“Зээлийн хүүг тэглэсэн бол зөв шийдвэр байх байлаа” | News.MN

“Зээлийн хүүг тэглэсэн бол зөв шийдвэр байх байлаа”

“Зээлийн хүүг тэглэсэн бол зөв шийдвэр байх байлаа”

“Зээлийн хүүг тэглэсэн бол зөв шийдвэр байх байлаа”

Covid-19-ийн халдвар нь эрүүл мэнд, санхүүгээс эхлээд олон эрсдэл дагуулж байна. Улс орнууд дотоодын болон гадаадын хөл хориог тогтоосноор олон хүн орлогогүй, ажилгүй болж буй. Монгол Улс зарим аж ахуйн нэгжийн үйл ажиллагаа зогссоноор иргэд зээлээ төлж чадахгүйг хүрсэн. Тухайлбал, Монголд нийт зээлдэгчдийн 90 гаруй хувь нь хэрэглээний зээл авсан байдаг бөгөөд 67 хувь нь энэ үед зээлээ эргэн төлж чадахгүйд хүрчээ. Тиймээс хэрэглээний зээлийн хүү, эргэн төлөлтийг 90 хоног царцаахаар болсныг Сангийн сайд Ч.Хүрэлбаатар болон Монголбанкны ерөнхийлөгч Б.Лхагвасүрэн уржигдар /2020.3.18/ мэдэгдсэн.

Энэхүү шийдвэрийн дагуу банк, банк бус санхүүгийн байгууллага, хадгаламж, зээлийн хоршооноос олгосон зээлийн ангиллын хугацаанд өөрчлөлт оруулсан юм.

  1. Зээлийн гэрээний хугацааг хоёр болон түүнээс дээш удаа сунгасан бол зээлдэгчийн зээлийн ангилал өөрчлөгдөж хугацаа хэтэрсэн болон чанаргүй зээлд шилжиж “Зээлийн мэдээллийн сан”-д бүртгэгдэж байсан зохицуулалтыг 2020 оны нэгдүгээр сарын 31-ний өдрөөс 2020 оны долдугаар сарын 31-ний өдрийг хүртэлх түр хугацаанд зогсоох;
  2. Зээлийн үндсэн төлбөр болон хүүгийн эргэн төлөлт нь хугацаандаа төлөгдөж байгаа бол хэвийн зээлд тооцохоор байсныг 120 хоногоор хугацаа хэтэрсэн бол хэвийн зээлд тооцохоор, хугацаа хэтэрсэн зээлийн ангилалд 1-90 хүртэл хоног байсныг 121-180 хоног, чанаргүй зээлийн ангилалд 181 хоногоос дээш хугацаанд хугацаа хэтэрсэн тохиолдолд бүртгэж байхаар тус тус зохицуулалт хийжээ.

Гэхдээ зээлдэгчийн зээл, хүүгийн төлбөрийн эргэн төлөх үүрэг хэвээр байх бөгөөд зээлдэгчийн үйл ажиллагаанд хүндрэл гарсан бол банк бус санхүүгийн байгууллага, хадгаламж, зээлийн хоршоондоо хандан зээлийн төлбөрийг хойшлуулах, зээлийн гэрээнд өөрчлөлт оруулах хүсэлт гаргаж өөрийн төлбөрийн чадвар, үйл ажиллагааны онцлогт тохирсон хэлбэрээр шийдвэрлүүлэх боломжтой.

