Холливудын хамгийн сайхан бүсгүй гэгддэг жүжигчин Анжелина Жолигийн экс нөхөр жүжигчин Брэд Питтийг гэрлэлтээ цуцлуулсны дараа өмнө нь хайр сэтгэлийн холбоотой байсан Женнифер Аннистонтой эргэн нийлэх гэж байна гэсэн яриа гарсан.

Гэхдээ энэ удаад тэр Женнифертэй ч биш Алиа Шавкат хэмээх мөн жүжигчин бүсгүйтэй нэр холбогджээ.

Тэрбээр Алиа Шавкаттай өнгөрсөн амралтын өдөр Лос-Анжелес хотын “Wiltern Theatre” театрт дуучин Тандеркатын тоглолтыг үзэж явахад нь папарацци нар таарч гэрэл зургийг нь дарж амжсан байна. Тэд тун дотно харагдах бөгөөд нэгнээсээ алхам ч холдоогүй гэнэ.

Гэвч зургаан хүүхдийн эцэг, шинэхэн Оскарын шагналтан Брэд Питтийн ойрын эх сурвалжууд энэ бүхнийг үгүйсгэж, Алиа Шавкаттай зүгээр л найз нөхдийн харилцаатай, хамт тоглолт үзсэн төдий хэмээн  мэдэгджээ.

Эх сурвалж:  The Sun