Д.Баярхүү: Эл доль, залхмаар, улиг болсон улстөрчдөөс салах цаг нь ирсэн | News.MN

Д.Баярхүү: Эл доль, залхмаар, улиг болсон улстөрчдөөс салах цаг нь ирсэн

Д.Баярхүү: Эл доль, залхмаар, улиг болсон улстөрчдөөс салах цаг нь ирсэн

Холбоотой мэдээ

Эмээлтэд уурхайн тэсэлгээ хийснээс чичирхийлэл мэдрэгдэв

Эмээлтэд уурхайн тэсэлгээ хийснээс чичирхийлэл мэдрэгдэв

0

Олон улсын харилцааны судлаач-профессор Д.Баярхүүтэй “Ардчилал таймс” сонины сурвалжлагч Б.Бямбасүрэн улс төрийн сэдвийн хүрээнд ярилцжээ. 

-2020 он бол сонгуулийн жил. Нөгөөтэйгүүр, эрх баригчдын хийсэн бүтээсэнд дүн тавих үе. Ард иргэд одоогийн УИХ-д их ам муутай байна. Таныхаар энэ удаагийн парламент хэрхэн ажилласан бэ?

-Парламентын үйл ажиллагааг монголчууд өөрсдөө дүгнэнэ. Энэ нь УИХ-ын сонгуулиар тодорхой харагдана. Сонгууль бол өнгөрсөн 4 жилд УИХ болон олонхи болсон Засгийн газрын үйл ажиллагаанд ард түмэн үнэлэлт, дүгнэлт өгөх үйл ажиллагаа. Улсын шалгалт өгдөгтэй адилхан. Ард түмнээрээ шалгуулж байна гэсэн үг. Ард түмэн дүнгээ тавилаа, дараагийн УИХ-аа сонголоо. Миний хувьд одоогийн  ажиллаж буй парламентыг хариуцлагагүй, муу гэж шууд буруушаахгүй. Мэдээж Монгол Улсын сонгож авсан зам нь парламентын засаглал. Тиймээс хууль батлах тогтоох дээд засаглал үүргээ ёсоор нь хэрэгжүүлж байгаа. Үндсэн хуульд оруулсан өөрчлөлтийг харахад, Ерөнхий сайдын эрх мэдэл нэмэгдэнэ гээд парламентын засаглал улам хүчтэй болох байх. Ер нь маргах, хэрэлдэх, эвсэх, үл эвсэх, нам дотроо талцах, хуваагдах гэх мэт үйл явц парламентын засаглалтай ардчилсан улсад байдаг л үзэгдэл шүү дээ. Айхтар хямрах хэрэггүй. Харин 65-уулаа гарч ирчихээд зоригтой алхам дутмаг хийсэн тал бий байх.

-ЖДҮХС-аас эрх мэдлээ ашиглан зээл авсан эрх баригчдын тухайд ямар бодолтой байна вэ. Тэгвэл энэ бас байдаг л үзэгдэл юм уу?

-Үүнийг хууль хяналтын байгууллага шалгаж, дүгнэлтээ өгнө. ЖДҮ-д улс төрийн дүгнэлт өгөх бололцоо надад байхгүй. Ямартай ч МАН-ынхан “60 тэрбумынхан”, “ЖДҮ-гийнхэн” гэсэн нэр хаягтай болсон нь үнэн. Эрх барьж байгаа нам ийм нэртэй болсон нь харамсалтай хэрэг. Ерөөс ЖДҮ-тэй холбоотой асуудлыг  өнгөрсөн 30 жилийн түүх рүү аваачиж наах ёстой. 1990 онд ардчилсан хувьсгал өрнөж Монгол Улс нийгэм-улс төрийн шинэ замыг сонгохдоо л эдийн засгийн бүтээн байгуулалт, шинэчлэл, шилжилтийг хийж эхэлсэн. 30 жил яваад ч өнөөдөр шилжиж дуусахгүй. Эдийн засаг нь тэг заачихсан, хүн амынх нь 27-29 хувь нь байнгын ядуу, ажил хөдөлмөр эрхлэх насны хүмүүсийн ердөө 38 хувь нь ажиллаж байгаа гэсэн үзүүлэлтүүд бий. Энэ бүхэн ЖДҮ-г өөхшүүлсэн асуудал. Яагаад эдийн засгийг ард иргэдийн гарт нь өгч, ард иргэд нь эдийн засагтаа идэвхтэй оролцож, нэгэнт л хувьчлагдсан юм бол түүнийгээ улам сайн менежменттэй хийж, эдийн засгийн өндөрлөгт хүрч чадахгүй үлгэн салган яваад байгаа юм бэ? Ард иргэд ажил хийхгүйгээр амь зууж болоод байдаг халамжийн бодлоготой тогтолцоог бүхэлд нь эргэж харахгүй юм бол “ЖДҮ” мэтийн хэрэг байнга давтагдана.

