Олон улсад коронавирусийн халдвараас айн сандарсан иргэд нойлын цаас их хэмжээгээр нөөцөлж буйг Нидерландын Ерөнхий сайд Марк Рютт ёжилжээ.

Тэрбээр нэгэн дэлгүүрээр үйлчлүүлж байхад нь нэг худалдан авагч түүнээс хангалттай нойлын цаас авч амжсан эсэхийг нь асуусан байна. Ерөнхий сайд хариуд нь толгой дохиод “Нидерландчуудад дараагийн 10 жил хангалттай хүрэлцэхүйц нойлын цаас байна. Үнэхээр их байна. Бид 10 жил хүндрээд ч дуусахгүй байх” хэмээн хэлжээ.

Premier Rutte op bezoek in een Albert Heijn in tijden van corona: 'er is zo veel wc-papier, we kunnen tien jaar poepen!' pic.twitter.com/z9puo3HK3r

— Marieke v/d Zilver (@mvdz_) March 19, 2020

Бусад олон орны адил Нидерландад өвчний тархалтыг бууруулах арга хэмжээ авч эхлэхэд сандарсан иргэд нойлын цаасны зохиомол хомсдол үүсгээд байгаа билээ. Мөн зарим иргэд кофе шопуудыг хаагдахаас өмнө каннабис нөөцлөхөөр кофе шопуудын гадна урт дараалал үүсгээд байгаа билээ.

Эх сурвалж: RT.COM