ЗЭЭЛИЙН ХҮҮ, ТӨЛӨЛТИЙГ ХЭРХЭН ЦАРЦААХ ТАЛААР ЗААВАР ИРЭЭГҮЙ

Уг шийдвэр бодитоор хэрэгжиж байгаа эсэхийг сурвалжиллаа. Иргэдийг гадуур явахгүй байхыг зөвлөж буйтай холбоотойгоор банкаар үйлчлүүлж буй хүн тун цөөн байсан юм. Банкуудаар орох үед 90 хоног царцаагаад буй зээлийн талаар мэдээлэл авахаар, зээлийн гэрээндээ өөрчлөлт оруулахаар нэг ч хүн ирсэнгүй. Харин банкны ажилтнаас тус мэдэгдлийн талаар лавлахад “Монголбанкнаас өчигдөр тэр талаар мэдээлэл хийсэн. Энэ мэдээллийн дагуу иргэд ирж уулзаж, “гэрээгээ шинэчлэх ёстой юу, Юу бүрдүүлэх вэ” гэж асууж байна. Бидэнд энэ шийдвэрийн дагуу зээлийг царцаахын тулд ямар материал бүрдүүлж, яаж ажиллах талаар заавар, зөвлөмж одоогоор ирээгүй байна. Зээлийг царцаах асуудлыг хэрхэн яаж зохицуулах талаар шийдвэр гарсны дараа харилцагчдад дэлгэрэнгүй мэдээлэх болно” гэх тайлбарыг өгсөн юм.

Цаг үеэ олсон гэж хэлж болохуйц уг шийдвэр олон иргэний ачааг бага ч гэсэн хөнгөлөхөөр байна. Зээлийг царцаах энэ удаагийн шийдвэрийн талаар иргэд ямар байр суурьтай байгааг сонирхлоо.

ИЙМ ШИЙДВЭР ГАРГАСАН НЬ УХААЛАГДУУ ҮЙЛДЭЛ БАЙЛАА

Д.МӨНХ-ОРГИЛ

-Коронавирусийн халдвартай холбоотойгоор ихэнх аж ахуй нэгж, байгууллагуудын ажил зогсчихсон, олон ажилчид, иргэд орлогогүй болчихсон байна. Миний хувьд хувиараа бизнес эрхэлдэг, цөөнгүй ажилтантай. Ажил зогсчихсон болохоор ажилчдынхаа цалинг яагаад ч тавьж чадахгүй байлаа. Цалингүй байгаа ажилчид маань цалингийн зээлээ яаж төлөх вэ дээ. Би ч мөн адил зээлтэй. Монголын ихэнх иргэд бидэнтэй адил зээлтэй байдаг. Нийгэм, эрүүл мэнд, санхүүгийн нөхцөл байдал хүндэрсэн энэ үед зээлийг зогсоох зайлшгүй шаардлагатай байсан. Ийм шийдвэр гаргасан нь ухаалагдуу үйлдэл байлаа.

Ухаалагдуу гэж байгаагийн шалтгаан нь гаднын зарим орон Covid-19-ийн халдвартай холбоотойгоор зээлийн хүүг нь тэглэж байгаа юм билээ. Энэ нь иргэдийнхээ амьдралыг мэддэг шийдвэр гаргагчдын хийж буй маш ухаалаг шийдвэр. Манайх ч мөн адил ийм шийдвэр гаргаж болох л байсан. Гэтэл Монголын арилжааны банкуудын зээлийн хүү бусад орныхоос хэд дахин өндөр шүү дээ. Тийм юм чинь нэг удаа зээлийг биш ч зээлийн хүүг халдвар намдтал тэглэчихмээр л байгаа юм даа. Ард түмнийгээ бодох цагтаа бодох л хэрэгтэй.

ӨВЧИН НАМДТАЛ ЗЭЭЛИЙН ХҮҮГ ТЭГЛЭЧИХГҮЙ ДЭЭ  

А.ЭРДЭНЭБИЛЭГ

-Зээлийн хүү болон төлөлтийг гурван сараар хойшлуулж байгаа талаар өчигдөр зурагтын мэдээгээр сонссон. Нэг ёсондоо зээл төлөх хугацаа нь улам нэмэгдэж байна гэж ойлгосон. Энэ мэдээг сонсоод зээлийн хүүг нь тэглэчихгүй дээ л гэж бодож байлаа. Миний хувьд зээлгүй. Гэхдээ миний хүрээлэлд байгаа хүмүүсийн ихэнх нь зээлтэй. Иргэд зээлийн хүүнд дарлагдаж, сар бүр өндөр хүү төлж байна. Халдварт өвчин хүрчихгүй юмсан гэсэн айдас түгшүүртэй байгаа энэ үед өвчнийг намдах хүртэл зээлийн хүүг тэглэчихмээр л байгаа юм даа. Бас цаашид зээлийн хүүг бууруулмаар байна. Зээлийн хүүг гурван хувь болгох боломжтой шүү дээ. Монголын банкууд хэтэрхий дураараа байна.

