Нүүрсний экспортын хэмжээ 22 хувиар буурчээ | News.MN - Мэдээллийн эх сурвалж

Нүүрсний экспортын хэмжээ 22 хувиар буурчээ

Хуучирсан мэдээ: 2015.11.14-нд нийтлэгдсэн

Нүүрсний экспортын хэмжээ 22 хувиар буурчээ

Ашигт малтмалын газар аравдугаар сарын нүүрсний олборлолт, борлуулалтын талаарх тойм мэдээгээ өнгөрсөн лхагва гаригт танилцуулсан билээ. Энэ оны эхний 10 сарын дүнгээр улсын хэмжээнд 19.6 сая тонн нүүрс олборлож, 17.3 сая тонныг борлуулсан байна. Үүнээс экспортын хэмжээ 22 хувиар буурч, 11.58 сая тонн боллоо. Нийт экспортын 10 хувийг эрчим хүчний, 12 хувийг баяжуулсан коксжих, үлдсэн хувийг түүхий болон сул коксжих нүүрс бүрдүүлсэн байна. Экспортлогч компаниудаас “Эрдэнэс Тавантолгой” компани 3.5 сая тонн нүүрсний борлуулалтаар тэргүүлсэн бол араас нь “МАК” компани 2.5 сая тонн нүүрс борлуулсан үзүүлэлттэй байна. Түүнчлэн шинэ экспортлогч “Өсөх зоос” компани хоёр сая тонн коксжих болон эрчим хүчний нүүрс экспортод гаргасан бол “Энержи ресурс” компани 1.1 сая тонн баяжуулсан коксжих нүүрс, харин үлдсэнийг нь “MoEnCo”компани гаргасан байна. Үүнээс гадна Авто Тээврийн үндэсний төвийн мэдээлснээр Гашуун сухайт боомтын нүүрсний тээвэр 47 хувиар буурчээ. БНХАУ-д “Таван Толгой”-ийн гол бүтээгдэхүүн болох коксжих болон баяжуулсан коксжих нүүрсний ханш өнгөрсөн оны мөн үеэс 20 хувиар унаад байна. Харин экспортын талаас илүү хувийг гаргаж байгаа "Шивээ хүрэн" боомтоор гардаг сул коксжих болон эрчим хүчний нүүрсний ханш бараг өөрчлөлтгүй гарчээ.

Д.УУДАМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-14 43.242.243.113

Тариа 30 хувиар бага хураасан, нуурс 22 хувиар бага гаргасан, ард олны амьдрал бас дордсон , Засгийн газрын нэр хюнд уунээс хэд дахин унасан