Футзал: Монголын баг хожлоо

Хуучирсан мэдээ: 2015.11.14-нд нийтлэгдсэн

Футзал: Монголын баг хожлоо

-Монголын шигшээ баг өнөөдөр хэсгийн эхний тоглолтод ХонгКонгийн багийг 8:3-аар илүүрхэн хожлоо-

Ази тивийн футзалын аварга шалгаруулах тэмцээний зүүн бүсийн урьдчилсан шатны хэсгийн тоглолтууд өнөөдөр(XI.14) Буянт-Ухаа спортын ордонд эхэллээ. Энэ удаагийн тэмцээнд БНСУ, БНХАУ, Тайвань, ХонгКонг, Монгол Улсын шигшээ багууд оролцож байгаа билээ.

Өнөөдрийн хоёр дахь тоглолт 20.00 цагаас Монгол-ХонгКонгийн тоглолтоор эхэлсэн. Энэхүү тоглолтод манай баг өрсөлдөгчөө 8:3 онооны харьцаагаар хожиж, эхний хожлоо авлаа. Тоглолтын эхний хагас 4:1-ээр манай тамирчдын хожлоор өндөрлөсөн. Улмаар хоёр дахь үед давуу байдлаа хадгалж, 4:2-ээр илүүрхэн, нийлбэр дүнгээр 8:3-аар өрсөлдөгчөө буулган авлаа. Энэ тоглолтод Н.Цэдэнбал 4 гоол, Х.Цэнд-Аюуш, Ц.Түмэнжаргал, Э.Баасандорж нар тус бүр нэг гоолыг эсрэг багийн хаалганд хийлээ. Тоглолтын үргэлжилсэн хугацаа 40 минут.

Өнөөдрийн эхний тоглолт 17.00 цагаас Тайвань-БНСУ-ын багийн хооронд болсон юм. Энэ тоглолтод Тайваны баг өрсөлдөгчөө 6:4-өөр хожжээ.

Маргааш буюу тэмцээний хоёр дахь өдөр Монгол-БНСУ-ын багуудын тоглолт 20.00 цагаас болно. 

 

Тоглолтын хуваарь ба дүн:

XI.14 (Бямба)

  • 17.00 Тайвань-БНСУ 6:4
  • 20.00 Монгол-ХонгКонг 8:3 (Н.Цэдэнбал 4, Х.Цэнд-Аюуш, Ц.Түмэнжаргал, Э.Баасандорж )

XI.15 (Ням)

  • 17.00 ХонгКонг –БНХАУ
  • 20.00 Монгол-БНСУ

XI.16 (Даваа)

  • 17.00 БНХАУ – Тайвань
  • 20.00 ХонгКонг –БНСУ

XI.18 (Лхагва)

  • 17.00 Тайвань – ХонгКонг
  • 20.00 БНХАУ- Монгол

XI.19 (Пүрэв)

  • 17.00 БНСУ – БНХАУ
  • 20.00 Монгол-Тайвань тус тус тоглоно.

Тасалбарын нэг өдрийн үнэ 4000 төгрөг, олон өдрийн тоглолтыг үзэх тасалбар 10,000 төгрөг бөгөөд Монголын Хөлбөмбөгийн Холбоо болон Буянт- Ухаа спортын ордонд худалдаалж байна.

Монгол Улсын шигшээ багийн дасгалжуулагчаар “Улаанбаатар Унаганууд”-ын С.Эрдэнэ-Очир ажиллаж байгаа бол багийн бүрэлдэхүүнд хаалгачаар Ю.Сайнхүү, М.Чанцал, Б.Сэр-Од, хамгаалагчаар Б.Мөнгөнтулга, О.Очбаяр, Н.Цэдэнбал, хагас хамгаалагчаар П.Алтантулга, Э.Баасандорж, О.Баяржаргал, Э.Ганзориг, А.Мөрөн, Э.Пүрэвдорж, Х.Цэнд-Аюуш, А.Улсболд, довтлогчоор Ц.Түмэнжаргал, Ц.Төмөр-Очир нар багтжээ.

Ч.БОЛОР

 

 

С.Эрдэнэ-Очир дасгалжуулагчтай Монгол улсын шигшээ багийн танилцуулгыг дахин та бүхэнд хүргэж байна.

Posted by MONGOLIAN FOOTBALL FEDERATION on Saturday, November 14, 2015

 

NewsMN Гар утасны хувилбар Татах
NEWS.mn

Мэдээллийн эх сурвалж