Колорадогийн Ийгл хотоос Нью Жерсигийн Ньюарк хот руу гуравдугаар сарын 8-нд нисч байсан онгоц Денверт ослын буулт хийжээ. Учир нь онгоцонд зорчиж явсан нэгэн зорчигч найтаасанд бусад зорчигчид үймж, сандарцгаан эмх замбараагүй байдал үүсгэжээ.

Мэдээллийн хэрэгслүүдийн мэдээллээс үзэхэд тус онгоцонд зорчиж явсан нэгэн зорчигч найтааж, ханиаж байсанд ойрхон сууж байсан бусад бүх зорчигчид түүнийг Covid-19 вирусийн халдвар авсан байх вий хэмээн айж сандарцгаасан байна. Денверийн цагдаагийн газрынхан онгоцноос бүдүүлэг авир гаргасан гурван зорчигчийг буулгаж саатуулжээ.

Мэргэжилтнүүд найтаасан зорчигчийн харшил хөдөлсөн хэмээн үзсэн байна. Тухайн зорчигч огт халуураагүй бөгөөд нислэгээ цааш үргэлжлүүлж болохоор болжээ.

Covid-19 вирусийн халдвар авсан хүн халуурах, ханиах, бие загатнах, амьсгал давхцах зэрэг шинж тэмдэг илэрдэг бол ханиад, харшлын үед нүд загатнах, хамар битүүрэх, найтаах зэрэг шинж тэмдэг илэрдэг билээ.

1562 дугаартай, Ийглиэс Ньюарк хот руу хийсэн нислэгийн зорчигчид үймж сандарсандаа нисэх багийнхны үгийг дагаагүй тул ийнхүү ослын буулт хийжээ. Аюулгүй газардсаны дараа зорчигчдыг буулгаж Ньюарк хүрэх өөр онгоцонд суулгажээ.

Эх сурвалж: insider.com