Сирийн дайны 10 жил | News.MN

Сирийн дайны 10 жил

Тунис, Египет, Ливид дарангуйллыг унагаасан "Арабын хавар" хувьсгалын төгсгөлд Сирийн Ерөнхийлөгч Башар аль-Ассадыг унагаахын төлөө Засгийн газрын эсрэг тэмцэл эхэлсэн юм. Жагсагчид 2011 оны гуравдугаар сарын 15-нд гудамжинд гарч жагссанаар бүтэн 10 жил үргэлжлэх цус асгаруулсан дайныг өдөөх юм чинээ хэн ч санаагүй биз. Өнгөрсөн хугацаанд Сирийн дайнд 384 мянган хүн амь үрэгдсэний 116 мянга гаруй нь энгийн иргэн байсныг Хүний эрхийн байгууллагаас мэдээлжээ. Дайн эхлэхээс өмнө сиричүүд ирээдүйдээ итгэлтэйгээр амьдарч байлаа. Хөршүүдтэй нь харьцуулахад газрын тосны томоохон олборлогч биш ч 10 жилийн өмнө газрын тосны үнэ дунджаар 110 ам.доллар байсны ачаар Сирийн эдийн засаг эрчимтэй өсч, иргэдийн амьжиргааны түвшин ч дээшилж байв. Сирийг баян тансаг орон гэж хэлэхээргүй боловч дайнаас өмнө ард иргэд нь амь амьжиргаагаа түүртэлгүй залгуулаад байдаг байсан. Харин одоо хаа сайгүй бөмбөгдөлтөд өртөж нурсан барилга байшингууд, шаналал зовлонд цөхөрсөн ард иргэдийн дүр төрх нүдэнд тусна. Дайны улмаас Сирийн 21 сая хүний тал хувь буюу 11 сая гаруй нь орон гэргүй болж дүрвэжээ.

Дайн эхлэхээс өмнө Сирийн ДНБ 70 гаруй тэрбум ам.доллар байсан бол одоо 24.7 тэрбум болтлоо буурчээ. Дайны өмнө Сири улс өдөрт 400 мянган баррель газрын тос олборлон, 40 гаруй сая ам.долларын орлого олж байв. Энэ нь жилдээ 10 гаруй тэрбум ам.доллар гэсэн үг. Гэтэл одоо Сирийн эдийн засаг, дэд бүтэц бүхэлдээ сүйрчээ. НҮБ-аас мэдээлснээр Сирид 2011 оноос хойш 400 тэрбум ам.долларын өртөг бүхий барилга, байгууламж сүйдсэн байна. Эмнэлэг, эрүүл мэндийн байгууламжийг тал нь, таван сургууль тутмын хоёр нь ашиглах боломжгүй болж, сүйрснийг НҮБ-ын Хүүхдийн сан мэдэгджээ. Үйлдвэрийн барилга байгууламжуудын 90 хувь, орон сууцны барилгуудын тал хувь нь эвдрэн сүйрчээ. Сири орны баялаг түүх манай эриний өмнөх 4000 жилийн өмнөөс эхтэй. Нийслэл Дамаск хот гэхэд хүн төрөлхтний түүхэн дэх хамгийн эртний хотуудын нэг бөгөөд ЮНЕСКО-гийн дэлхийн өвд бүртгэгдсэн туурь, барилгууд олон байв. Гэсэн ч олонх нь дайны үеэр сүйдсэн.

Дайны хажуугаар “Исламын улс” зэвсэгт бүлэглэл Сири, Иракийн суларсан байдлыг нь далимдуулан 2014 онд газар нутгийн нэлээд хэсэгт хяналтаа тогтоон, иргэдийн эсрэг харгислал явуулсан. “Исламын улс” бүлэглэл гадаадын иргэдийг барьцаалан мөнгө нэхэж, хохирогчдыг олны өмнө цаазлах, охид бүсгүйчүүдийг хулгайлан боолчлох зэрэг хэрээс хэтэрсэн үйлдлийг өдөөж байв. Тус бүлэглэлийн эсрэг АНУ, ОХУ тэргүүтэй их гүрнүүд цохилт өгч тэмцсэнээр 2019 оны нэгдүгээр сард Исламын улс бүлэглэлийг ялсныг Дональд Трамп мэдэгдсэн юм. АНУ нь Сирийн Засгийн газрын эсрэг тэмцэгч босогчдын бүлгүүдийг дэмжин дайнд хөндлөнгөөс оролцож байгаад өнгөрсөн оны сүүлээр 2000 цэргээ эргүүлэн татах шийдвэр гаргасан. Гэсэн ч АНУ-ын 200 орчим тооны цэргүүд Сирийн зүүн хойд хэсгийн курдууд байрладаг бүсэд байршсан хэвээр байна. Израйль улсаас Хезболлах бүлэглэл болон Ираны цэргийн байршлуудад цохилт өгөх нэрийдлээр Сирид тогтмол агаарын цохилт өгдөг.

