COVID-19-ийг давах эдийн засгийн төлөвлөгөө байна уу? | News.MN

COVID-19-ийг давах эдийн засгийн төлөвлөгөө байна уу?

COVID-19-ийг давах эдийн засгийн төлөвлөгөө байна уу?

COVID-19-ийг давах эдийн засгийн төлөвлөгөө байна уу?

Дэлхий нийт нэг зорилготой болжээ. Коронавирусээр үүсгэгдэж байгаа COVID-19 гэж нэрлэсэн өвчний өмнө хүчин мөхөстөж байна. Шинжлэх ухаан, техник технологийн үсрэнгүй хөгжилд ирсэн XXI зуунд хийж чадахгүй зүйлгүй, давахгүй гэсэн даваагүй мэт санагдаж байсан хүмүүн ийнхүү нүдэнд үл үзэгдэх бичил биетэнд дарлуулж байгаа нь хоржоонтой. Аюул тулгарсаныг ойлгосон энэ үед хүмүүсийн амиа аврах, ичээндээ нуугдах, илүү хүчтэнээсээ аврал эрэх байгалийн зөн нь илүүтэй ажиглагдаж байх шиг. Гурван сая гаруйхан монголчууд хэдэн мянгаараа хилийн дээс алхан, гадаад улс оронд ажиллаж, амьдарч, суралцаж байсныг бид энэ үеэр мэдлээ. Эргээд ирэх эх оронтой байна гэдэг хэчнээн сайхныг хилийн гадна байгаа монголчууд маань ч мэдэрлээ.

Тусгаар улс гэж хүлээн зөвшөөрөгдсөн дэлхийн 200 орчим улсын гуравны хоёрт нь аль хэдийнэ коронавирусийн халдвар бүртгэгдлээ. Тиймээс ч ДЭМБ цар тахал гэдгийг хүлээн зөвшөөрлөө. Анх голомтлон тархсан БНХАУ-ын хөл хорио тавигдсан хотууд хоёр сарын дараагаас одоо л нэг хэвийн амьдралдаа орж эхэлж байгаа нь итгэл найдвар төрүүлж байна. Мөн Өмнөд Солонгос улсад шинэ халдварын статистик буурч эхэллээ. Ямар ч гэсэн өнгөрсөн зуунуудад тохиолдож байсан шиг халдварт өвчнөөр хэдэн саяараа хиарахгүй гэдгийг бид мэдэж байна.

Халдварын голомт Азиас Европ болон Америк зэрэг бусад тив рүү шилжлээ. Гэвч энэ нь Ази тив аюулаа давсан гэсэн үг бас биш. Зургаа, долдугаар сараас халдварын тархалт дэлхий нийтээр намжих магадлалтайг зарим эрдэмтэд хэлж байгаа ч урьдчилан сэргийлэх арга хэмжээнүүдээ улс болгон зөөлрүүлэхээс биш бүрмөсөн цуцалж болохгүйг сануулж байна.

Халдвар бүртгэгдсэн улс орон бүр тархалтаас хамааран хариу арга хэмжээ авч байна. Боловсролын байгууллагуудын үйл ажиллагааг зогсоож, халдвар өндөр тархсан улс орнуудтай агаараар, газраар зорчих хөдөлгөөнийг хааж, иргэдээ гадуур гарахгүй байхыг сануулж, гарын ариун цэврээ дээд зэргээр сахихыг уриалж байна.

Нэг зүйл ойлгомжтой байгаа нь халдвараас сэргийлэн авч байгаа арга хэмжээ болгон сөрөг үр дагавартай, ялангуяа эдийн засгийн хохиролтой. Эдийн засгийн нийт хохирлыг тооцож гаргах хараахан болоогүй ч сүүлийн 20-30 жилд тохиолдсон санхүүгийн хямралын үеийн хохирлоос давж гарах нь ойлгомжтой болжээ. Зайлшгүй хөл хорионы дэглэмийн зохицуулалтаас үүдсэн эдийн засгийн хохирлоо нөхөхийн тулд улс орнууд өмнө байснаас илүүтэй харилцан ойлголцож, хамтран ажиллах шинэ дэгийг шаардах бололтой. Дэлхийн II дайны дараа үүссэн шиг тийм харилцан ойлголцол хэрэгтэй болж байна. Ялангуяа эдийн засаг, санхүүгийн олон улсын байгууллагуудын зүгээс шинэ стратеги боловсруулахыг COVID-19-ийн үүсгэсэн нөхцөл байдал шаардаж байна. Өөрөөр хэлбэл, энэ нөхцөл байдлыг боломж болгон ашиглах хамтын ажиллагааг шаардаж байна.