-“Электорат” хөдөлгөөнийнхөн зөв хүнийг дэмжинэ гэж байгаа. Зөв хүн гэж ямар хүнийг хэлж байна вэ?

-Зөв хүн гэсэнд айхтар хатуу шалгуур тавьчихаагүй байна. Монголчууд улаан, эсвэл хар,  сайн, эсвэл  муу гэж туйлширдаг. Зөв хүн гэж хосгүй хүн байхыг хүсээд байх шиг. Зөв хүн гэдэг нь улс төрд орж бохирдоогүй, элдэв улс төрийн өвчин, дон суугаагүй, ямар нэг буруу амбицгүй, гавьяа байгуулаагүй ч гай тариагүй, тийм хүн гээд ойлгочих. Бүр болж өгдөгсөн бол шинэ залуу үеийн төлөөллийг улс төрд гаргаж ирмээр байна. Үнэндээ 20-30 жилийн турш улс төрд явчихсан өнөөгийн нөхдийн нүүр царайг өөрчилмөөр байна. Цоо шинэ залуустаа итгэл үзүүлэх хэрэгтэй. Миний хувьд зөв хүнийг дэмжинэ гэсэн уриан дор аль ч улс төрийн намын сэхээтэн, эрүүл саруул ухаанаар сэтгэдэг, гэгээлэг хүнийг дэмжинэ гэж бодож байгаа. Ийм улс төрийн боловсон хүчин аль ч намд байгаа.

-Залуучуудаас бид юу хүлээх ёстой вэ?

-2020 оныг залуучуудын хувьсгалын жил болгох хэрэгтэй гээд би өмнө нь нэг удаа бичиж байсан даа. Өмнөх УИХ-ын сонгуулиудыг ажиглахад 18-35 насны залуучуудын бараг тал шахам хувь нь огт сонгуульд оролцдоггүй, сонирхдоггүй юм билээ. Тэднийг үүргээ биелүүлж, сонгуульд саналаа өгөхийг уриалах хэрэгтэй. Тэд хэнийг хүсч байна, тэр хүнээ сонгоод үзэг л дээ. Учир нь Монгол бол залуучуудын эх орон. Өнөөдөр 40 хүртэлх насны залуус хүн амын олонхийг бүрдүүлж буй энэ цаг үед үе тэнгийн залуучуудаа дэмжиж, хүсэл тэмүүллийг нь харгалзан үзэж яагаад болохгүй гэж. Улаанбаатарын хүн амын дийлэнхийг тэд л бүрдүүлж байна. Хотын Засаг даргаар 27-30 насны хүн сонгож, эрх мэдэл атгуулаад үзэх хэрэгтэй шүү дээ. Алийн болгон нэг улс төрийн хүчнийг шүтэх ёстой юм. Таньдаггүй бурханаас таньдаг чөтгөр нь дээр гэдэг зарчмаас одоо татгалзмаар юм. Өгөршчихсөн, тэтгэвэртээ гарах болчихсон, залхмаар, улиг болсон улстөрчдөөс салах цаг нь ирсэн.  XXI зуун бол даяаршлын, харилцан хамаарлын, хурдны, тэр чигтээ эрсдэлийн зуун. Мөн чанартаа коронавирус тархана гэдэг хүн төрөлхтөнд айхтар том эрсдэл, сорилтыг авчирч байна. Энэ бол дэлхийн түүхэнд гараагүй үзэгдэл. Үнэндээ ийм эрсдлийг залуус маань л дааж чадахаас биш 30 жил улс төрд явсан залхмаар улсууд даахгүй гэж үзэж байна. Тэднээс манай нийгэм бүрэн залхсан. “Залхлаа!” гэдэг үгийг одоо нэгэн дуугаар чанга хэлэх цаг нь болсон.

-Монгол Улсыг хагас Ерөнхийлөгчийн засаглалтай гэдэг. Үүнд та ямар байр суурьтай байна вэ?

-Тэр үнэн, хагас Ерөнхийлөгч, хагас парламентын засаглалтай. Учир нь бүх ард түмнээр төрийн тэргүүнээ сонгодог учраас тэр. Хэрэв УИХ нь Ерөнхийлөгчөө сонгоод эхэлбэл парламентын бүрэн засаглалтай улс  болно. Гэлээ гээд засаглалын хэлбэрийг би шүүмжлэхгүй. Ямартай ч Монгол Улс ардчилсан сонголтоо хийгээд л ирсэн. Үндсэн хуулийн өөрчлөлтөөр үүнийг засах гэсэн боловч төдийлэн үр дүнд хүрээгүй байх. Гэхдээ хуулийг хөдөлгөж чадсан нь том дэвшил. Доторхи заалт бүрийг нь авч үзвэл бүх хүн сэтгэл санаа нэгтэй байх албагүй. Дараагийн парламентын үед ч ахиад хөдөлгөж болно. Энэ тийм хөдлөшгүй биш шүү дээ.