БАНК БУСААС ЗЭЭЛЭЭ ГҮЙЦЭД ТӨЛӨӨРЭЙ ГЭСЭН 

Э.АРИУНГЭРЭЛ

-Энэ талаарх мэдээлэл дэндүү ойлгомжгүй байна. Миний зээл авсан банк бус санхүүгийн байгууллагаас өнөөдөр /2020.3.19/ залгаад “Зээлээ гүйцэд төлөөрэй, таны зээл дутуу төлөгдсөн байна” гэсэн. “Энэ сарын зээлээ бүрэн төлчихсөн” гэтэл "дахин шалгаад хариу өгье" гэж байна. Цалингийн зээлтэй болохоор цалин оронгуут банк татаад авчихдаг. Тиймээс банк бусаас мөнгө зээлэх зайлшгүй шаардлага тулгарсан. Давхар давхар зээлтэй, дээр нь халдварт өвчинтэй холбоотойгоор гадуур явж ажил амжуулж болохгүй байгаа энэ үед зээлийн хүү, төлөлтийг сунгаж байгаа нь зөв шийдвэр. Түр зуур амьсгаа аваад, хүүхдүүдийнхээ хоол ундны асуудлаа яаж зохицуулах талаар бодоход хүргэж байна.

ЗЭЭЛ АВСАН БАНК ДЭЭРЭЭ ОЧИЖ ТОДОРХОЙ МЭДЭЭЛЭЛ АВНА

Б.САРУУЛ

-Энэ мэдээг сонсоод маш их баярласан. Үйлчилгээний газарт ажилладаг болохоор нөхцөл байдалтай холбоотойгоор ажил маань зогсчихсон. Миний хувьд цалингийн зээлтэй ч ажил зогсчихсон болохоор зээлээ төлөх ямар ч боломжгүй байсан. Гэхдээ зээлийн төлөлт, хүүгээ түр хугацаанд яг яаж царцаах талаар мэдээлэлгүй байна. Өчигдөр энэ талаар мэдэгдэл хийхдээ маш ойлгомжгүй тайлбарлаж байсан. Өнөөдөртөө амжихгүй ч ойрын хугацаанд зээл авсан банк дээрээ очиж мэдээлэл авна гэж бодож байгаа.

"Болор дуран"-аар шалгав.
Энэ мэдээнд өгөх таны сэтгэгдэл?
13
ТэнэглэлТэнэглэл
3
ХарамсалтайХарамсалтай
2
ЗөвЗөв
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

45 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-20 139.5.218.166

МОНГОЛЧУУД АА 76.Г ДАХИАД Л СОНГОХ УУ
АРД ТҮМНИЙ АМЬДРАЛ ХҮНД Б.А.БАНКНЫ ӨНДӨР ЗЭЭЛЭНД ДАРЛУУЛЖ ДУУСЛАА.ОДОО АРД ТҮМНЭЭР ТОГЛОЖ Б.А ХЭРЭГЛЭЭНИЙ ЗЭЭЛИЙГ 90 ХОНОГООР ХОЙШЛУУЛЛАА ГЭЭД САНГИЙН САЙД НЬ МОНГОЛ БАНКНЫ ЁРӨНХИЙЛӨГЧ НЬ ХАДГАЛАМЖНААСАА ЗҮГЭЭР АВААД ӨГЧ БАЙГАА ЮМ ШИГ ЯРИАД БАЙСАН ЮУ БОЛОВ ОО ХАРИУЛААЧ.

Avatar

Зочин 2020-03-20 139.5.218.166

САНГИЙН САЙД ХҮРЭЛБААТАР МОНГОЛ БАНКНЫ ЁРӨНХИЙЛӨГЧ БАЯРСАЙХАН НАР НӨХЦӨЛ БАЙДАЛ ХҮНДЭРСЭН ЦАГ ҮЁД ХУДЛАА МЭДЭЭЛЭЛ ХИЙЛЭЭ ГЭЖ ҮҮ
ХАРИУЦЛАГА ТООЦОХ Х.ТЭЙ БУСАД УЛС ОРОН АРД ТҮМЭНДЭЭ СЭТГЭЛ ГАРГАЖ БАЙНА.БИД ТЭГЛЭЭЧ ГЭЭГҮЙ.ЗЭЭЛИЙГ 90 ХОНОГООР ХОЙШЛУУЛЛАА ГЭХЭЭР БАЯРЛАЖ СУУСАН МИНЬ БИЁ СЭТГЭЛИЙГ МИНЬ ӨВДҮҮЛЛЭЭ………..

