Хойд Америкийн үндэсний сагсан бөмбөгийн холбоо буюу NBA-ийн Юта Жазз багийн Франц төвийн тоглогч Руди Гоберын шинэ коронавирусийн шинжилгээний хариу эерэг гарч, халдвар авсан нь тогтоогджээ. Өнөөдөр/2020.03.12/ болох ёстой байсан Юта Жазз болон Оклахома Сити Тандер багуудын тоглолт Руди Гоберын биеийн байдлын улмаас цуцлагдаад байсан билээ.

Өдгөө 27 настай түүний хувьд энэ улиралд 15.1 оноо, 13.7 самбараас бөмбөг авалт дунджилж байгаа тэрбээр энэ жил NBA-ийн Бүх оддын тоглолт сонгогдож мөн хоёр жил дараалан "Шилдэг хамгаалан тоглогч"-ийн шагналыг хүртсэн билээ.