Сүүлийн жилүүдэд Оросын иргэд дархлаагаа дэмжих зорилгоор биологийн нэмэлт бүтээгдэхүүн, тэр дундаа витамин D3 худалдан авах нь ихэссэн хэмээн эмийн зах зээлийн судалгаагаар дагнан ажилладаг DSM Group мэдээллээ.

Тус группын мэдээгээр ерөнхийдөө Орост сүүлийн таван жилд биологийн нэмэлт бүтээгдэхүүний борлуулалт нэмэгдсэн байна. 2015 оны статистикаар Оросын зах зээлд 170,5 сая рублийн биологийн нэмэлт бүтээгдэхүүн борлогдож байсан бол энэ тоо 2019 онд 848,6 сая рубль болон нэмэгдсэн байна.

Ялангуяа нартай өдөр цөөтэй бүс нутгийн иргэд биологийн нэмэлт бүтээгдэхүүн илүүтэй худалдан авч байгаа ажээ.

Эх сурвалж: РИА НОВОСТИ