Avatar

Зочин 2020-03-20 202.9.46.248

hadgalamjaa ene hugatsaand bas 00lehed humuus ugui gehgui shude. hadgalamjaa 00leed zeelee tur hoishluulahaas uur songolt bhgu bhdaa

Avatar

zochin 2020-03-20 119.40.98.177

Ugasa bank zeelin tololtiig hooshluulahgui bn oo Shal hudlaa Mongolbankru yarisan chin bas hamag ym shalgaagaad yagad tolj chadahgui be bid nar zobhon zeelin angililiig l uurchilsun ternees bish toloh estoi gej bna lee muu hudalchuud

Avatar

Иргэн 2020-03-20 202.126.89.219

Хадгаламжийн хүүгээ багасгаж мөнгийг эргэлтэнд оруулахгүй бол баялаг бүтээхгүй мөнгө хүүлэгч сэтгэхүйтэй нийгэм болгож байна. Долларын хадгалжийг хүүгүй болгож ханшаа унагаа. Зээлийн хүүгээ дэлхийн жишигт хүргэж ард түмнээ бодох удирдагч алга байна. Зээлийн таатай нөхцал бүрдүүлвэл амлаад байдаг бүх юм чинь аяндаа гольдролдоо орно

Avatar

Зочин 2020-03-20 66.181.161.53

Hoishluulsan 90 honogt zeeldee hargalzah huu tulnu gej ediin zasagch n tailbarlaad bn. Buruu biz dee?

Avatar

Зочин 2020-03-20 202.21.96.212

Монголбанкны албан ёсны мэдээ дээр 90 хоног төлбөр хойшлуулах нэг ч агуулга байгаагүй. Хүмүүст буруу хүлээлт үүсгэсэн Монголбанкны ерөнхийлөгч ямар хариуцлага хүлээх вэ?

Avatar

Ipotek 2020-03-20 49.0.218.51

энэ хугацаанд 8% зээлээ л тэглэчих тэгвэл жинхэнэ бодит хөнгөлөлт болно.Тэр хойшлуулна энэ тэр гэдгээс чинь капи улаан зоосны ч буян харагдахгүй байна Банкирууд аа!

Avatar

Зочин 2020-03-20 202.131.245.6

банк буяны байгууллага биш шүүдээ.

Avatar

Хүрлээ 2020-03-20 192.82.76.1

Өө хөгийн юмаа

Avatar

Зочин 2020-03-20 202.9.46.202

Уул нь онцгой байдалын үед засгын газарын шийдвэрийг биелүүлээгүй бол буудхаас өөр ялгүй байдагшдээ. Банк эздэд татгалзахийн аргагүй санал тавих ёстой ш дээ. төр л юм бол.

Avatar

Зочин 2020-03-20 43.242.242.42

Халдварт өвчин хүрчихгүй юмсан гэсэн айдас түгшүүртэй байгаа энэ үед өвчнийг намдах хүртэл зээлийн хүүг тэглэчихмээр л байгаа юм даа. Бас цаашид зээлийн хүүг бууруулмаар байна. Зээлийн хүүг гурван хувь болгох боломжтой шүү дээ. Монголын банкууд хэтэрхий дураараа байна.

Avatar

Зочин 2020-03-20 202.131.245.6

банк зээлийн хүүг тэглэнэ гэвэл хадгаламжийн хүүг тэглэх хэрэгтэй. өнөөдөр нэг ч хадгаламж эзэмшигч хүүг зогсооё гэхгүй л байна. тэгэхээр зээлийн тэглэнэ гэж байхгүй. банк буяны байгууллага биш. бусад ААН-тэй адил бизнесийн байгууллага.

