Covid-19-ийн халдвараас урьдчилсан сэргийлж гараа тогтмол угаадаг болсноор жил бүрийн өдийд их хэмжээгээр бүртгэгддэг халдварт өвчлөл 3-3.8 дахин буурчээ.

Гуравдугаар сар болон дөрөвдүгээр сард монголчуудын дархлаа хамгийн их суларч, халдварт өвчнөөр өвчлөх нь ихэсдэг байна. Тухайлбал, томуугийн дэгдэлт ихэсч, хатгаа нэмэгдэж, цахилгаан менингит, салхин цэцэг, гар хөл маны өвчин, цусан суулга зэрэг өвчлөл жил бүрийн гурав болон дөрөвдүгээр сард нэрвэгддэг байна.

Covid-19-ийн халдвар гарсан даруйд буюу гурван сарын туршид эмч мэргэжилтнүүд гараа савандаж угаах, амны хаалт зүүх, олон нийтийн газраар аль болох явахгүй байх зэрэг зөвлөмжийг өгч байгаа. Үүний үр дүнд жил бүрийн өдийд бүртгэгддэг халдварт өвчин 3-3.8 дахин буурсан гэж үзэж байгаа аж.

Үндэсний статистикийн хорооноос гаргасан мэдээллээр 2020 он гарсаар эхний хоёр сард амьсгалын замын халдвар 1516 болж 169-өөр, гэдэсний халдварт өвчлөл 185 болж өнгөрсөн оны мөн үеэс 116-гаар буурчээ.

Р.ДУЛАМ