Өдгөө ОХУ, Иран, Ливаны Хезболлах бүлэглэлийн дэмжлэгтэй Башар аль-Ассадын Засгийн газар газар нутгийнхаа 70 хувьд хяналтаа эргэн тогтоогоод байна. Гэтэл хөрш Турк улсаас Сирийн зэвсэгт бүлэглэлүүдийг дэмжин, хил залгаа Идлиб мужид цэргээ оруулжээ. Оросын агаарын хүчнээр дэмжүүлсэн Сирийн Засгийн газар Идлиб дэх Туркийн армид цохилт өгсний улмаас тус улсын 34 цэргийн алба хаагч амь үрэгдсэн юм. Үүний улмаас хоёр орны хооронд зөрчил үүссэн билээ. Харин Сирид гал зогсоох хэлэлцээр энэ гуравдугаар сарын эхээр хэрэгжиж эхэлснээр Турк, ОХУ-ын цэргүүд хамтарсан эргүүлийг Идлиб мужид хийж эхэлсэн аж. Хоёр орны хамтарсан цэргийн эргүүл нь бэлгэдлийн чанартай гэж ажиглагчид үзэж байна. Тус мужид өнгөрсөн арванхоёрдугаар сараас хойш зэвсэгт мөргөлдөөн, халдлагын улмаас 500 орчим хүн амь үрэгдэж, сая шахам хүн орон гэрээ орхин дүрвэжээ.

Энэ мэдээнд өгөх таны сэтгэгдэл?
28
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

amar 2020-03-16 202.55.188.82

Манай дарваан тухайн үед Асадыг а******н дарангуйлагч. исламын хэт даврагчдыг эрх чөлөөнийхөө төлөө тэмцэгчид гэж америк ахынхаа үгийг дамжуулж байсан

Avatar

Зочин 2020-03-16 66.181.176.40

Яс юман дээрээ бол Ардчилал гэж ийм л юмыг хэлээд байгаа юм билээ!! Ардчилсан хувьсгал, Арабын хавар эхэллээ!! гэж хеерегдеж эхлvvлээд зэв сэг менгеер хангаад эхэлсэн нь ийм гамшиг авчирсан!! Манай Улайрсан Ардчилагчид ч ийм болгохоо тоохгvй болцон гэдгийг бид мэдэж байх хэрэгтэй болсон цаг!!

Avatar

Зочин 2020-03-16 203.91.115.52

даны хар сүүдэр холуур л баыгаасай

Дайны хар сүүдэр холуур л байгаасай даа

Avatar

Зочин 2020-03-16 146.115.163.21

Хаха АНУ ISIS тай байлдлаа юу.

Avatar

Зочин 2020-03-16 103.26.195.197

Нөгөө сайхан ардчилал нэрээр АНУ нь ISIS тэй хамтран Сирид геноцид явуулсан ш дээ. Ирак, Афганистан, Сири гээд л. Ардчилал нэрийн доор.

Avatar

зочин 2020-03-16 202.9.46.199

Турк, Европыг дүрвэгсэдээр дүүргэх гэсэн Путиний хорон ажиллагаа .

Avatar

Монголхүү 2020-03-16 150.129.141.247

Дотоодын зөрчил ихэсмэгц гадны нөлөө хүчээ авч, эх орноо биш, өөрсдийн амин хувиа бодогсод олшрохоор ийм л болдог юм байна. Бид ч алсын хараатай байхгүй бол гадны үймүүлэгч дайснуудын хоол болно. Монголчууд минь эв найртай байж, мөнгөний төлөө биш, эх орноо хөгжүүлэхийн төлөө амьдарч, авилгачид, луйварчидыг гишгэх газаргүй болгоцгооё!!!

Avatar

Зочин 2020-03-16 66.181.186.81

Хаана л ах дүүсийнхээ цусыг цурсгасан дайн болно ард нь өнөөх л орос америк хоёр.

