Өнөөдөр Сүхбаатар дүүргийн Газар хөдлөлтийн гамшгаас урьдчилан сэргийлэх байнгын ажиллагаатай салбар зөвлөлийн хурал боллоо.

Энэ удаагийн хурлаар энэ онд хэрэгжүүлэх ажлын төлөвлөгөө болон цаашид авч хэрэгжүүлэх арга хэмжээний талаар хэлэлцээд гамшгаас хамгаалах, урьдчилан сэргийлэх үйл ажиллагаанд нэн шаардлагатай тоног төхөөрөмжийн судалгааг гарган, 2021 оны төсөвт суулгах саналаа нэгтгэв.

Тухайлбал: Сирень дохио, зарлан мэдээллийн төхөөрөмж нэмэх, түр цугларах талбайн тэмдэг, тэмдэглэгээг сайжруулж, шинээр байршуулах, Нэгдсэн эмнэлгийн бэлтгэл, бэлэн байдлыг хангуулахад шаардлагатай эм, эмнэлэгийн хэрэгсэл, яаралтай тусламжийн багаж, тоног төхөөрөмжийн нөөцийг бүрдүүлэх зэрэг саналууд тусгагдлаа.

Эх сурвалж: СБД