Avatar

иргэн 2020-03-20 66.181.161.124

Биднийг бас хуурчихлаа зээлийн хүүг тэглэх ёстой ,хойшлуулаад орлого байхгүй юм чинь яаж төлөх юм? Сүх далайтал үхэр амар гэж!!!! Үнхээр доромжлох юмаа!

Avatar

Зочин 2020-03-20 124.158.109.232

зээлийн хүүг бууруулах хэрэгтэй баячууд нь нь хадгаламжнаас ашиг хүртдэг байх энгийн ард зээлээ төлж чадахгүй байхад юун хадгаламж байх вэ мөнгөтэй нь улам хөрөнгөжөөд ихэнх ард түмэн нь улам ядуураад л байна сонгуулийн жил болохоор даргачуул нь ард түмэндээ хайртай дуртай эх орондоо ард түмэндээ хайртай сайн хүний дүрд тоглоод үүнд битгий хууртаачээ өгч байгаа мөнгийг нь аваад өөрийнхөөрөө сонголтоо хийгээчээ манайхаан

Avatar

Зочин 2020-03-20 202.131.245.6

санхүүгээ зөв удирдаж зарцуулж чадахгүй, орлогоосоо давсан хэрэглээтэй байгаа нь л буруу байгаа юм даа. нэг зүйлийг сан бодох хэрэгтэй. банк хүчээр зээл олгодоггүй шүү.

Avatar

NARUTO 2020-03-20 202.131.245.6

ХЭРЭВ ЗЭЭЛИЙН ХҮҮГ 0 БОЛГОЖ БАЙГАА БОЛ ХАДГАЛАМЖИЙН ХҮҮГ ДАГААД 0 БОЛГОХ ЁСТОЙ МАНАЙХАН АВЧ БАЙГАА БОЛ ӨГӨХ ЁСТОЙГОО МАРТААД БАЙХ ШИГ ХАР МАСС НЬ АВААД Л ГЭДСЭЭ ИЛЭЭД ХЭВТЭЭД БАЙХ ХҮСЭЛТЭЙ ТЭГЭЭД ЭХ ОРОН ТОНОЖ БАЙНА ГЭЭД ЮУ Ч ХИЙХГҮЙ ОРИЛНО ТЭГЭХЭЭР НӨГӨӨ ДЭЭДЭХ ХЭД НЬ ЛУЙВАРЧИД НЬ ЖООХОН МӨНГӨӨР НАЙРКА ТАМХИ АВЧ ӨГЧ ХУУРНА ХӨГИЙН ХҮМҮҮС НӨГӨӨ ТАЛААР ХӨГИЙН ПОПОРДОГ УЛС ТӨРЧИД НЬ АРД ИРГЭДЭЭ ИЙМ БОЛГОХОД ИХ НӨЛӨӨЛСӨН АЖИЛ ХИЙДЭГ ДУНДАЖ УХАМСАРТАЙ ДАВХАРГА НЬ ХӨӨРХИЙ УЛАМ ЦӨӨРЧ ЦӨХӨРСӨӨР Л…

Avatar

Иргэн 2020-03-20 202.126.89.219

Хадгаламжийн хүүгээ багасгаж мөнгийг эргэлтэнд оруулахгүй бол баялаг бүтээхгүй мөнгө хүүлэгч сэтгэхүйтэй нийгэм болгож байна. Долларын хадгалжийг хүүгүй болгож ханшаа унагаа. Зээлийн хүүгээ дэлхийн жишигт хүргэж ард түмнээ бодох удирдагч алга байна. Зээлийн таатай нөхцал бүрдүүлвэл амлаад байдаг бүх юм чинь аяндаа гольдролдоо орно

Avatar

Зочин 2020-03-20 103.14.39.2

ЮМ АА ОЙЛГОХГҮЙ БУРУУ ГАРЧИГ ӨГӨХ ЮМ. ЗЭЭЛИЙН ХҮҮГ ТЭГЛЭЭГҮЙ ЗӨВХӨН ТӨЛӨХ ХУГАЦААГ 3 САРААР ХОЙШЛУУЛСАН ЮМ БИШ ҮҮ. ЭНЭ ХУГАЦААНД ХҮҮ БОДОГДДОГООРОО БОДОГДООД ЯВНА. ХҮҮГЭЭ ТӨЛ ГЭЖ НЭХДЭГ, ТӨЛӨӨГҮЙ ХУГАЦАА ХЭТЭРЛЭЭ МУУ ЗЭЭЛИЙН АНГИЛАЛД ОРЛОО, ЭСВЭЛ АЛДАНГИ БОДНО ГЭДЭГИЙГ БОЛИУЛЖ ТӨЛӨХ ХУГАЦААГ 3 САРААР ХОЙШЛУУЛЖ ӨГЧ БАЙГАА ЮМ БАЙНА ГЭЖ ОЙЛГОЛЛОО.

