Улсын онцгой комиссын өчигдрийн хуралдаанаар өндөржүүлсэн бэлэн байдлын зэрэгт шилжсэн хугацааг 2020 дөрөвдүгээр сарын 30-н хүртэл сунгасан. Үүнтэй холбоотойгоор бизнес эрхлэгчид, дотоодын аж ахуй нэгжүүдийн үйл ажиллагаа доголдох, эдийн засгийн хүнд цохилтод орж болзошгүй нөхцөл байдал үүсээд байна. Тиймээс аж ахуй нэгжүүд, залуу бизнесийн төлөөллүүд нэгдэж, УИХ, Засгийн газарт шаардлага хүргүүлэхээр уриалга гаргаад байна. Залуу бизнес эрхлэгчдийн зүгээс улс орны хэмжээнд өндөржүүлсэн бэлэн байдалд шилжсэн энэ үед Засгийн  газар, УИХ бодитой, шаардлагатай арга хэмжээг яаралтай авах урилга гаргаж, гарын үсэг цуглуулж эхэлжээ. Тэдний төлөөлөл BRB компанийн гүйцэтгэх захирал Ж.Энхжаргалантай ярилцлаа.