"Хөл хорионы үеэр ААН-ын татвар, НДШ хойшлуулах шаардлагатай" | News.MN

"Хөл хорионы үеэр ААН-ын татвар, НДШ хойшлуулах шаардлагатай"

"Хөл хорионы үеэр ААН-ын татвар, НДШ хойшлуулах шаардлагатай"

"Хөл хорионы үеэр ААН-ын татвар, НДШ хойшлуулах шаардлагатай"

ДЭМБ-ын зүгээс шинэ төрлийн коронавирусийн халдварыг Цар тахлын хэмжээнд хүрсэн гэдгийг өчигдөр /2020.03.11/ албан ёсоор зарлалаа. Дэлхий нийтийг хамарсан энэхүү тахлын улмаас олон улс эдийн засаг хүндхэн нөхцөл байдалтай нүүр тулж байна.

Монгол Улсад шинэ төрлийн коронавирусийн халдвараар өвчилсөн анхны тохиолдол бүртгэгдэж, хөл хорионы дэглэмийг гуравдугаар сарын 28-ныг хүртэл сунгаж, 4850 аж ахуй нэгжийн үйл ажиллагааг зогсоод байгаа байна.

Хэдийгээр Монгол Улсын Засгийн газрын зүгээс эдийн засаг, бизнес эрхлэгчид рүү чиглэсэн арга хэмжээ авахаа зарлаад байгаа ч энэ нь тунхаглалын  шинж чанартай, хөрсөн дээр буухгүй байгааг бизнес эрхлэгчид анхааруулаад байна. Хэрвээ нөхцөл байдал цаашид хүндэрч, хөл хорио дөрөв болон тавдугаар сар хүртэл үргэлжилбэл Монгол Улсын дундаж давхарга сөрөх ч унах дээрээ тулах, цаашлаад улсын төсвийн орлого тасалдах эрсдэл үүсэх хэмжээнд хүрэх магадлалтай байна.

Үүсээд буй нөхцөл байдалтай холбоотойгоор Монголын Үндэсний худалдаа аж үйлдвэрийн танхимаас бизнес эрхлэгчдийн дунд судалгаа явуулжээ. Тус судалгаанд танхимын гишүүн болон гишүүн бус 1100 аж ахуйн нэгж хамрагдсан байна. Судалгаанд оролцогсдын 67% нь Улаанбаатар хот, 33% нь орон нутагт үйл ажиллагаа явуулдаг байна.

Шинэ төрлийн коронавирусийн халдвараас урьдчилан сэргийлэх арга хэмжээ, хөл хорио нь судалгаанд хамрагдсан ААН-ын 57.4 хувьд нь маш ихээр нөлөөлж байгаа аж. Үүнийг салбараар нь авч үзвэл боловсрол, хүнсний үйлдвэрлэл, худалдаа, эрүүл мэнд, үйлчилгээ, барилгын салбарын бизнес эрхлэгчдэд хамгийн их нөлөөтэй гэж үзсэн бөгөөд дунджаар 96% нь үйл ажиллагаанд дунд ба маш их хэмжээгээр нөлөөлсөн гэж хариулсан байна.

Харин тээвэр, аялал жуулчлал, хөдөө аж ахуйн салбарын бизнес эрхлэгчдийн бизнест дунджаар 69% нь нөлөөлсөн гэж хариулжээ. Гэвч нийт дүнгээр нь харвал бүх салбарын бизнес эрхлэгчдийн үйл ажиллагаанд 65%-аас
дээш дүнгээр нөлөө үзүүлжээ.

Хөл хорио тогтоосон арга хэмжээ бизнест ямар нөлөө үзүүлсэн талаар тодруулан асуухад судалгаанд оролцсон бизнес эрхлэгчдийн 57.7% нь бараа үйлчилгээний эрэлт буурсан, 40% нь тээвэр ложистик доголдсоноос бараа үйлчилгээг хугацаанд нь нийлүүлж чадахгүй болсон нөлөөлөл хамгийн их байна гэж хариулжээ.