Avatar

Зочин 2020-03-20 202.21.96.212

3 САРААР ХОЙШЛУУЛААГҮЙ

Avatar

Тэди 2020-03-20 103.136.254.8

Яг тэгсэн. МБ-ны ерөнхийлөгч нь Сангийн сайдтайгаа гарч ирээд зээлийн хүүг 3 сар царцаасан энэ хугацаанд хүү тооцохгүй гэж яриад орой нь журамаа гаргахдаа өөрөөр биччиж байгаа байхгүй. Шилний цаанаас модон чихэр долоолгоно гэдэг л болсон.

Avatar

Зочин 2020-03-20 64.119.26.61

yu gej xyy tegleh ve dee ter bank bas huugeer amidarch bgaa shuu dee irged mini uhaantai bai. IRGEDED HELHED HET UNETEI ORON SUUTS AVCH OROND ORHOO BOLIOCHEEE GEJ ZAHII DAA BAIRNII UNE HET ONDOR BNA SHUU DEEE TER IH MONGOOROO HUVITSAA AV IREEDHID HORONGO ORUULALT SHUU DEEE YM UNSH SUDAL.

Avatar

Зочин 2020-03-20 43.242.243.120

Банк гэдэг чинь зээлийн хүүгээр амьдардаг юм биш үү??? Зээлийн хүүг тэглэснээр банкууд дампуурчих юм биш үү?? хэрэв банкууд дампуурвал Монголын эдийн засаг элгээрээ хэвтчих юм биш байгаа. Монгол банк үүнийг тооцсон байлгүй дээ.

Avatar

Зочин 2020-03-20 112.72.8.162

Банк ч гэсэн өөрөө ажиллах цагаа багасгаад илүү цөөн хүнд үйлчилж байгаа учир зардал нь ч багасах ёстой бишүү. Мөн дээр нь нэмж хэлэхэд бүгдээрээ л адилхан эрсдэл хүлээх хэрэгтэй. Үнэн хэрэгтээ орлогогүй болсон, зээлийн дарамтанд байгаа иргэд сэтгэл санаагаар унах нь тэдний дархлааг суларуулах өвчих ханиад хүрэх магадлалтай. Энэ нь өөрөө эргээд банкинд эрсдэлтэй чанаргүй зээлийг нэмэгдүүлнэ үү л гэхээс сайн үр дүнд хүргэхгүй шү дэ.

Avatar

Зочин 2020-03-20 103.229.123.24

Хятадад зээлийн хүү нь жилийн 1%,Солонгосод жилийн зээлийн хүү нь 2 % байж энэ улсууд азийн бар болтлоо хөгжсөн шүү дээ. -g Монголд оруулж ирнэ гэхэд банкууд яаж сандарч телевизүүдээр ярилцлага агч байлаа. Тэгвэл Хятадаа байг өөр орны хүү багатай банкийг судлаад оруулбал манай банкууд бас л хүүгээ бууруулна шүү дээ.

Avatar

Зочин 2020-03-20 202.179.31.69

Zeeliin huug tegleegui tulultiig ni l hoishluulj bgaa asuudal biz dee. buruu yarij zuv oilgodog gedeg shig yum bolj bna daa.

Avatar

Зочин 2020-03-20 150.129.142.34

Ахмадын тэтгэвэр тэглэсэн юм чинь зээлийн хүүг 3 сараар тэглэчихгүй яасан юм вэ?Ахмадууд 1000000-6000000сая төг зээл хаалгасан тэгэхэд зөвхөн хүүг тэглэхэд болох бус уу!

Avatar

Зочин 2020-03-20 202.131.245.6

ямар даварчихсан юм бэ. ээж аавынхаа тэтгэврийг тэглүүлнэ, одоо бас өөрийнхөө зээлийн хүүг төлүүлэх нь.

