай Хакүхо Шоо, Какүрюү Ананд нар башёг тэргүүлж байна.

Хакүхо башёгийн 14 дэх өдөр башёг тэргүүлж байсан Аоияама Косүкэнтэй учраа тааран барилдаж, хүндхэн барилдааны эцэст ялалт байгуулан 12 даваа, хоёр унаатай боллоо. Харин Аоияама Косүкэн 11 даваа, гурван унаатай тэргүүлэгчдийн араас удаалж байна.

Какүрюү Ананд башёгийн 14 дэх өдөр Сэкивакэ Асонаяаматай тааран барилдаж, ялалт байгууллаа. Ийнхүү Какүрюү Ананд 14 өдрийн дараах байдлаар 12 даваа, хоёр унаатай башёг тэргүүлж байна.

Өнөөдөр/2020.03.22/ буюу хаврын башёгийн сүүлийн өдөр Какүрюү Ананд болон Хакүхо Шоо нар учраа тааран барилдана. Тэдний хэн ялсан нь энэ хаврын башёд түрүүлнэ.