Тик Токчид коронавирусийн эсрэг суултуур долоож байна

Од болохын хүслэнд хэт автсан залуус цахим ертөнцөд дураараа аашилцгааж байна. Жишээ нь, Хятадад бүтээгдсэн Тик Ток сүлжээний хэрэглэгчид коронавирус давалгаа гэх нэрийн дор жорлонгийн суултуур долоож буй бичлэгээ хийх болжээ.

Тэдний нэг бол 21 настай Ава Луйз юм. Тэрбээр олны анхаарлыг өөр дээрээ татахын тулд анх онгоцны нойлд суултуур долоож буй бичлэгээ хийсэн байна. Тэр мөн “Коронавирус бол ядууст л халддаг зүйл” хэмээн хэлж байжээ.

‘#Coronavirus challenge’… it’s a thing
21yo Ava Louise is basking in viral attention after licking a toilet seat on a plane
She also said that ‘coronavirus is for poor people’ and she hopes it will take her out next, so that she never gets old and ‘ugly’ pic.twitter.com/9zil0uftYC
— RT (@RT_com) March 16, 2020

Түүний бичлэг гуравдугаар сарын 14-нд нийтлэгдсэнээсээ хойш 300 мянга орчим үзэгчтэй болсон байна. Бичлэгийн сэтгэгдэл хэсэгт олон хүн өөрсдийн байр сууриа илэрхийлсний дотор багагүй хүмүүс түүнийг ийнхүү бусдад буруу үлгэр дуурайл үзүүлж буйн төлөө баривчлах ёстой хэмээсэн байна.

Луйз одоогийн байдлаар хэвийн байгаа бөгөөд сүүлд тус бичлэгийг хийхийн тулд суултуурыг 40 минутын турш ариутгагч бодисоор зүлгэсэн хэмээжээ. Мөн тэрбээр хэрхэн гэдэг нь яг таг тодорхойгүй ч тэрхүү бичлэгээрээ 4000 ам.доллар олжээ.

Удалгүй өөр хэрэглэгчид ч түүний эхлүүлсэн давалгаанд нэгдэж, хаалганы бариул болон бусад зүйлсийг долоож буй бичлэгээ нийтэлцгээх болов.