Коронавирусийн халдвараас урьдчилан сэргийлэх, халдварын талаар шуурхай, бодитой мэдээллийг дотоод, гадаадад хүргэх зорилго бүхий стопкоронавирус.рф сайтыг ажиллуулж эхэлснийг ОХУ-ын Засгийн газрын Шадар сайд Дмитрий Чернышенко мэдээллээ.

Уг сайтад халдвар авсан баталгаатай тохиолдол, сэжигтэй тохиолдол, эдгэрсэн өвчтөний статистикийн ОХУ-ын болон дэлхийн хэмжээний бүртгэл байхаас гадна, вирусээс хэрхэн урьдчилан сэргийлэх талаар зөвлөмж, гарын авлага, коронавирусийн талаарх түгээмэл асуултуудын хариулт, яаралтай үед залгах шуурхай утас ажиллаж байна.

Гуравдугаар сарын 17-ны өдрийн сайтын мэдээллээр ОХУ-д батлагдсан тохиолдлын тоо 93 хүрсэн бөгөөд таван хүн эдгэрчээ. Нийтдээ 190939 сэжигтэй тохиолдлыг лабораторид шинжилсэн байна.

Эх сурвалж: РИА НОВОСТИ