Монгол Улсын хувьд ч ялгаагүй. Вирусээс үүдсэн нөхцөл байдал үүнээс дордох эсвэл дээрдэхийг одоогоор хэлж мэдэхгүй ч эдийн засгийн дахин төлөвлөлт, хөрөнгийн дахин хуваарилалтыг шаардаж байна. Хамгийн их хохирол амсч үлдэх нь хот, орон нутгийн төсвийг бүрдүүлэгч жижиг, дунд аж ахуй эрхлэгчид байх нь тодорхой. Өнөөг хүртэл Засгийн газар, Улсын онцгой комиссоос авч хэрэгжүүлж байгаа арга хэмжээ нь халдвар тархахаас сэргийлэх зорилгод зангидагдаж байгаа нь зөв ч иргэдийн орлогыг хамгаалах, бизнесийн тогтвортой байдлыг хангах нь ч зөв. Улс орнуудыг харахад эрүүл мэндийн чиглэлийн арга хэмжээг эдийн засгийнхтай хамт зэрэгцүүлж авч байна. Ингэхээс ч аргагүй. Нэгэнт элгээрээ хэвтсэн жижиг бизнес эргэн сэргэхэд маш хэцүү байдгийг дээд түвшиндээ мэдэхгүй байхыг үгүйсгэхгүй. Аж ахуйн нэгжүүд ажилчдын цалин, түрээсийн төлбөр, НДШ гэсэн гурван гол дарамтыг тэсч гарахаас цаашид оршин тогтнох эсэх нь хамаарах нь. Чухам энэ гурван дарамтыг хөнгөлөхөд төрийн лэмжлэг хэрэгтэй байна. НДШ-ийг харж үзэхээ Засгийн газар амалсан ч шийдвэрийг УИХ гаргана гээд ацаглаад орхисон байгаа.

Эдийн засгаа хамгаалах цогц арга хэмжээг авахгүй байгаа нь яаж ингэсгээд сонгууль хүргээд хоосон авдар дараагийн Засгийн газартаа шилжүүлдэг хорт зуршил давтагдах нь гэсэн болгоомжлолыг төрүүлж байна. Төсвийг тодотгохгүй гэдэг үгийг Сангийн сайд Ч.Хүрэлбаатар хангалттай давтаж байгаа ч олон давтлаа гээд үндэслэлийг нь нотолж чадахгүй. Монголбанкны Мөнгөний бодлогын зөвлөлийн бодлогын хүүг нэг хувиар буулгаж 10 хувь болгох, банкуудын заавал байлгах нөөцийн хэмжээг хоёр хувиар буулгасан нь сайн дохио мөн боловч эдгээр арга хэмжээний үр дүн хоёр гурван сарын дараагаас буюу сонгуулиас хойш үр дүнгээ өгнө. Эдийн засагчид, хөндлөнгийн шинжээчид эдийн засгаа аврах арга хэмжээ аваач, бизнесээ хамгаалаач гэж хангалттай хэлж байгаа ч тэдний үгс хадны цуурай мэт замхарч байна. Халдвартай, сэжигтэй тохиолдлын тоог хэн түрүүлж зарлахаас илүүтэй эдгээр тооны эдийн засагт үзүүлэх нөлөөг бууруулах стратеги байгаа эсэхийг л Засгийн газраас сонсмоор байна.

Энэ мэдээнд өгөх таны сэтгэгдэл?
6
ЗөвЗөв
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХахаХаха
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Erguu bolovsrolgui Huuk 2020-03-16 192.82.70.81

Bhgui ee hooson tolgoi Huuk-d Yu bdiin be !!!!

Avatar

Гэр бүлд тусламж хэрэгтэй 2020-03-16 103.26.195.102

Манайд лав 2 сар гаруйн өмнөөс ААН үүд цалингүй чөлөөгөөр ажилчдаа гэрт нь суулгасан. Эд. засгийн хор хохирол гэж их ярьж байна. Гэтэл ААН үүдээс илүү иргэд ямар ч орлогогүй олон сараар байх нөхцөл үүсчихлээ одоо захаасаа хүнд байдалд орж байнадаа. Жижиг газрууд эхлээд хаалгаа барьж тэнд ажиллагсад бараг бүгд цалингүй чөлөөнд гарсан. хөл хорио үргэлжлэхэд гэр бүлүүдийн амьжиргаа хүндэрнэ. Одоо ч байдал сайнгүй. ААНүүдэд татвар зээлийн хөнгөлөлт үзүүллээ гэхд гэрбүлүүдэд шууд дэмжлэг шаардлагатай

Avatar

Зочин 2020-03-16 202.9.46.109

TOSKiin bairand amidarch bgaa irgediinhee 1-2 sariin tulburiig hunguluh setgel bna uu.buh naimaa gulgee haagdaad hund bna shuu Huuk saidaa.

