Зээлийн ангилал, эргэн төлөлтөд түр хугацаагаар өөрчлөлт орууллаа | News.MN

Зээлийн ангилал, эргэн төлөлтөд түр хугацаагаар өөрчлөлт орууллаа

Зээлийн ангилал, эргэн төлөлтөд түр хугацаагаар өөрчлөлт орууллаа

Зээлийн ангилал, эргэн төлөлтөд түр хугацаагаар өөрчлөлт орууллаа

Коронавирус (Covid-19)-ийн тархалттай холбоотойгоор Монгол Улсын эдийн засагт хүндрэл учирч, банкны салбарын зээлийн эргэн төлөлтөд доголдол үүсч байгаатай холбогдуулан Монголбанкнаас дараах журмуудын тодорхой зохицуулалтыг доорх нөхцөлтэйгээр түр хугацаагаар буюу 2020 оны нэгдүгээр сарын 31-ний өдрөөс 2020 оны долдугаар сарын 31-ний өдөр хүртэл мөрдүүлэхээр шийдвэрлэлээ. Үүнд:

1. “Активыг ангилах, активын эрсдэлийн сан байгуулж, зарцуулах журам”-д:

а. Ипотек, цалин, тэтгэвэр болон бусад хэрэглээний зээл хэлбэрээр иргэнд олгосон зээлд тогтоох хугацааны ангиллыг “Хэвийн” зээлийн хувьд 15 хүртэлх хоног байсныг 90 хүртэлх хоног болгож, “Анхаарал хандуулах” зээлийн хувьд 91-120 хүртэлх хоног, “Чанаргүй” зээлийн хувьд 121-ээс дээш хоног байхаар тус тус тогтоож мөрдөх;

б. Хэрэглээний болон бизнесийн зээлийн бүтцийг өөрчилж, холбогдох гэрээнд өөрчлөлт оруулсан тохиолдолд уг зээлийг журмын дагуу бүтэц өөрчлөгдсөн активт тооцохгүйгээр, эцсийн ангиллыг хэвээр тогтоох;

в. Хэрэглээний зээлд 2020 оны нэгдүгээр сарын 31-ний өдрийн байдлаар тогтоосон чанарын ангиллыг тушаал мөрдөгдөх хугацаанд хэвээр мөрдөх;

2.     “Банкны үйл ажиллагааны зохистой харьцааны шалгуур үзүүлэлтийг тогтоох, түүнд хяналт тавих журам”-д:

а. Өөрийн хөрөнгийг хамгаалах нөөц зөрчигдөхөд авч хэрэгжүүлэх арга хэмжээг түдгэлзүүлэх;

б. Төлбөр түргэн гүйцэтгэх чадварын зохистой харьцааг 20 хувиар тогтоох;

3.     Дээрх зохицуулалтын хугацаа дуусах үед дээрх журмуудыг ердийн зохицуулалтын дагуу мөрдөхөөр шийдвэрлэлээ.

Эдгээр зохицуулалт нь Covid-19 цар тахлаас урьдчилан сэргийлэх арга хэмжээнээс үүдэн зээлийн эргэн төлөлтөө хийхэд хүндрэл учирч буй зээлдэгчид нь зээлийн үндсэн болон хүүгийн төлбөрөө түр хугацаагаар эргүүлэн төлөх боломжгүй тохиолдолд тухайн зээлдэгчийн зээлийн ангиллыг хэвээр үлдээж, Зээлийн мэдээллийн санд ангилал бууруулж мэдээлэхгүй байх боломжийг бүрдүүлж байна. Энэхүү арга хэмжээг авснаар зээлийг эргэн төлөх үүрэг алга болохгүй бөгөөд зээлдэгчдээс үнэхээр хүндрэл гарсан бол зээлдүүлэгч банктайгаа холбогдон зээлийн үйлчилгээний төлбөрийг хойшлуулах, зээлийн гэрээнд өөрчлөлт оруулах хүсэлт гаргах боломжтой.

Иймд, цаашид хэт их зээлийн өрийн дарамтыг үүсгэхгүйн тулд зээлээ өөрийн боломжит хэмжээгээр эргэн төлж байх нь илүү үр дүнтэй болохыг зээлдэгчид ойлгож, санхүүгээ зохицуулах нь зүйтэй.

МОНГОЛБАНК

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-03-18 103.9.90.98

59.153.114.73 chi neleed duf nuhur uu

Avatar

nergui 2020-03-18 192.82.67.112

харин бичсэн зүйлийг ойлгосонгүй бичигч эргэж нэг харна байгаа

Avatar

Зочин 2020-03-18 66.181.190.147

Ер нь бол зөв шийдлийн эхийг л тавьлаа. Одоо сунгалтын хугацааны хүүг тэглэх биш, цаашид төлөх бүх хүүг тэглэх нь илүү зөв. Учир нь зөвхөн энэ 3н сарын турш л зогсонги байгаад, дараа нь бүх зүйл хэвийн болно гэсэн баталгаа байхгүй. Харин ч нууцлагдсан уршиг хожим ч үргэлжилнэ. Зөвхөн цагаан сараар л гэхэд маш их орлого ашиг бүрэн алдсанаас гадна, татан авсан, үйлдвэрлэсэн бараанууд л гэхэд /ядаж байхад ихэнх нь хүнсний бараа бүтээгдхүүн/ тэр чигтээ хугацаа хэтэрч цэвэр шаталт болсон…

Avatar

б 2020-03-18 59.153.114.73

Тэнэгтээд байгаарай. Наадхиа тэр Баттулга, ХҮрэлсүхдээ очиж хэл. Банк ямар буяны байгууллага уу. Чиний хүүг бас татвар төлөгчид төлөх үү?

Avatar

nergui 2020-03-18 192.82.67.112

хүний чөлөөтэй үзэл бодлоо илэрхийлэх эрхэнд ингэтлээ юунд халдав. Нервтэж маанагтаж байгаад covid19 тусчихав даа. Яагаад зээлийн хүү тэглэж болохгүй гэж эхлээд жаахан эдийн засгийн мэдлэгтэй болчих

NewsMN Гар утасны хувилбар Татах
NEWS.mn

Мэдээллийн эх сурвалж