15 жилийн хугацаатай газар эзэмших эрх олголоо | News.MN

15 жилийн хугацаатай газар эзэмших эрх олголоо

Хуучирсан мэдээ: 2015.11.11-нд нийтлэгдсэн

15 жилийн хугацаатай газар эзэмших эрх олголоо

Газрын эрхийн нээлттэй дуудлага худалдааны ялагчаар тодорсон иргэнд 15 жилийн хугацаатай газар эзэмших эрх олголоо

Нийслэлийн Засаг дарга “Газар эзэмших эрх олгох тухай” А/873 дугаар захирамж гаргалаа. Захирамжаар 2015 оны 10 дугаар сарын 21-ний өдөр зохион байгуулсан Газрын эрхийн нээлттэй дуудлага худалдаанд оролцож нэгдүгээр байршилд ялагчаар тодорсон иргэн Д.Жаргалсайхан нь дуудлага худалдаанд дуудсан үнэ болох нийт 80 сая 500 мянган төгрөгийг бүрэн төлсөн тул Баянгол дүүргийн 20 дугаар хорооны  нутаг дэвсгэрт 4 дүгээр цахилгаан станцын зүүн талд жижиг дунд үйлдвэрлэлийн зориулалттай 1300 метр квадрат газрыг иргэн Д.Жаргалсайханд 15 жилийн хугацаатай эзэмших эрх олголоо.

Энэхүү захирамж гарсантай холбогдуулан газар эзэмшүүлэх гэрээг байгуулж, гэрчилгээг олгон газрын улсын бүртгэлд бүртгэж, газрыг актаар хүлээлгэн өгөхийг Өмчийн харилцааны газарт, тухайн газарт баригдах барилга байгууламжийн зураг төслийг хянан баталж, хэрэгжилтэд хяналт тавьж ажиллахыг Ерөнхий төлөвлөгөөний газарт  тус тус үүрэг болгов.

Энэхүү захирамжийн хэрэгжилтэд хяналт тавьж ажиллахыг нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбатад даалгалаа.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-11-11 103.57.94.30

ene ravdan geech yu ch oilgodoggui hun uu urdiin darga nar gazar zaraad zarsan munguu uursduu iddeg bailaa odoo duudlaga hudaldaa hiij orlogiig ulsad oruulj baina malaa iim yalgaa medehgui bol um unshihaa boli

РАВДАН 2015-11-11 122.201.17.34

ЭЗЭМШИЛ НЭРТЭЙ ГАЗРЫН НАЙМАА ГЭЖ, ГОЁ ЮМ ДАА УЛААН ЦАЙМ ХУДАЛДДАГ БОЖ ДЭЭ, АТГ ХААНА ЯВНА ДАА ХӨӨРХИЙ

Boldoo 2015-11-11 112.72.15.218

saikhan khyamdkhan avch dee

NewsMN Гар утасны хувилбар Татах
NEWS.mn

Мэдээллийн эх сурвалж