-Улстөрч болгон л аль ч цаг үед хоёр танхимтай болох, гишүүдийн тоог нэмэх тухай ярьдаг. Энэ нь зөв үү, таны бодлоор?

-Ардын Их Хурал ба Улсын Бага Хурал гэж хоёр танхимтай байж үзсэн. Улмаар шинэ Үндсэн хуулиа баталсан. Засаглалын хэлбэртээ асуудал нь байгаа юм биш. Яагаад үргэлж анхаарлын төвд байна вэ гэхлээр, ард түмний амьдрал ядуу, ажилгүйдэл их байгаатай холбоотой. Хэрэв эсрэгээрээ байсан бол парламент хэдэн танхимтай, хичнээн гишүүнтэй байх нь ажил орлоготой, завгүй хүнд нэг их падгүй. Хүн цалингаа авна, сайхан амьдарна тэгээд л болох бус уу.

-2050 онд дундаж давхарга бий болно гэсэн төсөөллийг эрх баригчид гаргасан байна лээ?

-2050 он гэхэд хүн амын 80 хувийг дундаж давхарга болгоно ч гэх шиг. Гуравхан сая хүнтэй улсад 3-4 жилд шургуу ажиллахад л болох баймаар. Гучин жил гэдэг дэндүү урт юм биш үү. 1990 оны Цагаан морин жилээс тооцвол 60 жил шилжилт хийсэн улсаар Монгол тодорч, дэлхийг дэлдийлгэх нь байна. Ичмээр бус уу? Гуравхан сая хүнийг ганц дайралтаар л өөд нь татчихмаар санагдах юм. Хятадад өөрчлөлт шинэчлэл хийснийхээ 40 жилийн ойг жил хагасын өмнө тэмдэглэсэн. Тэр 40 жилд Хятадад 800 сая хүнийг ядуурлаас гаргасан. Манай улс 60 жил ноцолдон байж ядуурлаасаа салж дундаж амьдрал руу орно гэдэг даан ч урт байнаа.

-Дипломатч хүний хувьд хэлэхгүй юу. ГХЯ тэтгэвэртээ гарсан ултөрчдийн дамжин өнгөрдөг газар болсон уу. Мөн улстөрчдийн хамаатан садангаар дүүрсэн гэх юм?

-Сүүлийн 1-2 жил Гадаад яам руу шүүмжлэлийн гал байнга очиж байна л даа. Хүмүүс ам муутай байна. Гадаадад томилогдсон дипломатчид элдэв хэрэг түвэгт орооцолдож, тухайн улсын шүүхээр шүүгдэж байна. Дипломат албанд сахилга, зохион байгуулалт, хуулийг дагаж мөрдөх  асуудал хурцаар тавигдлаа. Харин яамны дотоод зохион байгуулалт, боловсон хүчний томилгооны тухай тус яамны ТНБД, Төрийн захиргааны удирдлагын газрын даргаас сэтгүүлчид байцаалт авбал зохилтой. Ахмад дипломатчийн хувьд гадаад бодлогын асуудалд нь илүү  анхаарч судалж байна. Монгол Улсын үе үеийн Ерөнхийлөгч, Засгийн газрууд гадаад бодлогын залгамж чанарыг хадгалсан олон тулгуурт, идэвхтэй, энх тайванч, прагматик, бие даасан гадаад бодлого явуулж ирсэн, явуулж ч байгаа гэж ойлгодог. Манайх үүн дээр айхтар том алдаа гаргаж, савлагаа үүсгээгүй. Харин гадаад эдийн засаг, хөрөнгө оруулалт, гадаад худалдааны тухайд сахилга алдагдсан явдал байдаг. Тухайлбал олон түнштэй ажиллах гэдэг, өөр хооронд нь мөргөлдүүлдэг, ойрын зорилгоо нэгдүгээрт тавьж, холын зорилгоо олж хардаггүй, хэлсэн амнаасаа эргэж буцдаг, гаднын хөрөнгө оруулагчдыг хүнд байдалд оруулдаг гэхчлэн асуудал бий. Монголчууд “За” гэвэл “Ёо”-гүй байх ёстой. Гадаад харилцаан дээр худал ярьж огт болохгүй. Энэ нь тэвчишгүй зүйл.