Avatar

Зочин 2020-03-16 176.63.29.17

Энэ ёстой зовсон улс нэг байнаа хөөрхий. Улсаа ийм ч болгох гэж дээ. Нийтийн үйлийн үр гэж айхтар даа. Монголчууд бид хоорондоо эвтэй байж, амны алдас бага хийж, дарга нар нь холын ухаантай шунал багатай байвал энэ сайхан нутаг усандаа дураар тарвалзаж тусгаар тогтнолоо мөнхөд хамгаална даа

Avatar

Зочин 2020-03-16 202.126.88.48

Бадарчин явсан газар балантай гэдэг Америк бгаа газар сүйрэл үхэл баЙх юмдаа

Avatar

Сэхээр 2020-03-16 59.153.113.99

Стратегийн ач холбогдолтой байршил,улс орнуудын ашиг сонирхол,лалын шашны дайсагнасан хоёр урсгал,эрх ашгаа бодсон жижиг бүлэглэлүүдийн тэмцэл энэ тусгаар тогтносон улсаар тоглож сүйрүүллээ!!! Энэ бол бидэнд өгч байгаа том сургамж!! Одооноос энэ элдэв хэрэгтэй хэрэггүй шашныг хориглохоос эхэлж бид ажлаа хийх нь амин чухал асуудал болсныг төрд ажиллаж буй нохдууд иэддэг болов уу!! Аюул дэргэд иржээ!!'

Avatar

Мэдэхгүй зүйлдээ санаагаа битгий чилээ 2020-03-16 202.21.108.204

Геополитик гэж ийм зүйл байдаг юм. Үгийнхээ утгыг мэдэхгүй, юу болохыг ойлгохгүй бол энд сэтгэгдэл бичиж, бүр харамсах шаардлага ч байхгүй. Хэрэв хэн нэгэнд бурууг өгөх бол дэлхий дээр ганцхан хэт их гүрэн байгаа нь АНУ. Түүний дараа Их Британи, Франц, Орос, Хятад, Герман зэрэг хэдхээн улс орон геополитик явуулах боломжтой байдаг. Хэн нэгэн бурууг үүрэх бол тэд л байх ёстой. НҮБ ОУХ-ы субъект хүртэл эдгээр улсуудын геополитикийг зохицуулж чадахгүй. Жишээ нь бидний харж байгаа Сири байна.

Avatar

Зочин 2020-03-16 202.126.89.209

Хүн хэлээрээ мал хөлөөрөө гэж.Ассад энэ хүртэл буулт хийх, найрамдах, гал зогсоох хэлэлцээр,уян хатан бодлого маш муу явуулсан.Шашин нь ч хэт туйлширсан хүний төлөө биш тэнэгүүдийн шашин.Алалцаад том гүрнүүдийн тоглоом ,зэвсэгээ турших талбар болсон.Энэ бүс нутаг сул дорой хямралтай нефть хямд байх нь том гүрнүүдэд ашигтай.

Avatar

Лхагва 2020-03-16 202.9.46.234

Америкуудын өдөөсөн энэ олон дайнууд дэлхий ертөнцийг танирдахын аргагүй болгож байна.

Avatar

РАВДАН 2020-03-16 66.181.161.75

АРАБЫН АРСЛАН АССАДЫН АЛДАР БАДРАГ.

Avatar

Зочин 2020-03-16 202.9.40.82

хохь нь онгот хувьсгал хийснээс болж

Avatar

Зочин 2020-03-16 192.82.77.102

Хүний тэнэглэлд хязгаар үгүй. Байгаль дэлхий хатуу ширүүнийг хүмүүс одоо нэг ухаарч байна. Дайн дажингаас илүү вирус маш олон хүний амь насыг эрсдэлд оруулж байна. Сирийн ард түмэн дайнаа зогсоож вирусын аюултай нэгдэж тэмцэхийг хүсэж байна.

Avatar

Зочин 2020-03-16 192.82.77.175

Дайнаас зайлсхийж, ард түмнээ золиос болголгүй огцрох ёстой байсан юм Башар Асад

Avatar

Зочин 2020-03-16 59.153.114.79

ТЭНЭГ МИНЬ ЭНЭ ЧИНЬ ШАШИН ХООРОНДЫН ДӨЙН ЯВААД БАЙНА ЮУН ОГЦРОХ ЮУН БУУЖ ӨГӨХ

Avatar

mongolhvv 2020-03-16 103.57.93.193

bitgii tenegt malaa asad buuj ogson bol musilmanii ulsiinhan asadiin toron garsan shiit shashint 4 say alivattuud , 2.3 say zagailman shashint arabuud 3 say kurduud armenuudiig aimaglan ustgah baisan daa.odoo hen asadiin toloo ami nasaa vl haiharan teoristuudtai tulaldaj bna edgeer ard tvmenii tsereg ch dee..ted l asadiig hamgaalsaar oorsdoo enh taiban az jargaltai amidaran gej ami nasaa vl hairlan tulaldaj bna..

NewsMN Гар утасны хувилбар Татах
NEWS.mn

Мэдээллийн эх сурвалж