ББСБ, ХЗХ-оос олгосон зээлийн ангиллын журамд түр хугацаанд өөрчлөлт орууллаа | News.MN

ББСБ, ХЗХ-оос олгосон зээлийн ангиллын журамд түр хугацаанд өөрчлөлт орууллаа

ББСБ, ХЗХ-оос олгосон зээлийн ангиллын журамд түр хугацаанд өөрчлөлт орууллаа

ББСБ, ХЗХ-оос олгосон зээлийн ангиллын журамд түр хугацаанд өөрчлөлт орууллаа

Санхүүгийн зохицуулах хорооноос шинэ төрлийн коронавирус (Covid-19)-ын улмаас дотоодын эдийн засаг, санхүүгийн салбарт эрсдэлтэй нөхцөл байдал үүсэж эхлээд байгаа энэ үед санхүүгийн салбарт учирч буй эрсдэлийг бууруулах, үйл ажиллагааны тогтвортой байдлыг хадгалах, зээлдэгчдийг зээлийн үндсэн төлбөр болон хүүгийн эргэн төлөх хуваарьт заасан хугацааг хойшлуулан зээлийн дарамтаас чөлөөлөх, зээлийн зөөлөн бодлого авч хэрэгжүүлж эхлээд байна.

Дээрх нөхцөл байдалтай уялдуулан 2020 оны 3 дугаар сарын 17-ны өдрийн Санхүүгийн тогтвортой байдлын зөвлөлийн хурлаар банк, банк бус санхүүгийн байгууллага, хадгаламж, зээлийн хоршооноос олгосон зээлийн ангиллын хугацаанд өөрчлөлт оруулах асуудлыг хэлэлцэн дэмжсэн болно.

Энэ хүрээнд санхүүгийн байгууллагуудын үйл ажиллагааны тогтвортой байдлыг хангах, үйл ажиллагааны эрсдэлийг бууруулах, харилцагч, зээлдэгчдийн эрх ашгийг хамгаалах зорилгоор Санхүүгийн зохицуулах хорооны дарга, Сангийн сайдын 2015 оны 5 дугаар сарын 13-ны өдрийн 144/125, 145/124 дүгээр хамтарсан тушаалаар тус тус баталсан “Банк бус санхүүгийн байгууллагын активыг ангилах, активын эрсдэлийн сан байгуулж, зарцуулах журам”, “Хадгаламж, зээлийн хоршооны активыг ангилах, активын эрсдэлийн сан байгуулж, зарцуулах журам”-тай холбоотой дараах шийдвэрүүдийг 2020 оны 01 дүгээр сарын 31-ний өдрөөс 2020 оны 7 дугаар сарын 31-ний өдрийг хүртэлх түр хугацаанд хэрэгжүүлж ажиллахаар гаргаад байна. Үүнд:

  1. Зээлийн гэрээний хугацааг 2 болон түүнээс дээш удаа сунгасан бол зээлдэгчийн зээлийн ангилал өөрчлөгдөж хугацаа хэтэрсэн болон чанаргүй зээлд шилжиж Монголбанкны зээлийн мэдээллийн санд бүртгэгдэж байсныг зохицуулалтын үйлчлэлийг дээрх хугацаанд зогсоох;
  2. Зээлийн үндсэн төлбөр болон хүүгийн эргэн төлөлт нь хугацаандаа хийгдэж байгаа бол хэвийн зээлд тооцохоор байсныг 120 хоногоор хугацаа хэтэрсэн бол хэвийн зээлд тооцохоор, хугацаа хэтэрсэн зээлийн ангилалд 1-90 хүртэл хоног байсныг 121-180 хоног, чанаргүй зээлийн ангилалд 181 хоногоос дээш хугацаанд хугацаа хэтэрсэн тохиолдолд бүртгэж байхаар тус тус зохицуулалт хийлээ.

Энэхүү шийдвэр нь зээлийн эргэн төлөлтөд хүндрэл учирч буй зээлдэгчид нь зээлийн үндсэн болон хүүгийн төлбөрөө түр хугацаагаар эргүүлэн төлөх боломжгүй тохиолдолд тухайн зээлдэгчийн зээлийн ангиллыг хэвээр үлдээж, Монголбанкны Зээлийн мэдээллийн санд ангилал бууруулж мэдээлэхгүй байх боломжийг бүрдүүлж байна.

Харин зээлдэгчийн зээл, хүүгийн төлбөрийг эргэн төлөх үүрэг хэвээр байх бөгөөд зээлдэгчийн үйл ажиллагаанд хүндрэл гарсан тохиолдолд зээлдүүлэгч банк бус санхүүгийн байгууллага, хадгаламж, зээлийн хоршоотойгоо холбогдон зээлийн төлбөрийг хойшлуулах, зээлийн гэрээнд өөрчлөлт оруулах хүсэлт гаргах боломжтой.

ЭХ СУРВАЛЖ: СЗХ

Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЧД иргэн 2020-03-19 202.179.26.82

Түрээсийн төлбөрийг яах вэ…Нэг талаас, түрээслэгчдийн ашиг оолого эрс буурсан, нөгөө талаас, цус сорогч түрээслүүлэгчид түрээсийн мөнгөө нэхээд л байгааа. Энэ асуудлыг бусад орнуудын жишгээр нэг мөр шийдэх хэрэгтнй байна. Жишээ нь, сарын 100 сая төгрөг хүртэлх орлоготой ААН-иуудын түрээсийг 1 сарын 1-нээс 6 сарын хугацаагаар тэглэх.

Avatar

Засаг 2020-03-19 202.9.46.198

Ард түмэнд бодитой дэмжлэг үзүүлсэнгүй. Хойшлуулах бол өртэй л үлдэнэ гэсэн үг. Ядаж нэг сарын төлбөрөөс чөлөөлсөн бол том дэмжлэг болох байлаа маш харамсалтай.

Avatar

м 2020-03-19 124.158.107.35

төрийнбанк, монгол банк, хөгжлийн банк их хурлын гишүүд ББСБ ажиллуулж мөнгө хүүлээд байгаа чинь жинхэнэ луйвар авилга албан тушаалын хэрэг мөн

NewsMN Гар утасны хувилбар Татах
NEWS.mn

Мэдээллийн эх сурвалж