-Та ГХЯ-ны дэргэд байгуулагдсан ШХАБ-ыг судлах, дүгнэлт гаргах ажлын хэсэгт байгаа гэж сонссон. ШХАБ гэх энэ байгууллагад элсэх нь зөв, буруу гэсэн хоёр талын байр суурь яваад байдаг. Таныхаар аль нь зөв, манайд ашигтай вэ?

-Бид ШХАБ-ын ажиглагч гишүүнээр 16 жил явж байгаа. Одоо жинхлэх тухай асуудал яригдаж буй. ШХАБ-д жинхлэх эсэх асуудалд монголчууд хоёр талд хуваагдсан байгааг Ерөнхийлөгч хүлээн зөвшөөрсөн. Тиймээс энэ маргааныг эцэслэн шийдэхийн тулд ШХАБ-ын жинхэнэ гишүүн орнуудаар явж судалгаа хийх ёстой гэж үзсэний үндсэн дээр Гадаад харилцааны сайдын тушаалаар судалгааны баг бүрдсэн. Энэ багийг бүрдүүлэхэд би оролцсон, одоо ч нэг ахлагч нь. Бид 15-уулаа. Одоогийн байдлаар Хятад, Энэтхэгт ажиллаад ирсэн байна. Цаашлаад Төв Азийн 4 улс, Пакистан, мөн ОХУ-д ажиллах асуудлыг тавьж хөөцөлдөж байна. ШХАБ-ын жинхэнэ гишүүн болохын давуу болон сул тал, ялангуяа, монголчуудын, Засгийн газрын, улстөрчдийн битүүхэн хүлээж буй Шанхайн байгууллагын эдийн засгийн хамтын ажилллагаанд Монгол Улс яаж оролцох, манайд ямар ашигтай вэ гэдгийг судалж байна. ШХАБ-д яг одоогоор эдийн засгийн интеграц эхлээгүй байна. Бид эхний тайлангуудыг гаргаж, төрийн тэргүүн болон Гадаад харилцааны сайдад өргөн барьсан. Гадаад харилцааны сайдын зөвлөлийн хурлаар эхний тайлангуудаа хэлэлцүүлсэн. Дэмжлэг авсан. Ажлын хэсгийн судалгааны ажлыг үргэлжлүүлэхээр шийдвэр гарсан байгаа.

-Ухань хотоос үүсэлтэй коронавирүсийн дэгдэлтийн үед манай Ерөнхийлөгч БНХАУ-д албан ёсны айлчлал хийж, 30 мянган хонь хандивлахаа мэдэгдсэн. Энэ айлчлалын үр дүнг хэрхэн харж байна вэ?

-Жижиг улс дипломатын маш идэвхтэй, зарим үед бүр гэнэтийн зөв үйл ажиллагаа явуулж байж гадаад бодлогын салбарт амжилт болно. Гол зорилго нь Монгол Улсын хөгжил дэвшилд таатай гадаад нөхцөлийг бий болгох, таатай гадаад харилцааг хөгжүүлэх. Энэ зорилгын хүрээнд айлчилсан гэж ойлгож байгаа. Өмнөд хөрш бол дэлхийн хоёр дахь том эдийн засаг төдийгүй тэргүүлэх нөлөөтэй улс. Монгол Улс БНХАУ-тай нийт 4700 гаруй км нутаг дэвсгэрээр хиллэж байна. Манай улсын худалдаа, эдийн засаг, хөрөнгө оруулалтад өмнөд хөрш жин дарж буй. Ийм улсад өвчин тахалд нэрвэгдсэн, хөл хорио тогтоосон, гадаад харилцаа нь хумигдсан нөхцөлд эв санааны нэгдлээ илэрхийлж, монголын ард түмний бяцхан бэлгийг гардуулаад ирсэн нь цагаа олсон том ялалт. “Зовох цагт нөхрийн чанар танигддаг” гэдэг биз дээ. Ямартай ч цагийг нь олсон зөв алхам хийжээ хэмээн би хувьдаа дүгнэнэ. Цаашид Монгол-Хятадын худалдаа эдийн засгийн харилцаа, иргэд хоорондын харилцаа улам өргөжин тэлэх болов уу. Түүнд л Төрийн тэргүүн хувь нэмрээ орууллаа.

Ярилцсанд баярлалаа.

Энэ мэдээнд өгөх таны сэтгэгдэл?
28
ЗөвЗөв
9
ТэнэглэлТэнэглэл
3
ХарамсалтайХарамсалтай
3
БурууБуруу
1
ХөөрхөнХөөрхөн
1
ГайхмаарГайхмаар
0
ХахаХаха
Баярлалаа!