Мөн 14.8 хувь нь хөрөнгө оруулалтын шийдвэр гаргахад тодорхойгүй байдал үүссэн, 14.5% хувь нь бэлэн мөнгөний хомсдолд орсон зэрэг санхүүжилттэй холбогдох нөлөөтэй байгааг дурджээ.

Сэргийлэх арга хэмжээ нь 2020 оны эхний хагас жилийн тухай компанийн орлогод хэрхэн нөлөөлж байгаа талаар асуухад 46.4% “орлого 30 ба түүнээс дээш хэмжээгээр буурна”, 23.5% одоо хэлэхэд эрт байна, 21% нь орлого 10-30%-иар буурна, 6.3% нь 10% хүртэл хэмжээгээр буурна гэж үзсэн бол дөнгөж 3% нь нөлөөгүй байна гэжээ.

Орлогын нөлөөг салбараар тодруулан авч үзвэл аялал жуулчлал, боловсрол, тээвэр, үйлчилгээ, хөнгөн үйлдвэрлэл, худалдаа, хүнсний үйлдвэрлэлүүдийн салбарын бизнес эрхлэгчдийн 55% нь орлогын хэмжээ 30% ба түүнээс дээш хэмжээгээр буурна гэж үзжээ.Үүссэн нөхцөл байдалтай холбогдуулан бизнест үүсээд буй хүндрэлийг нээлттэй асуулгаар тодруулан асуухад судалгаанд оролцогсдын 66% нь зээлийн эргэн төлөлт, зээлийн хугацаа, зээлийн хүү нь хамгийн их хүндрэлийг бий болгож байна гэж хариулжээ. Мөн 22% нь түрээсийн төлбөр, 9% нь төрийн үйлчилгээ (мэргэжлийн зөвлөлүүдийн хурал, гадаад худалдаа, зөвшөөрөлтэй холбогдох)-ний хүнд суртал, 3 хувь нь санхүүгийн эх үүсвэр бага байгаа нь хүндрэл учруулж байна гэжээ.

Үүссэн нөхцөл байдалтай холбогдуулан Засгийн газраас ямар төрлийн дэмжлэг шаардлагатай байгааг тодруулан асуухад судалгаанд оролцогсдын 42.6% нь түрээсийн төлбөр бууруулах зэрэг үйл ажиллагааны зардал бууруулах арга хэмжээ, 36.3% хувь нь ААН-ын татвар, НДШ-ыг хойшлуулах, 20.3% нь хориг цуцлагдсаны дараа бизнесийг сэргээж хэвийн үйл ажиллагаа явуулахад нэгдсэн зохицуулалтаар ханган төрийн үйлчилгээг хүнд сурталгүй, түргэн шуурхай явуулах нь зүйтэй гэж үзжээ.

А.АНИР

 

 

Энэ мэдээнд өгөх таны сэтгэгдэл?
8
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ganbaa 2020-03-12 66.181.166.210

sain uu.
bisenest boditoo dejleg uzuulsen um algaa. haana torgono gesen l humuus ba.
zeeliin huug 0.5 huviar 2 sar hongoloh heregtee.
ndsh bolon tatvariig toloh hugatsaag 3 sar hoishluulah
ajliin tsagiig 2-4 tsaggar bagasgah. tsaling tootsohgui baih
tureesiin tuhai huuliig gargah

Avatar

Зочин 2020-03-12 122.201.22.35

uzele mikroponoo untaraa dahiad anhaaruulahgui

Avatar

Зочин 2020-03-12 122.201.22.35

changa yarigch mikropon uzele untaraa 24 tsag ugjina dahiad anhaaruulahgui shuu. jinhen tulaan..

Avatar

Зочин 2020-03-12 66.181.179.129

Orlogogui hun yaj tatvar tuluh ve dee. Oilgomjtoi yumaar demii shou hiigeech. X tailan l ugch taarna sh dee.

