Японы мэргэжлийн сүмо бөхийн хаврын башёгийн 12 дахь өдрийн барилдаан өчигдөр/2020.03.19/ Осака хотын "Эдион арена Осака" ордонд болж өндөрлөлөө. Үзэгчгүй, хаалттай ордонд болж буй барилдаанд Хакүхо 12 өдрийн дараах байдлаар хоёр унаатай, арван даваатай яваа бол түүнтэй адил Какүрюү Ананд арван даваа, хоёр унаатай явж байна.

Хакүхо башёгийн 12 өдөр Шодай Наояатай учраа тааран барилдаж, ялагдал хүлээн арван даваа, хоёр унаатай боллоо. Харин хаврын башёг Болгар бөх Аоияама Косүкен 11 даваа, ганцхан унаатай ганцаараа тэргүүлж эхэллээ.

Какүрюү Ананд башёгийн 12 дэх өдөр Эндо Шотатай тааран барилдаж, ялалт байгууллаа. Ийнхүү Какүрюү Ананд 12 өдрийн дараах байдлаар арван даваа, хоёр унаатай башёг үргэлжлүүлж байна. Түүнтэй адил Хакүхо Шоо, Сэкиваки Асанояама, Митакэюүми Хисаши, нар арван даваа, хоёр унаатай яваа.