Холбоотой мэдээ

40 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Баатархүү 2020-03-12 202.179.31.3

Баярхүү мэтийн коммунисит чиг баримжаатай ардчиллыг ойлгоогүй хүмүүсийг их хуралд сонгохгүй байх нь зөв. Энэ ЗГ-г өмгөөлөх хандлагатай байгаа нь ждү-с хулгай хийх магадлал нэн өндөр хүн байна. Сүүлийн 30 жилийн 22 жилийг үнэмлэхүй олонхоор (34, 45,65, 70, 72 суудал авч) удирдсан Монголын коммунистууд энэ нийгмийг анхнаас нь эсэргүүцсэн. Одоо ч түүнийгээ хийсээр явна.

Avatar

Зочин 2020-03-12 64.119.24.54

Баабар Баярхүү Цэнддоо мэтийн үгийг хүн авч нохой шиншлэхгүй болсон шдээ эль доль болсон улстөрчдийг та нар магтсаар байгаад гаргаж ирж хувь хүртсэн одоо дараагийн ээлжийнхнийг гаргаж ирээд хувь хүртэх нь үү

Avatar

zzzz 2020-03-12 202.131.250.130

Nas bol zugeer ltop.zaluuchuidig gargaj uzsen shuudee.yaalaa bugd medej nggaa shuidee.ymarch ajlin tirshlaggui.medleg bolovsrol muitai.

Avatar

Зочин 2020-03-12 150.129.142.85

Д. Баярхүү судлаачтай Монгол Улсын хүндэт дипломат ажилтны хувьд санал нэг, дэмжиж байна.Удахгүй болох УИХ-ын сонгуулиар зөв хүмүүжил, ёс суртахуунтай, өндөр мэдлэг боловсролтой, улс эх орнынхоо хөгжил, дэвшлийн төлөө хоёргүй сэтгэлээр хүчин зүтгэх чин хүсэл, зорилготой з алуусыг аль болохоор олноор оруулахнь маш зүйтэй. Дипломат албаны хариуцлага, сахилгабат, ёсзүй, томилгоонд онцгой анхаарч, эрс өөрчлөлт хийх цаг нь аль хэдийнээ болсныг зориуд хэлмээр байна. Хүндэт дипломат ажилтан Ж.Чулуунхүү

Avatar

Зочин 2020-03-12 150.129.141.8

Шинэ залуу гээд ХҮН ын хэдэн шаарууд шиг залуучууд гарвал жинхэнэ аюул тарина шүү.

Avatar

иргэд олон түмэн 2020-03-12 66.181.191.35

Улиг болсон гэдэг өргөн утгатай зүйл,хийж бүтээсэн юмгүй атлаа төрд бүгсэн жилээрээ гайхуулдаг нэр бүхий өвөө нарыг УЛИГ БОЛСОН гэж хэлэх нь зөв,тэд өөрсдөө юм хийж гийгүүлэхгүй атлаа бусдад их садаа болохыг нь яанаа,сонгогдоод мөрөөрөө урдахаа амжуулахын оронд зарим яам салбарыг өмчилчөхсөн,хэт мэдэмхийрсэн,,гадныханы эрх ашгыг үхэн хатан хамгаалдаг,ийм нэг гай болсон өвгөчүүлийг энэ жил төрөөс зайлуулаж,эмгэнийхээ цайг шавхаад эрүү амаа гэртээ билүүдэж суух боломж олгох нь зөв шүү?

Avatar

Ок 2020-03-12 192.82.77.145

Залуучууд хал үзэж, хашраагүй тул алдана шүү. 30 жилийн өмнө юугаа ч мэдэхгүй залуус гарч ирсэн. Тэд гадныхны зааврыг авч хөдөлсөн бөгөөд өнөөдриын 30 жилийн оройгоос харахад
Улс, ардын АА , Аж үйлдвэрээ үгүй хийж, байгалийн баялгаа гадныханд мадлуулан, авилга авч , найр тавин өгөх болов. Оронд нь цөөхүүлээ тамтаггүй ихээр баяжиж авлаа даа.

Avatar

Иргэн 2020-03-12 59.153.113.140

Тиймээ, х***а Баярхүү шиг улиг болсон хүмүүсээс ч бас салах цаг болсон

Avatar

Зшчин 2020-03-12 64.119.23.72

Таны хэлж байгаа “улиг болсон өвгөдөөс” салхын тулд бас Тань шиг улиг болсон өвгөний үгийг сонмох хэрэг бхйна уу🤣🤣🤣🤣

Avatar

Зочин 2020-03-12 202.55.188.39

Mongold tiim shalguur daah hun olon bii. Haramsaltai n ted mungugui, hulgai hiigeegui, hudlaa yarij todordoggui uchraas ulsteriinhnii hureeleld ordoggui. Mongoliin bohir ulsturd hutgaldahaas tuvugshuudug, ajil, mergejildee jinhene ezen bolson, hii n garsan, hat suusan, teriin undur alband ajil amidralaar beltgegdsen unet capital. Hiitei zaluuchuud olnoor songogdvol unuudur UIH-d Gantulguud buunuuruu orj irne. Margaash Bayruud, Bayrtsogtuud bolno. Odoo huugduj baigaa tugtsuguud iim l zamnaltai.

