Нийтийн эзэмшлийн эд хөрөнгөд санаатайгаар халдахгүй байхыг анхаарууллаа | News.MN - Мэдээллийн эх сурвалж

Нийтийн эзэмшлийн эд хөрөнгөд санаатайгаар халдахгүй байхыг анхаарууллаа

Хуучирсан мэдээ: 2015.11.16-нд нийтлэгдсэн

Нийтийн эзэмшлийн эд хөрөнгөд санаатайгаар халдахгүй байхыг анхаарууллаа

Улаанбаатар хотын Захирагчийн ажлын албанаас гэрэлтүүлгийн ашиглалт, засвар үйлчилгээ хариуцсан компаниудын ажилтай танилцаж шалгалт хийлээ. Шалгалтын үеэр гэрэлтүүлгийн тоноглол, тэжээлийн кабель, удирдлагын щит, самбарт хийх засвар үйлчилгээ, гэрэлтүүлгийн урсгал засварын ажлыг  графикт хугацаанд хийж дуусгасан эсэхийг үзэж, засварын цех, техникийн хүчин чадал, хөдөлмөр аюулгүй байдал, эрүүл ахуйн дэглэмийг хэрхэн мөрдөж байгаатай газар дээр нь танилцав. 

Мөн нийтийн эзэмшлийн гудамж, зам талбайн гэрэлтүүлгийн асалтыг “Тулга“ системийн тусламжтай хянаж байгаа эсэхийг шалган иргэдийн санал хүсэлтийг тухай бүрт нь барагдуулахад анхаарч ажиллах хэрэгтэйг үүрэг болгосон юм.

Энэ үеэр гэрэлтүүлгийн компаниудын удирдлагууд нийтийн эзэмшлийн гудамж, зам талбайн гэрэлтүүлгийн тоног төхөөрөмжийг хулгайд алдах нь ихэссэн нь гэрэлтүүлгийн асалтанд сөргөөр нөлөөлж байгааг танилцуулсан.

Шалгалтын ажлын хэсгээс тухайн байршлуудад камер байрлуулан нийтийн ээмшлийн эд хөрөнгөд  санаатайгаар хохирол учруулж олон нийтийн эрх ашгийг зөрчсөн хүмүүст хуулийн дагуу хатуу хариуцлага тооцох хэрэгтэй гэж үзэн холбогдох газруудад нь уламжлахаар боллоо.

ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-16 124.158.109.215

niitiin ezemshiliin ed horongiig hrj handah hun heregtei baina ezguireed onoodor hiiseniig margash ebddeg zugeer baisan zuiliig oshigoldog ebddeg Mongol zaluuchuudiin mood boljee ..uhamsar gej algaa tiimd ch hatuu sahilga hatuu gar hergtei uhuulj yriaad nemergui shuudee Buduuleg Mongolchuudad...