Avatar

Zochin 2020-03-16 192.82.70.81

Tosk-iin Hicheengui gej avilgachin 4 jil Yu ch hiisengui. Ene uls eh oron Jasrai, Jantsan hoyort urtei yumuu ? Ene Hicheengui gej avilgachin hooson tolgoitoi nuhuriig zailuulaachee Hurelsuhee !!! 4 jil 1 toosgo tavisangui ene mal chin !!!! Tolgoig ni ileed l bh yum. Hen ch Yu ch helj chadahgui. Ene MAN neeree butehgui ee !!!!

Avatar

Иргэн 2020-03-16 202.21.118.138

Дэлхийн нийтээр эдийн засгийн хямралд ороод ийм бгаа үед манай улс хамгийн гол нь эрүүл саруул ард иргэдтэйгээ үлдэж чадаж бвал тэр эдийн засгийн өсөлт, ашиг энэ тэр гээд яамай бна. Хэмнээд гамнаад амьдарчихвал Монголчууд бид өлсөж үхнэ гэж байхгүй ээ. Мал бна, газар нутаг бна, уул ус агаар нь бна. Харин тэр их шунал,эрх мэдэл, газар шороогоо хайр гамгүй ухаж хэрэглэх дэмий гэдгийг л хүмүүс маань улам бүр ойлгож бгаа байх. Дэлхийгээр тарж одсон Монголчууд эх орондоо буцаж ирнэ, тэгээд болно до.

Avatar

Зочин 2020-03-16 39.115.114.99

Солонгсоын дэлгүүрүүд нь цэвэрхэн харагддаг ч ариутгал хийдэггүй нойтон даавуугаар арчдаг хүнсний үйлдвэрүүд нь майхан сав контейнерт голдуу байдаг заваан юм байналээ

Avatar

Зочин 2020-03-16 39.115.114.99

Солнгос гамшгийн бүсийн иргэддээ сарын 1сая воны тусламж өгнө гэж хэлэлцээл таг.хилээ хаагаагүй гэж гомдоолож байгаа хүн их. Гэтэл солонгос хүн оруулахгүй улсын тоо 130 болчихсон байхад солонгос халуун үзээл нэвтрүүлээд байгаа. Яахаараа ийм тэнэг байдаг байнаа. Хэдэн сар хилээ хаалаа гээд ву болов гэж. Энэ вирус төмөр дээр унаад 5 хоног амьд байдаг гэж мэдээлж байна. Тэгвэл солонгос бараанаас татгалзаж жхэлж байнө. хятад солонгос бараа хэсэгтээ битгий оруул.

Avatar

Зочин 2020-03-16 202.9.40.82

салаан даргын толгой хурэхгуй таг суусан болгоо хаана хорино зураана нураана гэдгээс оор ямар ч бодлого алга болгоо

Avatar

иргэн 2020-03-16 66.181.190.123

Яаж хэдэн суудал авах вэ гэж бодохоос ард түмэн яаж амьдарч байгаа нь эдэнд ямарч хамаагүй. Ядуу байх тусам эдэнд ашигтай бусуу

Avatar

Зочин 2020-03-16 64.119.26.103

Би Америкад амьдарч байхад Барак Обама энэ тэр өдөр бүр л шийдвэрээ танилцуулаад явдаг байсан. Одоо ч Трамп тэгж л байгаа. Олон нийтийг чиглүүлэх, зах зээлд зөв мессеж хүргэж ажилладаг байсан. Манай төрийн удирдлагууд, тэр дундаа Ерөнхий сайд У.Хүрэлсүх ердөөсөө ямар нэгэн арга хэмжээ авах талаар ярихгүй юм. Хаа нэгтээ нэг уурлаж, тэрийг шийтгэ, хулгайчууд гэж зурагтаар яриад л сураггүй болох юм. Мэдээллээ хийлдээ. Тэгээд тэр арга хэмжээнүүд нь иргэд бид туслъя!

Avatar

Яана вэ 2020-03-16 64.119.20.155

Вирусын дуулианаар өр зээл тавин байж Солонгос явсан нөхдүүд ирлээ.

Avatar

Иргэн 2020-03-16 202.21.124.132

Аминаас үнэтэй мөнгө гэж байхгүй! Яг л нэг өрх айл шиг мөнгө санхүүгээ бас бодож тооцоолж л байгаа! Одоо улстөржих цаг биш! Сонгуулиа 9 сар хүртэл хойшлуулах нь зөв! Бага дунд ангийн хүүхдүүдийн хичээлийг дахин сунгаад байдлыг харах хэрэгтэй!