Avatar

Irgen 2020-03-12 202.55.188.39

Urgeljlel: Tiim handlagiig humuun bie munguur hudaldaj avdaggui, nomiin duu sonsson diplomiin toogoor irdeggui, zuvhun ajillaj hudulmurluj, aldaj onoson on jiluud udur udruur suuljaj shingeej ugdug yum. Uuniig ajil amidraliin turshlaga gedeg. Japanuud 45 nasnaas undur alband devshih tuvshind hurlee gej uzdeg. 2016 ond MAN zaluuchuudiig olnoor devshuulsneeree IH gaihuultsgaasan. Huchindegch Gantulga gishuuniig ner devshuulchiheed Nyamdorj yu gej magtaj huurugduj baisniig TV eer uzuuleed l baina.

Avatar

Irgen 2020-03-12 202.55.188.39

Urgeljlel: Bieee zassan, geree zassan hunii hiideg ajil. Hal uzej hat suusan, doloo hemjij neg udaa ogtoldog, shariig dagaj sharvadaggui, ulaaniig dagaj urvadaggui, zarchim, bodlogiin uurhai bolson teriin hat hunii hiideg ajil. Teriin hergiig shiitgene gedeg n uls oron are irgediin niitleg erh ashgiig yamagt uuriinhuu huviin erh ashgaas deeguur tavij shiidver gargahiig helne. Ajil amidraliin amjilt buteel aldaa onoonii on jiluud tiim zarchimtai Turiin huniig bii bolgodog yum. Urgeljlel bii:

Avatar

Irgen 2020-03-12 202.55.188.39

urgeljlel: Getel ted odoo gemt heregtnuud boltsgooj baina. Yagaad? Tom utgaar harval ted hun bolj guitseegui baihdaa, Turin shalguuraar hemjvel heterhii balchir nasandaa asar IH erh medeld hurch, mungunii amtand uter turgen orson humuus yum. Selem erguuleed huvisgal hiih neg uur. Zorigtoi, erch huchtei zaluuchuud huvisgaliin gol hudulgugch huch baidgiig hun turulhtnii tuuh heleed ugnu. Selemee dald hiigeed Turin hergiig shiitgeh gedeg uur asuudal. Uunii shalguur uur. Urgeljlel bii.

Avatar

Irgen 2020-03-12 202.55.188.39

Zaluuchuudiig buunuur n gargay hugshin tugtsugnuudiig huue. Ene havriin uls turd neg iimerhuu hiirhel nevt yavlaa. Erhem Bayarhuu uuniig devergesend gaihav. Ad uzeed huugduhduu tulsan ahmad ueiin neg tuluulul n uuruu bailtai. 90 onii huvisgaliig zaluuchuud hiisen. Ted shuud l Erenhii said, gishuun, darga said boltsgooson. 30 jiliin daraa bugd tolgoi daraalan hulgaich luivarchid boltsgoojee. Odoo huugduj adlagdaj haraalgaj baina. Ug n hundlegdej magtagdaj ulger jishee boloh yostoi busuu? Urgelj..

Avatar

М 2020-03-12 203.91.115.54

Энэ бичээд байгөө эрлиизээс өөрөөс бас сөлмөар байнө монголын эсрэг олон жил бичлээ

Avatar

Монгол 2020-03-12 203.91.115.54

Энэ нөрхөөс өөрөөс нь бас х*******н э****з ээс

Avatar

Зочин 2020-03-12 64.119.22.29

чт өвөөгөө хтй

Avatar

Зочин 2020-03-12 103.212.119.124

Төрөөс олон юм нэхэх хэрэггүй. Гол нь валютын ханшаа сайн барих л асуудал. Энэ ажил дээр АН нам муу дүн авсан. Бүх валютаа бүтээн байгуулалт нэрийн доор хоосолж бараг цус харвах түвшинд хүргэсэн. Харин МАН нам валютын нөөцөө сайн хуримтлуулсан. Энэ л хамгийн гол ажил. Бусад нь чухал биш. Валютын ханшаа алдвал ямар ч цалин аваад нэмэргүй, үнийн өсөлтөнд идүүлнэ.

