Улсын драмын эрдмийн театрын жүжигчин, Монгол Улсын
гавьяат жүжигчин Г.Урнааг үзэгчид “Гал цогтой уран бүтээлч” хэмээн
үнэлдэг. Сүүлийн үед үзэгчид түүнтэй “Парисын дарь эхийн сүм”, “Би эр
хүнд хайртай” жүжигт бүтээсэн дүрээр нь “уулзаж” буй. Удахгүй жүжигчин
бүсгүй “Би ч бас жаргамаар байна” жүжгийн дүрээрээ тайзнаа амьдрахаар
тун завгүй хөдөлмөрлөж байгаа аж. Цаг заваар хомсхон байдаг гавьяат
жүжигчнийг үзэгчид “Тураах эм ууж ч юм уу, эсвэл ямар нэг дасгал
сургуулилт хийж, жингээ хэвийн хэмжээнд барьж, таргалалттай тэмцэж
чаддаг байх” хэмээн тааварладаг ч өөрийнх нь хэлснээр зөв хооллолт,
тухтай амралт түүний биеийн галбираа хадгалах хамгийн шалгарсан арга
гэнэ шүү, уншигчид аа. Та ч бас амьдралдаа хэрэгжүүлээд үзээрэй.