Avatar

Иргэн 2020-03-12 66.181.181.25

Олон улсад өвчин тахал болсон үед бага насны хүүхдээсээ хандив авч шоуддаг тохиолдол гарч байгаагүй Монголд мэргэжлийн бус сайд Сарангэрэл,Энхтүвшин нар шоудаж нүдний булай боллоо шүү дээ.Энийг л менежментийн алдаа гээд залуучууд шүүмжлээд байна шүү дээ МАНгаруудаа????

Avatar

Зочин 2020-03-12 192.82.64.168

Ер нь татварыг сайн дураараа өгдөг болох уу?

Avatar

Зочин 2020-03-12 202.9.46.138

Татвар хураамжуудаа төлөхгүй бол төр албан хаагчиддаа цалингаа төлж өгч чадахгүй, бас нөгөө хүүхдийн мөнгө, цалинтай ээж гэх мэт халамжийн мөнгүүдээ тарааж чадахгүй байдалд хүрнэ шүү дээ. Өөр ч юмгүй дээ.

Avatar

санаа 2020-03-12 112.72.8.90

Өвчин тахал далимдуулж Төрөө зүхэх баалах хөрөнгө мөнгө шаардахаа болих хэрэгтэй. Төрийн мөнгө халамж тэтгэвэр тэтгэмж хөнгөлөлт чөлөөлөлт зэрэг нь бүх иргэд ААН ийн татвар шимтгэл торгуулийн мөнгөн орлогоос бүрддэг . Энэ орлогоо л хуваарилдаг.
Түүнээс биш Төр мөнгө тарьдаггүй. Хэдэн залуучууд Банкууд болон УИХ аас хүү түрээс бууруулах талаар шаардлага өрнүүлээд явсан. Яг тийм цаг үе ирээгүй байна. Хэрэв бид сайхан заяатай ард түмэн юм бол ирэхгүй ч байж мэднэ. Хэдүүлээ ажлаа л хийцгээе.

Avatar

Зочин 2020-03-12 202.126.88.61

Засгийн газар, УОКомисс маш үлбэгэр, удаан муу менежмент хийж ажиллаж байна

Avatar

хүннү 2020-03-12 192.82.64.168

Засгийн газар УОК-г муу хэлж болохгүй тэд үүнд их гоморхох янзтай. Түүний оронд сайн магт, урам хайрал, хандив өг. Менежментийн хувьд дутагдалтай ажилсан байх. Гэхдээ эрүүл мэндийн салбарыхан маш сайн ажиллаж байна. Энэ хүмүүсийн хөдөлмөрийг зөв үнэлэх ёстой.

Avatar

ШУДАРГА БУС БАЙНА 2020-03-12 43.242.243.56

хоошлуулан гэдэг чинь юу гэсэн үгийн! шал утгагүйн. тэрний оронд зүгээр орлого орж ирээгүйгээс хойш орлого бага олсон гэж л тайлагнана ш д. түүнээс биш олоогүй орлогын дараа нь хаанаасаа яаж нөхөж байдгийн. шал даварцан юм. өвчин гарж худалдан авалт багассан нь ждү, наймаачдын буруу биш шүү дээ

Avatar

Юун татвар НД -н тайлан ??? 2020-03-12 66.181.189.163

Монгол улсын иргэд Амьд, эрүүл явах эрхтэй. ДЭМБ 2020 оны 3-р сарын 11-нд ковид-19 цар тахал гээд зарлачихлаа.

Avatar

санаа 2020-03-12 112.72.8.90

худал мэдээ тараавал хуулийн заалттай шүү.

Avatar

Зочин 2020-03-12 202.9.46.234

TOSKiin bairnii tureesiig 1-2saraar hungulj boldoggui yum uu. hurelsuh saidaa.

Avatar

зочин 2020-03-12 122.201.21.139

уок маш сайн ажиллаж бна мундаг юм

NewsMN Гар утасны хувилбар Татах
NEWS.mn

Мэдээллийн эх сурвалж