Avatar

Дамба 2020-03-12 66.181.185.158

Шинэ хүн гээд хөгшин залуугаар ялгаж үл болно.хөгшидөөсөө долоон дор залуус,хатан ухаан ярьдаг хирнээ хатан ухаангүй эмс олширсон юмуу даа.Түдэв,Бямбасүрэн гуай нарыг яагаад болрхгүй гэж

Avatar

ХҮН намыханд 2020-03-12 114.136.81.204

ЗАЛХЛАА! ЗАЛХЛАА! ЗАЛХЛАА! Сонгуулын сайхан уриа байна даа. ХҮН нам эртнээс эзэмшээд давлуулмаар юм.

Avatar

Зочин 2020-03-12 182.160.36.132

Азийн ёс заншил уламжлалаар энэ хүний хэлсэн насны залуучууд төр барьж хэрхэвч болохгүй

Avatar

зочин-2 2020-03-12 103.57.95.144

Ямар ч насныхны сэтгэлгээ нь өөр байж болох учир настай хүн бүрийг ч юм уу, УИХ-д их удсан гэдгээр нь хэлээгүй л болов уу. Магадгүй зарим улс төрчид удаан хугацаанд УИХ-д сууснаар нь ч хэлээгүй л болов уу гэж бодном. Хамгийн чухал нь амьдралд хэрэгжих асуудлыг шийдвэрлүүлсэн нь л чухал. Магадгүй Наранхүү… мэтийн ямар ч үүрэггүй суух нь ичмээр. Амьдралд урган гарч байгаа өч төчнөөн асуудал бна шүү дээ. Тэр нь гаргасан хуулийн хэрэгжилтэнд яаж нөлөөгөө үзүүлж байгааг тодорхойлох хэрэгтэй.

Avatar

ХУД-ийн сонгогч Ш.Раднаа: ЛАМ ОЛДОХГҮЙ БОЛ БУЦАХДАА ЗАЛНА гэдэг шиг болох вий дээ 2020-03-12 122.201.22.42

МАН МУУ, АН БҮР МУУ, БУСАД ЖИЖИГ НАМУУД ХЭРЭГ АЛГА гэлцэнэ.МАН яагаад МУУ гэвэл, мөрийн хөтөлбөрөө ер ярихаа больсон. ЖДҮС–ИЙН ТАЛААР НОЦТОЙ АЛДАА ГАРГАСАН.АН яагаад БҮР МУУ гэвэл, өмнөх 4 жилд улс орныг маш муу удирдсан, одоо Эрдэнэ даргатай, З.Энхболд зөвлөхтэй гэхээр хэвээрээ байна гэж ойлгогдоно. БУСАД НАМУУД УЛС ОРНЫГ УДИРДААД АВААД ЯВАХ БОЛОВСОН ХҮЧНИЙ НӨӨЦ, ЧАДАВХ, ОЛОН НИЙТИЙН ДЭМЖЛЭГ БАЙХГҮЙ. ЛАМ ОЛДОХГҮЙ БОЛ БУЦАХДАА ЗАЛНА ГЭДЭГ ШИГ МАН ДЭЭР СОНГОЛТ БУУХ ВИЙ ДЭЭ.

Avatar

Хэрлэн 2020-03-12 192.82.68.249

Монгол орноо хөгжүүлж, бүтээн босгоход монгол хүн бүр гар бие оролцох ёстой. Гэтэл МАН боловсон хүчинтэй гэж ирээд л бичих юм. Нам бус хүмүүс гараа хумхиад суух ёстой гэж үү. Ингэж дутуу бодож болохгүй ээ. МАН гарч ирээд АН-ынхныг хална, АН хариу барина ингэсээр байтал улс орон доройтлоо. Мэдлэгтэй л бол монгол хүн бүр улс орныхоо хэрэгтэй талбарт хариуцлагатай ажил алба хаших эрхтэй байх ёстой.

Avatar

Эжу 2020-03-12 59.153.113.66

Бизнесийхнийг хувьдаа компанитай хулгайчдыг УИХ-д дэвшүүлэх асуудлыг болих хэрэгтэй .Тэд зөвхөн хөрөнгө санхүүгээ дээшлүүлэхийн төлөө ажилладаг

Avatar

Зочин 2020-03-12 66.181.182.226

МАН-д байгаа гадаадаахны нэр барьж ажилаа явуулж мөнгө иддэг Сарангэрэл, Шар өвгөн – Энх түвшин, хятадад олзлогдсон Нямдорж, Улаан гэх мэтийн эл дол болсон нөхдүүдийг хэлээд байгаа юм болов уу.

Avatar

зочин 2020-03-12 103.229.122.226

Ийм солиотонгууд Монголоор дүүрчихсэн учраас манай ажил ургашаа явдаггүй юм Ажил хийж чадахгүй Хүн доромжлох идэж уух архидаж агсан согтуу тавих танхайрахаас өөр чадваргүй Жаахан юм хийх гэж оролдсоныгоо үзэн яддаг

Avatar

Жаргал 2020-03-12 66.181.161.47

Тэр 2050 онд хѳгжих тухай тѳлѳвлѳгѳѳ гэдэг үнэн бүтэхгүй тѳлѳвлѳгѳѳ. Харин 5-10 жилээр тѳвлѳх нь бодитой байх.