Avatar

Иргэн 2020-03-20 59.153.114.94

ЖДҮчидийн Засгийн газар 2020 оны төсөвт сонгуулийн зардлаа суулгаад ард түмэнээсээ тас харамлаж ядахдаа банкны зээлийн хүүг дараад өгчихгүй Хүрэлсүх новширч байгааг юу гэж ойлгох вэ????Сонгуулиар МАН-ыг гудамжинд гаргахаас өөр сонголт бидэнд алга Уур хүрч байна шүү

Avatar

Zochin 2020-03-20 202.9.46.64

Хүүг л тэглэх ёстой байсан шүү. Хугацааг хойшуулсан ч өр л бөөгнөрнө шүү дээ. Хүнээ бодохгүй юм. Банкууд бол үнэн хүүлэгч хийж байгаа шүү дээ.

Avatar

ЗОЧИН 2020-03-20 59.153.115.53

ЭНЭ 3 САРЫН ХУГАЦААНД ТӨЛӨХ ЗЭЭЛИЙГ Л ХОЙШЛУУЛЖ БУЙ ЮМ БНА, 3 САРЫН ДАРАА НӨГӨӨ ҮЛДСЭН БҮХ ЗЭЭЛЭЭ ТӨЛӨӨД ЯВНА ГЭСЭН ҮГ, ҮЙЛДВЭРЛЭЛ, ҮЙЛЧИЛГЭЭ НЬ ТАГ ЗОГССОН ТЭД ЮУГААРАА ТӨЛЖ ЭХЛЭХ ЮМ БОЛОО,ХАРИН ЭНЭ 3 САРЫН ЗЭЭЛИЙН ТӨЛӨЛТИЙГ ТЭГЛЭЖ,БУУРУУЛЖ, ХӨНГӨЛЖ,ЭСВЭЛ ТӨР МӨНГӨ ГАРГАЖ ӨГЧ ҮЙЛДВЭР, А/А-н НЭГЖҮҮД, ЖДҮ-ЛЭГЧДИЙГ ДЭМЖИХ ЁСТОЙ БАЙСАН, ЗЭЭЛ ХОЙШЛУУЛАХ НЬ ЯМАРЧ АЧ ХОЛБОГДОЛГҮЙ АРГА ХЭМЖЭЭ.

Avatar

Авсан бол төлж сур 2020-03-20 103.212.119.71

Энэ төрд чинь мөнгө алга татвар төлдөгүүд нь ажиллахгүй бна тэгээд ч нийт зээлийн 83% нь хэрэглээний зээл

Avatar

Зочин 2020-03-20 66.181.161.105

Хувиараа бизнес эрхэлдэг худалдаа наймаа хийдэг хүмүүсийн хувьд орлогогүй болсон. Харин төсвийн байгууллагын цалин хэвийн бууж байгаа болохоор зээлийн төлөлтийг заавал хойшлуулах шаардлага төдий л харагдахгүй байна. Харин ч зээлийн хугацаагаа хойш нь сунгаж байхаар төлөөд явж байсан нь дээр ч юм шиг.

Avatar

zochin 2020-03-20 66.181.176.150

3 sar gertee suuj suuchihaad genet ih mungutei bolood ter ih hurimtlagdsan zeelee tuluud ehleh yam uu iim teneg yamiig hen bodoj oldog bn aa

Avatar

zochin 2020-03-20 66.181.176.150

Zasgiin gazar tur zasag humuusiinhee amidraliig ogt haihrahgui bn covid 19 tei sain temtsej baigaach busad yamaa hayaj bolohgui ene tsar tahal ungursnii daraa ch humuus amidarsaar bh bolno getel bid yaduu deeree ulam yaduurch bolohgui uls ornuud ediin zasgaa avarahiin tuld mash erchimtei medegdehuits arga hemjeenuud avch bn bid iim zuil hiij chadahgui bn zeeliig hoishluulah bish yadaj huug ni tegleh heregtei shuu dee 3sar hoishluulaad humuust yamar amjilt avchrah yam

