Дэлхийн техник технологийн өнгийг тодорхойлогч АНУ-ын Apple компани өчигдөр/2020.03.18/ өөрсдийн өөрчлөн шинэчилсэн цоо шинэ Macbook Air зөөврийн компьютер болон Ipad Pro таблетаа олон нийтэд танилцууллаа.

Шинэ загварын Macbook Air нь өмнөх загваруудаасаа илүү дэвшилтэт гар, илүү хурдан үзүүлэлт мөн илүү их багтаамжтай болжээ. Аравдугаар үеийн Intel Ice Lake Core i3 процессор, Intel Iris график карт, 2TB хүртэл өсөх боломжтой 256 GB багтаамжтай хатуу диск, мөн Macbook Pro зөөврийн компьютертой адил "Magic keyboard" гартай байх ажээ. 2020 оны Macbook Air нь 999 ам.долларын үнэтэйгээр худалдаалагдах ажээ. Мөн та 512 GB багтаамжтай, Core i5 процессортой Macbook Air зөөврийн компьютерийг 1,299 ам.доллараар худалдан авах боломжтой.

Хэрвээ та урьдчилан захиалахыг хүсвэл энд дарна уу.

Харин цоо шинэ Ipad Pro таблетын A12Z Bionic чип нь Windows үйлдлийн системтэй ихэнх суурин болон зөөврийн компьютерээс илүү хурдан, хүчирхэг мөн илүү өргөн камер, студийн мэт чанартай микрофон, LiDAR сканнертай байх ажээ. Үүнээс Ipad Pro таблетанд тусгайлан зориулсан "Magic keyboard" гарыг бүтээжээ. Худалдаанд гарах үнийн хувьд 11 инч дэлгэцтэй нь 799 ам.доллар, 12.9 инч дэлгэцтэй нь 999 ам.доллартай байх аж.

Хэрвээ та урьдчилан захиалахыг хүсвэл энд дарна уу.

Apple компани энэ долоо хоногийн эхээр Beats брендийнхээ цоо шинэ Powerbeats чихэвчээ танилцуулаад байсан байна.