Avatar

зочин 2020-03-12 202.9.46.175

Гүйээ нэрээ … 3 хан сая хүний ирээдүйг 30 жилийн ДАРАА гэж төлөвлөөд байхдаа яах вэ дэ ….

Avatar

лут 2020-03-12 64.119.20.226

Баярхүү танд баяр хүргэе.Анхаарч санаа авч хэрэгжүүлмээр маш олон санаа дэвшүүлж байна. Дээдчүүд чухам юу гэж хүлээж авдагийг бүү мэд.Манайд нэг үг хэлбэл түүнийг дэмжихийн оронд нөгөө талаас ярьж хүчийг нь суларуулдаг мэргэшсэн хүмүүс байнаа.Нам дарга 2-ыг түшдэггүй залуучууд одоо л хэрэгтэй үе.

Avatar

Зочин 2020-03-12 182.160.1.246

Д.Баярхүү Та УИХ -д өөрийгөө сойх хэрэгтэй. Эрүүл саруул сэтгэдэг гадаад харилцааны нөхөр. Биеэ оторлох хэрэггүй, улс төрд орж барилдах хэрэгтэй. За тэр, ТВ 9 -ын Гантулга гэгч олон улсын тоймч гэх замбраагүй ярьдаг нөхөр байнаа. Манайхан тэрнийг сонгож а**х вий. Баярхүү сайн улс төрч болох нөхөр.

Avatar

Зочин 2020-03-12 203.169.49.101

Манан 30 жил дундаж давхрага гаргахгүй, ядууггар нь байлгаж өөрсдөө л улам баяжих сонирхолтой байна.

Avatar

Иргэн 2020-03-12 103.212.117.201

Улс төрчид гэдгээр тогтохгүй , улс төрийн зарим хүчнийг татан буулгаж зайлуулах ёстой.

Avatar

СОНГОГЧ 2020-03-12 202.9.47.31

ЗҮГЭЭР Л ХУУГААР НЬ СОЛЬЖ ЗӨВ ХҮНЭЭ ОЛЖ СОНГОЦГООЁ

Avatar

Баярхүү 2020-03-12 192.82.76.97

Тийн ш дээ, тухайлбал намайг сонго л доо

Avatar

зочин 2020-03-12 122.201.21.163

Нямдорж мэтийн гадаад, дотоодын хүчнүүдээс болоод бие биенээсээ нээнтэгтэй болсон, үүнээсээ болоод улсад ямагт хортой, ашиггүй шийдвэр гаргуулж байдаг олон олон нөхдүүдээс одоо л нэг салмаар байна шүү, ард түмээн.

Avatar

зочин 2020-03-12 203.91.115.44

зөв дэмжиж байна эл доль болсон эрэг шурга нь муудчихсан өнөөгийн хурдтай ертөнцтэй хөл гар нь нийлэхгүй оюун ухаан нь муудчихсан шинэ зүйл хүлээж авч чадахгүй улиг болсон хуучин захиргаадалтын дэглэмээ ярьсаар байгаа хөгшчүүл тэтгэвэртээ гараач ээ

Avatar

Ахмад хуульч 2020-03-12 66.181.191.194

Эл доль болсон гэхээсээ илүү мулгуу, шуналтай, хувиа хичээсэн түшээдээсээ салах хэрэгтэй. Нүднг дээр ил байгаа шүү дээ. Баярхүүг дэмжиж байна.

Avatar

Гүнсэн 2020-03-12 202.126.89.128

Улс төр яах вэ эхлээд. Вирустэйгээ хүн бүр тэмции улс төрөө дараа нь ярьж шоуд ер нь хэнч бсан адилхан шүү залуучууд гд. Зөв ниигэмд танигдсан эрүүл сэтгэдэг хэн бгаан

Avatar

Зочин 2020-03-12 202.126.89.238

Энэ хүн арггүй л диполматч хариулт өгч бөөрөнхийлж дээ энэ зэргийн ярилцлага өгчих жирийн монгол захаас аван бий энэ 4 жил бүх эрх мэдлийг өгсөн ч юу ч хийж чадахгүй байгаа г тодорхой үнэнээр нь хэлж чадахгүй байна ядаж мөрийн хөтөлбөрийг нь дүгнээд дээ улс төр судлаач гээд байгаа юм даа чааваас

NewsMN Гар утасны хувилбар Татах
NEWS.mn

Мэдээллийн эх сурвалж