Avatar

Зочин 2020-03-20 182.160.36.132

Засгийн газрын гаргасан шийдвэр бол иргэдийг хуурч сонгуулийн оноо авах гэсэн л арга хэмжээ байсан. Иргэд бидэнд ямарч тус нэмэргүй

Avatar

Олл 2020-03-20 203.91.115.37

ЭНЭ БОЛ АРД ТҮМНЭЭ ГЭСЭН АРГА ХЭМЖЭЭ БИШ.ЗАСГИЙН ГАЗАР МУУ БНА. АРД ТҮМНЭЭ АЖ АХУЙН НЭГЖЭЭ ОДОО Л БОДОХ БАЙСАН ЮМ МӨНГӨ ХҮҮЛЭГЧ БАНКУУД ЗГ ЫГ ҮЛ ТООЖ ЗАСАГ ТЭДНЭЭС АЙЖ БНА. КАНАД УЛС 82 БНСУ З9 ТЭРБУМ ДОЛЛАРЫГ АРД ИРГЭДДЭЭ ҮЙЛЧИЛГЭЭ ҮЙЛ АЖИЛЛАГААГ ДААТЛАГЫГ ДЭМЖИЖ ТАРААЖ БНА. КАНАДЫН ЁРӨНХИЙ САЙДЫН МЭДЭГДЛЭЭС ЖИШЭЭ АВ.

Avatar

Zochin 2020-03-20 66.181.191.211

Shal hudlaa ym bolson bna lee. Hudaldaa hogjil zaavar ireegui gej bna lee. Tegeheer huu tootsoj avssaar bna.

Avatar

Зочин 2020-03-20 202.126.89.143

Зээлийн хүүг царцаа гээд л шаардаад бсн биздээ, царцаангуут нь бас юун тэглэх вэ?!

Avatar

zochin 2020-03-20 202.131.228.118

zeeliig bugdin 3 sar hoishluulsan gej oilgoj bailaa ugui yum baina daa

Avatar

НАМСРАЙ 2020-03-20 103.240.241.110

БИ ЗЭЭЛЭЭ ТӨЛСӨН ЦААШАА Ч САР САРДАА ТӨЛНӨ .БАНКНААС АСУУСН ЧАДАХГҮЙ НЬ ТӨЛӨЛТӨӨ ХОЙШУУЛЖ БОЛНОО Л ГЭЖ БНА 3САРЫН ДАРАА БӨӨН МӨНГӨ ТӨЛСНӨӨС БОЛОМЖООРОО ТӨЛСӨН НЬ ДЭЭР ХҮНИЙ ХАДГАЛАМЖ15% АВЧААД НАДА18% ӨГЧ ЦАЛИН ХАЛААЛТ ДУЛААНАА ӨГЧ БАЙГАА БАНК ХҮҮГҮЙ БОЛ ШУУД ДАМПУУРНА. ХАРИН ШИЭ ХАДГАЛАМАВАХДАА ШИНЭ ЗЭЭЛ ӨГӨХДӨӨ ХҮҮ БАГАСНАА ГЭЖ БНА ЛЭЭ ЗӨВӨӨ

Avatar

Зочин 2020-03-20 64.119.24.107

Shiidver nch heregjdeggui chaavaasdaa

Avatar

Зочин 2020-03-20 202.131.242.154

Энэдээс юуч ойлгосонгүй Банк, ББСБ дээр очиж орлогогүй болсон нотлохгүй хүүгээ аваад, алданга тооцоод л явах юм байна тийм үү

Avatar

Зочин 2020-03-20 150.129.141.38

Манайд одоо айхтар байдал үүссэгүй байна. ҮҮсвэл бас арга хэмжээ авах байх аа. Гадны мөнгөтэй улсуудын авч буй арга хэмжээг дууриаж хийрхэх хэрэггүй. Хөнжлийн хэрээр хөлөө жийцгээе.

Avatar

Хадгаламжийн хүүг тэглэх 2020-03-20 192.82.67.60

Зүгээр хадгаламжийн хүүг тэглэсэн болох байлаа. Хадгаламжинд мөнгөтэй хүмүүс ямар их шцналтайг хаоуулж байна

NewsMN Гар утасны хувилбар Татах
NEWS.mn

Мэдээллийн эх сурвалж