Италийн Ром хотод нэгэн эр эрүүл мэндийн байгууллагуудын зөвлөснөөр хүмүүсээс дор хаяж нэг метр зай барин, өвчнөөс сэргийлэхийн тулд бүсэлхийндээ том “диск” өмсчээ.

Даньел Бонди гэгч эрхэм зах дээр явж байгаад тэрхүү “тусгай өмсгөл”-тэй эртэй тааралджээ. Тэрбээр Бондид энэхүү өмсгөлөө бусад хүмүүсээс зай барин, Covid-19 вирусийн халдвар авахаас сэргийлэхийн тулд бүтээснээ хэлсэн байна.

Италид өдгөө шинэ коронавирусээр 15113 хүн халдварлаж, 1016 хүн нас барж, улс даяар хөл хорио тогтоогоод байгаа билээ.

Эх сурвалж: STORYFUL.COM