CIES Football Observatory байгууллагын судалгаагаар дэлхийн хамгийн үнэтэй бүрэлдэхүүнтэй хөлбөмбөгийн багаар Английн Премьер лигийн Ливерпүүл баг шалгарчээ. Юрген Клоппын залуусын нийт үнэ 1.4 тэрбум евро бөгөөд тэдний араас Манчестер Сити удаалсан байна. Харин Испанийн хоёр том баг болох Барселона болон Реал Мадрид багууд тэдний араас жагссан бол өнгөрсөн жил солилцоо наймаа хийх эрхээ хасуулаад байсан Английн Челси баг тавдугаарт жагсчээ. Мөн зах зээлийн үнэ нь 227 сая фунт Килиан Мбаппе болон 150 сая еврогийн үнэтэй Неймар нарын Пари Сен-Жермен баг жагсаалтын долдугаар байранд шалгарчээ.