Avatar

Зочин 2020-03-16 202.9.46.23

Унэхээр бодлого стратегаа гаргаад УИХ -д танилцуулаад тосвоо ил тод нээлттэй оорчлолт оруулж хоронгийн дахин хуваарилалт зохицуулалтаа хийгээд хуульчилмаар байнаа. Сангийн сайдын салбарын тосов еронхийлогч захирагч нарт эрх нь бацгаа зохицуклалт хийгдэж байгаа гэдэг бол унэхээр хариуцлагагуй мэдэгдэл шуу дээ. Тосов хоронгийг далдаар ингэж ходолгоод ямар ч ур дунд зурэхгуй.

Avatar

Зочин 2020-03-16 103.212.116.138

bux talaar xulgai ni zad tavisan MAN-iin ene zasagt yamar ch tolovlogoo, bodson zuil alga. ene neg zagnasan amitnii zasag ch gejdee ugaasaa bolvsrolgui teneguud baigaa uom chini uo ch bodox vedee. Iim ayul tulgaraad baixad sangin said gedeg mulguu xulgaich ni tosov todotgoxgui zaaval soyoliin ordon barina zasag zaxirgaanii olon barilga baria geed songuuliin mongoo gargaj dex gej uairaad suuj baina teeg

Avatar

Зочин 2020-03-16 202.126.89.244

ЖДҮчид, авилгачид, хүчиндэгч, концессчидоос бүрдсэн Хүрэлсүхийн Засгийг сольж байж нийгэм эдийн засаг гольдролдоо орох байхдаа!!!

Avatar

Зочин 2020-03-16 192.82.75.153

Эрүүл бвал болно доо болно,эрүүл бвал эдийн засаг амархан сэргэнээ,төр засаг бодож л бгаа,хийж л бгаа.

Avatar

Иргэн 2020-03-16 66.181.176.128

Новшийн боловсролгүй бодлогогүй Ерөнхий сөйдтай .юм чинь ард олон зовлонгоо өөрсдөө үүрэх л байх Энэ МАН с сэлаач ард олоон

Avatar

Зочин 2020-03-16 202.131.244.210

Эдийн засгаа боддоггүй Засгийн газар.

Avatar

Зочин 2020-03-16 202.179.26.203

Дэлхийн улс орнууд 2021 оны хавар хүртэл корона вирусын тархалт үргэлжилнэ гэж үзэж байна. Энэ хугацаанд хүн амын 50-60 % тархах, 1-2 хувь нас барах тухай ярьж эхэллээ. Бид үүнд бэлэн үү. Хэрхэн бэлтгэх вэ? Эдийн засгаа яаж хамгаалах, дэмжих бодлогоо боловсруулж зарлах хэрэгтэй болж байх шиг

Avatar

Зочин 2020-03-16 192.82.77.102

Халдварт өвчний аюулыг хамгийн бага хохиролтой давах арга бол хүний амьдралын хэмнэлийг өөрчлөх замаар хэвшилийг өөрчлөх явдал юм.

Avatar

nergui 2020-03-16 139.5.218.185

ene hun yu heleh baigaa setguulch uls turch bish shuu

Avatar

Зочин 2020-03-16 66.181.181.25

ЖДҮчидийн Засгийн газар ард иргад аж ахуйн нэгжээ хаана, зогсооно, торгоно, хорино гэхээс өөр хийж байгаа юм алгадаа!!!!

Avatar

ЧД иргэн 2020-03-16 202.179.25.236

Засгийн газраас ЖДҮ-ийг дэмжих, татвар, түрээс, зээлийг хөнгөвчлөх цуцлах, нөгөө яриад байдаг "бодлогоор" дэмжих ямар бодлого төлөвлөгөө байна вэ. Бусад оронд энэ талаар сүрхий ажиллаад эхэлсэн байна. Харин манай засгийн газар яагаад таг байна. Сангийн яам, татварын газар гэж байна уу үгүй ….Хамаг юмаа эрүүл мэндийн яманд хариуцуулж хаячихаад ингээж суугаад байж болохгуй, засгийн газрын гишүүд ээ …УИХ-ын эрхэм гишүүд ээ. …Ээлжит бус чуулаганаа яаралтай хуралдуулж хууль журмаа гаргач ээ

Avatar

Зочин 2020-03-16 192.82.77.102

Америкийн нэгдсэн улс мөнгөний бодлогын хүүгээ 0 болголоо. Монгол банк мөнгөний бодлогын хүүгээ ахин харах цаг боллоо.

Avatar

Зочин 2020-03-16 202.179.24.193

Зочин

Avatar

Greatest bazooka fired ever from Mongolbank 2020-03-16 202.179.26.230

Mongolbank bodlogiin huug 11-s 10 huvi bolgoj buuruulsan aguu ih amjilttai ajillaj baigaa shuu huuheed. Mongolbanknii 1000 ajiltan bodoj bodoj tiim shidver gargasan haha

NewsMN Гар утасны хувилбар Татах
NEWS.mn

Мэдээллийн эх сурвалж