АСЕМ-ийн ажлын хэсэг Хөдөлмөрийн яамтай хамтран ажиллана

Хуучирсан мэдээ: 2015.11.13-нд нийтлэгдсэн

АСЕМ-ийн ажлын хэсэг Хөдөлмөрийн яамтай хамтран ажиллана

АСЕМ-ийн Байр, зочид буудал хариуцсан хэсэг Монгол Улсын Хөдөлмөрийн яамтай хамтран ажиллах Санамж бичигт өнөөдөр гарын үсэг зурлаа. Санамж бичигт Монгол Улсын Ерөнхийлөгчийн Тамгын газрын дарга, АСЕМ-ийн Байр, зочид буудал хариуцсан хэсгийн ахлагч П.Цагаан, УИХ-ын гишүүн, Монгол Улсын Хөдөлмөрийн сайд Г.Баярсайхан нар гарын үсэг зурсан юм.

Гарын үсэг зурсны дараа АСЕМ-ийн Байр, зочид буудал хариуцсан хэсгийн ахлагч П.Цагаан хэлэхдээ “АСЕМ бол нэг талаасаа том хариуцлага, нөгөө талаасаа том нэр төрийн хэрэг юм. АСЕМ-ийн дээд түвшний уулзалтаас өмнө 2016 оны долдугаар сарын дунд үе хүртэл олон улсын 7-8 том арга хэмжээ болно. АСЕМ-ийн бэлтгэлийг хангахын зэрэгцээ Монголд аялал жуулчлал хөгжүүлэхэд зочид буудал чухал ач холбогдолтой.

Зочид буудлуудын мэргэжлийн ажилтнуудыг бэлтгэхийн тулд зочид буудлуудын мэргэжлийн холбоодтой хамтран ажиллаж, мэргэжлийн 2800 хүн, үүн дээр нэмж ажил мэргэжилгүй тодорхой тооны хүмүүсийг хамруулан үйлчилгээний соёлд сургах хөтөлбөр хэрэгжүүлэхээр хамтран ажиллах санал тавьсныг Хөдөлмөрийн сайд Г.Баярсайхан хүлээн авч өнөөдөр Санамж бичигт гарын үсэг зурсанд баяртай байна” гэлээ.

ЭХ СУРВАЛЖ: PRESIDENT.MN

 

NewsMN Гар утасны хувилбар Татах
NEWS.mn

Мэдээллийн эх сурвалж